CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 22 d'octòbre

Actualitats

Dissabte, 21 d'octòbre de 2017, 03h00 Politica,Internacional

Belgica, Eslovènia, Finlàndia, Lituània, Ongria, Norvègia, Irlanda e Chequia critican la repression contra Catalonha e Aran

Malgrat que l’Union Europèa se siá mostrada favorabla a la repression del govèrn de Mariano Rajoy, los govèrns de plusors païses la critican durament


Comentaris 20 comentaris    
Marrit Flac Bon Plan bon Fabulós (16 vòtes)
carregant En cargar


E mai l’Union Europèa se siá mostrada favorabla a la repression del govèrn de Mariano Rajoy contra Catalonha e Aran, una tièra de govèrns europèus l’an criticada.
 
 
Belgica critica la violéncia
 
Lo primièr qu’o a fach es lo primièr ministre bèlga, Charles Michel. “La violéncia non pòt pas jamai èsser la responsa! Condemnam totas las formas de violéncia e tornam afirmar nòstre apèl a un dialòg politic”, çò diguèt Michel. En mai d’aquò, lo ministre de l’Interior d’aquel meteis govèrn, Jan Jambon, se demandava ont èra Euròpa e perqué respondiá pas a las agressions contra Catalonha.
 
Lo govèrn espanhòl reagiguèt amb una fòrta indignacion e o considerèt coma “una ataca inacceptabla”. En represalhas, Espanha pensa de levar son sosten a Catherine de Bolle, la candidata de Belgica a dirigir l’Europòl.
 
 
Reconeissença d’Eslovènia
 
Quant a el, lo primièr ministre eslovèn, Miro Cerar, diguèt qu’èra chepicat per la situacion en Catalonha a causa de la repression espanhòla. E mai lo numèro dos dels socialistas eslovèns, Jan Skoberne, afirmèt qu’Eslovènia reconeisseriá l’independéncia de Catalonha e Aran.
 
De son costat lo president del parlament esloven, Molan Brgelz, afirmèt que Catalonha aviá drech d’autodeterminacion e anoncièt que cridariá l’ambaissador d’Espanha per demandar d'explicacions sus la repression.
 
E totjorn en Eslovènia, Miha Lobnik, qu’es l’avocat del Principi d’Egalitat d’Eslovènia, una institucion oficiala que defend los dreches dels ciutadans de la republica, exprimiguèt net e clar son refús de la repression espanhòla. Lobnik se demandava se los eslovèns volián far partida d’una Union Europèa que permetiá aquel tractament dels catalans.
 
 
Finlàndia: “La violéncia en Catalonha es inacceptabla”
 
Lo president finlandés, Sauli Niinistö, publiquèt lo quite 1r d’octòbre, jorn del referendum, una declaracion sus Twitter qu’assolidava que la situacion de Catalonha èra fòrça delicada e que caliá una negociacion. Niinistö reclamava amb claretat que s’acabèsson las menaças.
 
E mai lo Ministèri dels Afars Estrangièrs finlandés apondiá que “la violéncia en Catalonha es inacceptabla”.
 
 
Lituània: “La violéncia ajudarà pas”
 
Tanben lo jorn del referendum, lo ministre dels afars estrangièrs lituan, Linas Antanas Linkevičius, afirmèt que la violéncia ajudariá pas a resòlvre lo problèma catalan e reclamava al lo govèrn de Rajoy que dialoguèsse amb  “son pòble”.
 
 
Norvègia mòstra son chepic
 
Dins la meteissa linha se preocupava lo Ministèri dels Afars Estrangièrs norvegian, que crenhiá una possibla pojada de la violéncia.
 
 
Chequia se demanda s’aquò es l’UE en 2017
 
En Chequia èra lo pòrtavotz del govèrn, Martin Ayrer, que manifestava sa protèsta. Ayrer demandava irònicament se los imatges de Catalonha que publicavan los mèdias chècs èran vertadièrament de l’an 2017 e d’un estat membre de l'Union Europèa.
 
 
Irlanda planh la repression
 
De son costat,  lo primièr ministre d’Irlanda acceptèt la demanda presentada al parlament d’aquel país, e telefonarà a Mariano Rajoy per exprimir lo planh de son país a prepaus de la violéncia e la repression de l’estat contra lo referendum.
 
 
Putin e Berlusconi
 
E darrièrament lo president rus, Vladimir Putin, e l’èx-president italian, Silvio Berlusconi, an profechat de l’escasença per criticar la doble mesura de l’Union Europèa.
 
Putin critiquèt que l’UE encoratgèsse lo separatisme en sostenent l’independéncia de Kosova. “Ara o patís amb l’afar de Catalonha”, çò diguèt segon Russia Today. “Sembla qu'als uèlhs de nòstres collègas i a de luchaires legitims de l'independéncia e la libertat, e d’autre latz i a los separatistas, que pòdon quitament pas defendre lors dreches amb de procediments democratics”, çò ajustèt lo cap rus.
 
 
Per quant a Berlusconi, critiquèt ièr delà la decision del govèrn espanhòl de reprimir lo referendum. “Respècti Mariano Rajo, mas ieu probablament auriái pas mandat la Gàrdia Civila per evitar que los catalans votèsson al referendum”, çò diguèt.
 

“De faissisme”
 
Mas benlèu la critica pus fòrta arribèt ièr de la man de l’èx-ambaissador britanic Craig Murray. “Dissòlvre un parlament per forçar una nòva eleccion pr’amor que t’agrada pas çò que lo mond votèron, es, sens cap de dobte, de faissisme”, çò diguèt.
 


 
França e Alemanha sostenon Rajoy
 
A l’opausat dels primièrs ministres europèus que demandan dialòg son Emmanuel Macron e Angela Merkel, las autoritats màgers dels païses de l’UE. Totes dos an manifestat aquesta setmana lor sosten explicit a Rajoy e a respectar la Constitucion espanhòla. “Lo Conselh Europèu serà marcat per un messatge d’unitat a l’entorn d’Espanha”, çò diguèt Macron just abans lo començament de la reünion de ièr delà.

 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

30 d'octòbre 10.17h

Gràcies a aquests Països, es molt important el suport internacional, però França i Alemanya, podrien ésser menys...Un respecte per la gent que va rebre, sense cap motiu, no feien cap mal, ni el Govern Català que tampoc fa cap mal, es una votació casum...Només volem ésser lliures. Spain es un estat que no reconeix res, ni l'Universal Dret a l'Autodeterminació, ni que Catalunya es una Nació.
Quan es res de res, l'únic que es pot fer es marxar, i ni il·legal, ni res, si la llei no ho... Legir mai


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

23 d'octòbre 14.23h

E ben òi... Constataretz qu'en Frankamanha, son las putas que se fan elegir. Mès ieu vòte pas per elas : se fan pro pagar coma aquò.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

22 d'octòbre 09.07h

#16 Anem, xiquet, quan vingui al País Valencià,

La manta al coll i cabasset
Mo’n anirem al Postiguet,

I o arreglarem tot amb un bon arròs i una ampolla de Morvedre.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

22 d'octòbre 09.02h

#13 Non, es coma pels indians d'America:

Un bon catalan es un catalan mòrt!*

*Culturalament parlant, s'entend.**

** Encara que la polícia de Rajoy, se contunha aital se poiriá fargar un palmarés amb de mòrts coma al temps da la tan vantada transición. Suls mòrts de Vitoria, en Lluís Llach compausèt un magnific réquiem: Campanades a mort. Lo tornèt cantar i a gaire, que fasiá mestièr perdeque dins l’Espanha destorbada sembla que i a pas que los mòrts d’un costat que comptan.


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 22.57h

El govern espanyol aprova destituir el govern català i assumir les competències de la Generalitat

El president Mariano Rajoy diu que "no se suspén l'autogovern sinó que es recupera la legalitat" i anuncia la convocatòria d'eleccions en un màxim de 6 mesos
Redacció, ACN / Catalunya
https://www.diarilaveu.com/noticia/77268/govern-senat-destituir-assumir-generalitat


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

21 d'octòbre 22.50h

Mariano ha aconseguit lo que volia, que ni s'hagués començat lo dialeg, ni la negociacion. Què Europa ho sapiga, non volia negociar ni defora la constitucion, ni dins la constitucion. Sempre amenaçant en cada declaracion que feia a Puigdemond. Quan anava a Europa deia qu' oferia negociacion dins la constitucion, mas aquí, molt poques vegades ho diguet, e anava acompanhat sempre amb un munt d'amenaces que tapaven completament la possibilitat de negociar de Puigdemont. El es lo responsable d... Legir mai


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 21.25h

#11 Ah, vèsi plan, aquò se sona un partit unic ! Qu'es d'ara endavant çò que se fai de mai evoluat dins la novèla Europa democratica . En clar la CE a fach tot aquel camin per n'arribar a China o Belarus. Coma o-cantava lo poëta "No era això, companys, no era això pel que varen morir tantes flors, pel que vàrem plorar tants anhels."


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 21.17h

#6 Un bon catalan ei un catalan anti-independentista?


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 21.04h

#6 I ara, tothom canta "cara al sol"….


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

21 d'octòbre 20.02h

#3 La majoritat sarà pas independentista, Rajoy l'a ja anonciat e lo PP a explicat perqué: lu partits autorisats saran rigorosament seleccionats per Madrid (es a dire que lu partits repertoriats coma potencialament independentistas e sei dirigents auran pas lo drech de se presentar.
Es aquò la democracia espanhòla sostenguda per Merkel, Macron e Juncker!


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 11
  • sol Aush 10
  • sol Bordèu 11
  • sol Briançon 11
  • sol Caors 7
  • sol Carcassona 13
  • sol Clarmont-Ferrand 9
  • sol Confolent 10
  • sol Gap 9
  • sol La Canau 11
  • sol La Gàrdia 16
  • sol Limòtges 9
  • sol Lo Borg Sant Dalmatz 14
  • sol Lo Puèi de Velai 11
  • sol Marselha 15
  • sol Montpelhièr 15
  • sol Naut Aran 8
  • sol Niça 18
  • sol Nimes 15
  • sol Pau 12
  • sol Peireguers 8
  • sol Rodés 11
  • sol Tolon 9
  • sol Tolosa 12
  • sol Valença 12

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Arremassada de signatures pera independéncia. ANC Val d'Aran, Vielha 11-12 de gèr 2014

  • © Xavi Gutiérrez Riu

    Baish Ador

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • País de Rasés. © Franc Bardòu

    País de Rasés

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Fòrt Maginòt de Sant Anhe

  • Nimes

    Dictada occitana 2014

  • © Asalaís Moniguet

    Montpelhièr la lengadociana

  • © Celèsta Toion

    La plaja espaci de libertat? D'expression?

  • © Aure Séguier

    Carnaval Biarnés 2017

  • © Celèsta Toion

    La plaja espaci de libertat? D'expression?

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • Canton de jongla

    Pantais (Poèmas de Lisa Gròs sus pinturas de Christine Nicolas)

  • País de Rasés. © Franc Bardòu

    País de Rasés

  • © Franc Bardòu

    Tèrra albigesa

  • © Laurenç Revèst

    Cau d'Alh (Comtat de Niça)

  • © Franc Bardòu

    Tresaurs andorrans

  • © Laurenç Revèst

    Castelar

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


4%



2%



93%



0%




Vots 92 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)