CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 22 de julhet

Actualitats

Dimenge, 22 d'octòbre de 2017, 03h00 Societat,Politica,Internacional

Lo govèrn espanhòl vòl prene lo contraròtle dels govèrns de Catalonha e d’Aran

Mariano Rajoy prepausa de destituir Carles Puigdemont e totes los membres de son govèrn e de contrarotlar las decisions del Parlament catalan. Las institucions de la Val d’Aran serián tanplan tocadas


Comentaris 5 comentaris    
Marrit Flac Bon Plan bon Fabulós (4 vòtes)
carregant En cargar


Lo president del govern espanyol, Mariano Rajoy, vòl destituir lo president de la Generalitat de Catalonha, Carles Puigdemont, e totes los conselhièrs (ministres regionals) de son govèrn, e prene lo contraròtle del Parlament de Catalonha. Son intencion es de convocar d’eleccions regionalas “tan lèu coma se recobrarà la normalitat institucionala”, çò anoncièr ièr. Segon Rajoy, aquelas foncions las assumiràn las “autoritats” que lo govèrn espanhòl designarà. Tanben las decisions del Parlament de Catalonha seràn contrarotladas pel govèrn de Madrid. “Aquò es pas una suspension de l’autonomia o de l’autogovèrn, —çò diguèt— son destituidas las personas qu’an plaçat la Generalitat fòra de la lei”. En mai d’aquò, Rajoy confirmèt que lo govèrn espanhòl prendriá lo contraròtle dels mèdias publics de Catalonha, çò es TV3 e Catalunya Ràdio. Los professionals d’aqueles mèdias an mostrat lor indignacion.
 
Rajoy a prepausat aquelas mesuras al Senat espanhòl que las deurà aprovar divendres venent. De soslinhar que lo Partit Popular (PP) a la majoritat absoluda al Senat, mas que lo Partit Socialista (PSÒE) e Ciutadans sostenon la decision de Rajoy.
 
Es atal que lo govèrn espanhòl a interpretat l’aplicacion de l’article 155 de la Constitucion espanhòla; segon lo president espanhòl, sa tòca es de “tornar a la legalitat” e tanben de “recobrar la normalitat e la convivéncia que se son plan deterioradas”. E mai ajustèt que o fasiá amb la volontat de “contunhar la recuperacion economica que, uèi, es en perilh evident” e de “far d’eleccions en situacion de normalitat”.
 
A prepaus de la crida al dialòg qu’aviá facha plusors còps Carles Puigdemont, Rajoy diguèt que “la Generalitat a pas prepausat cap de dialòg mas una imposicion”.
 

 

Mariano Rajoy, sindic d’Aran?
 
Una de las consequéncias d’aquelas mesuras seriá la paralizacion de facto del Conselh General d’Aran e de l’autogovèrn del país occitan, segon remarcava la deputada aranesa Mireia Boya sus son compte de Facebook, mentre qu’apelava a manifestar.
 

 
Dins aquel sens, tanben lo delegat de la Generalitat de Catalonha en Aran, Àlex Moga, anonciava las consequéncias catastroficas per Aran, e criticava lo supòrt d’Unitat d’Aran, coma sòcis del PSÒE, a la decision de Rajoy.
 



Refús del Sindic d’Aran
 
Quant al sindic d’Aran, Carlos Barrera, refusèt e condemnèt aquela “interpretacion dera democracia en aguesti tèrmes totalitaris” en tot sosténer las institucions catalanas. Dins aquel sens publiquèt sus son perfil de Facebook lo comunicat de Convergéncia Aranesa.
 
La situacion politica en Aran se presenta amb una granda tension. Lo secretari general d’Unitat d’Aran, Paco Boya, fa partida del conselh directiu del PSÒE qu’a sostengut la decision de Mariano Rajoy.

 

 
 
Manifestacion
 
De ser Barcelona visquèt tornarmai una manifestacion gigantassa ont se reclamèt la liberacion de Jordi Cuixart e Jordi Sánchez, los presidents de las doas principalas associacions independentistas que dempuèi dimars passat son en preson, acusats de “sedicion” per aver cridat a manifestar pacificament.
 
Carles Puigdemont jonguèt tanben aquela manifestacion, ont la societat catalana exprimiguèt son malèsser davant aquelas politicas autoritàrias de repression.
 


 
 
Puigdemont convòca lo parlament per que responda en consequéncia
 
“Es la pièger ataca que l’aja patida Catalonha après Franco”, çò diguèt lo president de la Generalitat de Catalonha, Carles Puigdemont. Après participar a la manifestacion, Puigdemont faguèt una compareissença institucionala ont refusèt “aquela ataca” que qualifiquèt d’“umiliacion incompatibla amb una actitud democratica”. Ansin diguèt que “d’impausar un govèrn non elegit pels ciutadans es aquò, es coma exercir la violéncia contra los ciutadans, perseguir los mèdias, incarcerar las gents...”
 
Dins son discors prononciat al Palais de la Generalitat, Puigdemont anoncièt que demandariá al Parlament de Catalonha que convoquèsse una sesilha extraordinària per analisar las consequéncias de l’article 155 e prene “las decisions pertinentas”. Segon Vilaweb, aquela sesilha se tendrà divendres que ven, en parallèl a la sesilha del Senat espanhòl a Madrid.

 
 

abonar los amics de Jornalet
 



publicitat
BANER1-2-3: DGPL DICTADES



Comentaris

23 d'octòbre 20.27h

Quand s'ausis aquel discórs dau president Puigdemont, plen de determinacion, de dignitat e de bon sens, òm pòt pas s'empachar de pensar a la faula (cantada fa temps per un trobador dau nòstre e tanben presenta dins maitas savièssas orientalas) de la pluèja que rend fòl, levat aquel que s'es abrigat jol portal e qu'es doncas vist coma un baug per totis aqueles que la pluèja a rendut fòls.

Lo sol òme d'estat europenc fisèl als ideals de libertat, de convivència e de democràcia tal... Legir mai


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

23 d'octòbre 15.51h

#1 Sensa demembrar que, coma precíson justament d'únei juristas, se lo govèrn (= lo poder executiu) prèn lo contraròtle dau Parlament (= lo poder legislatiu), aquò es anticonstitucionau, vist que, normalament, la Constitucion garantisse la separacion dei poders... Rajoy, en disent d'aplicar la Constitucion, anarié doncas ... còntra la Constitucion!


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

22 d'octòbre 23.20h

Lo messorguier Rajoy diguet al Parlament Espanhol que no hi havia cap estat del mond que permetés far un referendum d'autodeterminacion. Naturalament lo següent orator li responguet qu' Escocia a la Gran Bretanha e lo Quebec al Canadà. Mas quan ausiguet la responsa poset una cara d' estranhesa, coma se fosse lo primier pic que ho ausigués dir. Coma s'estigues en un altre mond. A mai es lo major ladre del mond 72 000 milions d'euros que deisset als bancs privats e que no han tornat e que ja ... Legir mai


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

22 d'octòbre 13.38h

#1 Quora las eleccions permeton al pòble d'obténer la defensa de sos dreits, te remembras, Guevara, quina es las responsas, la soleta possibla ? O ès vengut socialista, tu tanben ?


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

22 d'octòbre 13.33h

Mariano Rajoy prepausa de destituir Carles Puigdemont e totes los membres de son govèrn e de contrarotlar las decisions del Parlament catalan ? E de quin dreit ? Lo Parlament Catalan e Carles Puigdemont son estats elegits a la majoritat electorala, per d'electors liures dins un sistemi democratic, non ?


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • © Zep Armentano

    XI prèmis Gaudí de l'Acadèmia Catalana del Cinèma

  • © Franc Bardòu

    Tèrra albigesa

  • Era còlha dera ADÒC ath trabalh

  • © Laurenç Revèst

    Besièrs, preséncia d'occitan en ciutat e CIRDOC

  • © Aure Séguier

    Carnaval Biarnés 2017

  • Valadas. © Xavi Gutiérrez Riu

    Valadas

  • © Laurenç Revèst

    Lengue a Mentan

  • Meravilhas aranesas. © Franc Bardòu

    Meravilhas aranesas

  • © Chau Viva

    Qualques salas de classa d'occitan en collègi

  • © CD

    Escòla Calandreta dau Mas. Drap (País Niçard)

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Zep Armentano

    Era Mongetada (Val d'Aran 28-29 d'octobre 2017)

  • Decoracion au dessus de la chaminièra de l’ostau, un pichot vilatge provençal en ivèrn amb de la nèu, amb una glèisa, e quauquei decoracions provençalas coma lei santons de Provença, venent d’Aubanha!  © Quentin Willaume

    Concors de Nadal de Jornalet: Cossí se passan las Calendas en cò vòstre?

  • Niça vièlha en occitan niçard. © LR

    Niça vièlha en occitan niçard

  • De bandièras occitanas a la manifestacions dels Gilets Jaunes, Tolosa 8 de decembre 2018

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Auribeu de Sianha

  • © Xavi Gutiérrez Riu

    Rodés

publicitat

LATERAL2 330x60: Casteth Paums



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)