Actualitats
Rugbi de XIII: en rota per la Copa del Mond!
Aqueste còp, i sèm! En cap d’aficha de l’actualitat del XIII fins a la debuta de decembre: la tenguda de la Copa del Mond
Alan RochSerada blava a Perpinhan
Aqueste divendres, dos partits internacionals èran programats a l’estadi Brutus de Perpinhan.
Batuts 19-18 lo diluns al Barcarès pels angleses, los U-18 occitanocatalans prenguèron lor revenge en ganhant 31-26.
Davant 5000 espectators, se tenguèt puèi, lo primièr tèst entre França e Jamaïca de l’istòria. L’esquipa jamaïcana compreniá de jogaires qu’instrumentan en Championship e League One. Aquò prometiá al nivèl del combat. A la pausa, los Blaus menavan 22-2, en signant 4 ensages (l’alièr de Lesinhan Cardace tre la 2a, lo segonda-linha dels Dragons Garcia a la 9a e lo centre tolosan Ader dos còps: 19a e 25a). Los jamaïcans marcavan los primièrs punts sus la còrna mercé a una penalitat, mas puntavan un ensag tre la represa. Rouch e Jullian fasián montar la marca blava, amb las transformacions de Barthau. Los jamaïcans clavavan la marca per un ensag transformat a la darrièra minuta. Victòria dels Pols: 34-12.
Una repeticion en vista de la partida ja decisiva del 29 d’octòbre contra Liban. Mas dins l’afar, los Blaus pèrdon encara dos jogaires e mièg: lo talonaire Bonet (nafrat), l’arrièr Miloudi (indisciplina) e lo limosenc Herold, assucat, que partís amb sos collègas mas que se deurà téner quiet una quinzenada.
La fin de sason complicada dels Dragons a pas permés de seguir lo programa dels recampaments previstes. Demòra quinze jorns per balhar automatismes e esperit collectiu a la formacion nòstra: opcion realista o mission impossibla?
Alan Roch
Aqueste divendres, dos partits internacionals èran programats a l’estadi Brutus de Perpinhan.
Batuts 19-18 lo diluns al Barcarès pels angleses, los U-18 occitanocatalans prenguèron lor revenge en ganhant 31-26.
Davant 5000 espectators, se tenguèt puèi, lo primièr tèst entre França e Jamaïca de l’istòria. L’esquipa jamaïcana compreniá de jogaires qu’instrumentan en Championship e League One. Aquò prometiá al nivèl del combat. A la pausa, los Blaus menavan 22-2, en signant 4 ensages (l’alièr de Lesinhan Cardace tre la 2a, lo segonda-linha dels Dragons Garcia a la 9a e lo centre tolosan Ader dos còps: 19a e 25a). Los jamaïcans marcavan los primièrs punts sus la còrna mercé a una penalitat, mas puntavan un ensag tre la represa. Rouch e Jullian fasián montar la marca blava, amb las transformacions de Barthau. Los jamaïcans clavavan la marca per un ensag transformat a la darrièra minuta. Victòria dels Pols: 34-12.
Una repeticion en vista de la partida ja decisiva del 29 d’octòbre contra Liban. Mas dins l’afar, los Blaus pèrdon encara dos jogaires e mièg: lo talonaire Bonet (nafrat), l’arrièr Miloudi (indisciplina) e lo limosenc Herold, assucat, que partís amb sos collègas mas que se deurà téner quiet una quinzenada.
La fin de sason complicada dels Dragons a pas permés de seguir lo programa dels recampaments previstes. Demòra quinze jorns per balhar automatismes e esperit collectiu a la formacion nòstra: opcion realista o mission impossibla?
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari