Actualitats
Lo prèmi Nobel de la Patz lo recep la Campanha Internacionala per l’Abolicion de las Armas Nuclearas
Aquel ensems d’organizacions pacifistas se batèt e capitèt ben per que l’ÒNU adoptèsse un tractat d’enebicion d’aquela mena d’armas amb la tòca de lor eliminacion totala
Lo prèmi Nobel de la patz es estat autrejat a la Campanha Internacionala per l'Abolicion de las Armas Nuclearas (ICAN). S’agís d’una coalicion d'organizacions non governamentalas de cent païses qu’an trabalhat per metre fin a las armas nuclearas.
“Aqueste prèmi es un omenatge als inalassables esfòrces de fòrça milions d'activistas e ciutadans engatjats dins tot lo Mond que, tre lo començament de l’èra atomica, an protestat energicament contra las armas nuclearas”, çò dison la còla de l’ICAN sus lor pagina de Facebok. En mai d’aquò, considèran que lo prèmi “es tanben un omenatge als subrevivents dels atemptats atomics d’Hiroshima e Nagasaki e a las victimas de las explosions dels ensages nuclears dins lo Mond entièr, lors testimoniatges son estats fondamentals per assegurar aquel acòrdi istoric”.
Aquel ensems d’organizacions pacifistas se batèt e capitèt ben per que l’ÒNU adoptèsse lo 7 de julhet passat un tractat d’enebicion de las armas nuclearas, amb la tòca de lor totala eliminacion. L’acòrdi obtenguèt l’aprobacion de 122 païses de l’Assemblada Generala de las Nacions Unidas. Deurà entrar en vigor quan l’auràn ratificat almens 50 estats.
“Aqueste prèmi es un omenatge als inalassables esfòrces de fòrça milions d'activistas e ciutadans engatjats dins tot lo Mond que, tre lo començament de l’èra atomica, an protestat energicament contra las armas nuclearas”, çò dison la còla de l’ICAN sus lor pagina de Facebok. En mai d’aquò, considèran que lo prèmi “es tanben un omenatge als subrevivents dels atemptats atomics d’Hiroshima e Nagasaki e a las victimas de las explosions dels ensages nuclears dins lo Mond entièr, lors testimoniatges son estats fondamentals per assegurar aquel acòrdi istoric”.
Aquel ensems d’organizacions pacifistas se batèt e capitèt ben per que l’ÒNU adoptèsse lo 7 de julhet passat un tractat d’enebicion de las armas nuclearas, amb la tòca de lor totala eliminacion. L’acòrdi obtenguèt l’aprobacion de 122 païses de l’Assemblada Generala de las Nacions Unidas. Deurà entrar en vigor quan l’auràn ratificat almens 50 estats.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Alfred Nobel èra un suedès, quimista, industrial, fabricant d'armas e inventor de la dinamita.
Aviá un site de produccion de dinamita a Paulilles (francés) / Polilles (catalan), en comuna de Port-Vendres. Lo site actual es protegit e amenatjat per lo Conservatòri Nacional del Littoral.
I a un musèu de l'anciana fabrica d'explosius Nobel, que retracha las condicions de trabalh e d'explectacion dels obrièrs locals, e dels anamites importats aquí.
Lo Comitat Nobel es en Norvègia, eissut del Parlament.
De la dinamita per far petar la patz!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari