Bandièra01 1180x150: Comuna de Tolosa

Actualitats

Benoît Hamon a prepaus de Catalonha: “L’Union Europèa es estada d’una complicitat afligenta”

“Lo refús del dialòg de part del govèrn espanhòl e dels dirigents europèus a menat a l’androna actuala”, çò a dich l’èx-candidat socialista a la presidenciala

Lo cap del Movement del Primièr de Julhet e èx-candidat socialista a la presidenciala francesa, Benoît Hamon, a definit coma “vergonhós” lo ròtle de l’Union Europèa a prepaus de la situacion en Catalonha e Aran. Dins una entrevista emesa diluns sus France Inter, Hamon critiquèt que los caps europèus sostenguèsson lo president espanhòl, Mariano Rajoy, sus l’aplicacion de l’article 155 de la Constitucion espanhòla. “Es pas la bona solucion”, çò precisèt.
 
Segon Hamon, la situacion en Catalonha e Aran es “una crisi politica e institucionala” e cal de “dialòg”. “Lo refús del dialòg de part del govèrn espanhòl e dels dirigents europèus a menat a l’androna actuala”, çò ajustèt en remarcant qu’ara tot dependiá “de las decisions de Carles Puigdemont”, lo president de la Generalitat de Catalonha.
 
 
 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Reinat TOSCANO LO VAU
1.

Mai es pas per aquò que sostèn Catalonha!

  • 9
  • 0

Escriu un comentari sus aqueste article