Actualitats
Malta: manifestacion de protèsta contra l’assassinat de la jornalista Daphne Caruana-Galizia
Èra fòrça coneguda per aver publicadas d’informacions que desvelavan de famoses cases de corrupcion del país restacats a de membres del govèrn
Qualques centenats de personas manifestèron dimars passat a La Valeta (Malta) en seguida de l’assassinat de la famosa jornalista maltesa Daphne Caruana-Galizia, que foguèt tuada diluns a causa de la fòrta explosion que la patiguèt sa veitura. De fach, segon Malta TV, la quita Caruana-Galizia aviá dich a la polícia, doas setmanas abans, que crenhiá per sa seguretat.
L’enquèsta es en cors mas lo quite primièr ministre maltés, Joseph Muscat, diguèt que s’agissiá d’un “assassinat” e d’una “barbariá” . Se pausarà pas “fins que se faga justícia”.
A sos 53 ans, Daphne Caruana-Galizia èra fòrça coneguda per la publicacion d’informacions que desvelavan de famoses cases de corrupcion del país. O fasiá per mejan de son blòg Running Commentary. Aquí denoncièt que lo ministre de l’energia Konrad Mizzi èra mençonat dins los Papièrs de Panamà e pus tard, raportèt quitament que lo primièr ministre del país e sa femna beneficiavan de l’offshore Egrant.
Lo cap de l’oposicion, Adrian Delia, a dich que lo murtre es un “assassinat politic” e a demandat una enquèsta independenta que i participen pas ni la polícia ni l’armada, pr’amor que foguèron implicats dins plusors informacions publicadas per Caruana. De soslinhar que, diluns passat, un policièr foguèt suspendut per s’èsser regaudit suls rets socials de la mòrt de la jornalista.
L’enquèsta es en cors mas lo quite primièr ministre maltés, Joseph Muscat, diguèt que s’agissiá d’un “assassinat” e d’una “barbariá” . Se pausarà pas “fins que se faga justícia”.
A sos 53 ans, Daphne Caruana-Galizia èra fòrça coneguda per la publicacion d’informacions que desvelavan de famoses cases de corrupcion del país. O fasiá per mejan de son blòg Running Commentary. Aquí denoncièt que lo ministre de l’energia Konrad Mizzi èra mençonat dins los Papièrs de Panamà e pus tard, raportèt quitament que lo primièr ministre del país e sa femna beneficiavan de l’offshore Egrant.
Lo cap de l’oposicion, Adrian Delia, a dich que lo murtre es un “assassinat politic” e a demandat una enquèsta independenta que i participen pas ni la polícia ni l’armada, pr’amor que foguèron implicats dins plusors informacions publicadas per Caruana. De soslinhar que, diluns passat, un policièr foguèt suspendut per s’èsser regaudit suls rets socials de la mòrt de la jornalista.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Seriá estada una jornalista alemanda, anglesa o estatsuniana, n’aurián parlat d’en pertot. Essent una maltesa, e que de mai fa son trabalh de recerca, la cal trapar la novèla dins los mèdias d’un “grand país” coma França. Es vertat que fòrça jornalistas d’aquí son de barjacaires de salón que t’acivadan amb lors certituds, mas d’enquista de terren, ges! Cal èsser justes: demòran encara qualques mèdias que fan lor trabalh. Mas son paucs pel prètzfach d’informacion e de desintoxicacion qu’es de faire.
De tot biais, mercé Jornalet de nos assabentar!
E omenatge a dòna Daphne caruana-Galizia!
Un assassinat faissista mai.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari