Bandièra01 1180x150: Comuna de Tolosa

Actualitats

Referendum en Catalonha e Aran: ont èran las urnas e los bulletins de vòte?

Pendent qualques setmanas la Gàrdia Civila aviá perquisicionat d’estampariás, d’ostals d’edicion e quitament de domicilis, mas lo material èra en Catalonha Nòrd

Lo secret melhor gardat del referendum d’independéncia de Catalonha e Aran es estat, sens cap de dobte, ont èran las urnas e los bulletins, e cossí son arribats als burèus de vòte. Pendent qualques setmanas la Gàrdia Civila aviá perquisicionat d’estampariás, d’ostals d’edicion e quitament de domicilis, mas tot çò que confiscava èran de causas qu’avián pas grand causa a veire. Dos jorns abans lo vòte, lo govèrn de la Generalitat de Catalonha presentèt en public lo modèl de las urnas. Mas lo secret demorèt fins al dimenge de matin.
 
Quand lo govèrn de la Generalitat faguèt un apèl al concors a las societats que fan d’urnas, lo govèrn espanhòl menacèt aquelas entrepresas, e qualques unas foguèron vesitadas per la Gàrdia Civila. Mentretant, la carga de las urnas èra estada fisada a una societat chinesa que las liurèt a Elna, en Catalonha Nòrd.
 
Durant tot aquel temps, un fum de personas anonimas an trabalhat en secret e se son arriscats d’anar prene d’urnas e las amagar. Èran mai que mai d’estudiants, de retirats e de caumaires, qu’an sauput agir amb discrecion maximala. Dins cada vila i aviá un coordinator que s’encargava de distribuir lo material restacat al referendum.
 
Tot lo material èra distribuit per un grop reduch de personas, cadun n’aviá una pèça mas degun o aviá pas tot. Los coordinators se metián d’acòrdi amb eles amb d’aplicacions seguras de messatjariá coma Telegram o Signal, jamai per telefòn ni mai per Whatsapp.
 
Enfin, las urnas e los bulletins arribèron als burèus de vòte pel còfre de veituras particularas dins de sacs d’escobilhas durant la nuèch, qualques oras abans la dobertura dels burèus de vòte, qu’èran comols de mond que i passavan la nuèch per protegir lo local.
 
 
Cossí los protegiguèron lo jorn del vòte
 
Lo jorn del referendum, la polícia vesitèt qualques burèus de vòte en provocant de violéncias espaventosas. Aquí ensagèron de requisicionar las urnas, mas dins la majoritat d’endreches capitèron mal.
 
Dins fòrça burèus de vòte, la majoritat dels collègis e licèus, s’èra amagat las urnas subre lo fals plafon o dins d’endreches segurs. E mai la polícia rompèsse de pòrtas e parets amb de martelasses, çò que trobèron e emportèron èran de falsas urnas plenas de paperòts, dins la màger part dels cases.
 
En d’autres luòcs foguèron encara mai engenhoses per protegir los sufragis, coma es lo cas del petit vilatge de Sant Mori, de 117 abitants, qu’a 9h totes los abitants i avián ja votat. Vejatz en seguida cossí foguèron servats de la persecucion.
 



 

 
 
 
De legir sus Directa: L'enginy col·lectiu venç la repressió
 
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
7.

Je, je, doncs em votat!
Visca la Terra...Lliure!
L'Ernest, "El Tàrrega".

  • 3
  • 0
Lo raiòu Cevenas
6.

Catalans ! Vos lo lève naut lo capèl ! Aquò d'aquí es de resistença e de solidaritat !
Ne'n siái lenga atupida.

  • 5
  • 0
J-Luc Mail Han Xon
5.

#3 Volètz saique parlar d'aquel fenhant de Valls ?

  • 2
  • 0
francesc palma
4.

Racoi enviet als antidisturbis, que obrigueron lo cap a una vielheta que volia votar, dispararen bales de goma sabent que a Catalunya està prohibit e feriren al uolh a una persona que lo pot perdre, romperen dits a una femna, palparen las popas a las femnas, un home patí un atac de cor per los cops. Açò és pas democràcia. E los antidisturbis no tenien perquè complir las ordres que van contra los Drets Humans.

  • 6
  • 0
Emmanuel Macron Palais de l\'Elisi
3.

Tòmbi de cuol !
I a en França de fenhants de catalans que van fotre lo bordel en Espanha!

  • 6
  • 0

Escriu un comentari sus aqueste article