Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaBigòrraPaís de Tarba

La convencion per l’ensenhament de l’occitan en Bigòrra, violada 17 jorns après èsser signada

| Jonny Danger

Segon çò que rapòrta lo jornal en linha La Setmana, lo director academic dels servicis de l’Educacion Nacionala (DASEN) a romput la convencion per l’ensenhament de l’occitan en Bigòrra, signada al començament de setembre pel conselh general dels Nauts Pirenèus e l’Educacion Nacionala.


La convencion per l’ensenhament de l’occitan en Bigòrra, signada al començament de setembre, es estada interrompuda 17 jorns puèi, quant lo DASEN a ordenat al conselhièr pedagogic en occitan de Tarba de se metre a mièg temps a disposicion de la circonscripcion de Lanamesa (Manhoac), çò qu’interromp una bona partida de las siás missions en occitan.
 
“17 jorns après la signatura de la convencion departamentala, lo DASEN ne viòla, utilateralament, los tèrmes”, çò escrivon de militants bigordans dins un comunicat. Segon eles, aquela mesa a disposicion interven dins un contèxt ont la còla de Lanamesa a pas de deficit de personal ni de mejans. Es en desacòrd amb la posicion del rector d’acadèmia qu’a exigit que siá respectat lo sieu engatjament pel desvolopament de l’occitan.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gèli Grande Lairac en Agenés
23.

Car Sénher Bourdon

Dins mon univèrs professional, soi sindicalista e m'es arribat de signar d'acòrdis pel ben de totes los salariats. Se la seccion sindicala decidiguèt de signar èra per que sabiam que l'acòrdi seria respiechat dels dos costats.
Lo problèma damb l'administracion francesa e tanben d'administracions localas elegidas pels occitans (comunas, departaments, regions) es que sèm pas jamai segurs que los acòrdis seràn respiechats. Quand i a la possibilitat d'una vertadièra avançada per l'occitan solide que cal signar mas cal redoblar de vigilància e nerviosament es usant.
Per çò qu'es dels exemples locals :
1 - Tocant las administracions localas sèm un pauc mai segur que las regions Aquitània e Miègjorn Pirinèus faràn quicòm per que i a d'elegits occitanistas coma D Grosclaude e G Latrubèssa que son tostemps a velhar çò que se fa ... se dins quauquas annadas son pas reconduchs e ben nos caldrà tornar mai remar coma de galerians.
2 - En octòbre de 2008 la comuna d'Agen faguèt una ceremonia per oficializar la mesa d'una bandièra occitana al seu fronton. Regularament la bandièra es tirada e cada còp cal una pluèja de telefonadas d'occitanistas per que l'administracion agenesa tòrne metre la bandièra.
Se regularament los occitanistas units fasian entre 10 e 20 del cent a cada eleccion las moscas cambiarian d'ase.

  • 1
  • 0
Pèir Bigòrra
22.

Eth mes pietadós ací qu'ei de véger monde pelejar-se tà saber se cau èster nacionalista tà deféner de plan eth occitan. Eth jornalet n'ei pas hèt entà's díser salopèrs a disténcia quan non seré pas fotut de'us vse díser cap e cap. Sustot que sòi segur que sus eth hons deth article, qu'èm plan d'acòrd tots tà díser qu'ei ua saloperia. Jo que me'n foti de saber s'eths capulats de la FLECO o deth CREO e son independentistas o repulicans francés, çò que sèi qu ei de qui defenen era lenca nosta tanben e que hèn eth tribalh.

E estossen nacionalistas occitans, non poirén totun pas ténguer un discors ostile ara republica en escòla e ua societat que i ei estacat a tòrt o a rason e pas incondicionalament darrèr era causa occitan, mes dàvit ath contrari. Açò que seré contra productiu de non pas saber jogar eth equilibri e d'embarrar-se ua postura estigamtisanta.

  • 3
  • 1
Faidit Comuns
21.

#18

" de combatent de fòrum pepiòt qui ataca los occitans per impoténcia davant França"

"Per impoténcia davant França": Levat aquò, te considèras pas coma un nacionalista francés!!!!

Es pas una malautiá d'èsser un brave sotmetut a França, sabes. E dins ton cas, es quicòm de normal, vist d'ont sortisses. O pòdes assumir. I a pas de mal.

  • 1
  • 1
Faidit Comuns
20.

#18

Mas tu, de qué fas, de de qu'as fach per l'occitan?
De que fas e de qu'as fach per Occitània ?

Diga-o, sèm plan interessat de conéisser ton CV militant !!!!

  • 1
  • 3
BOURDON Auloron
19.

#15 "Per assegurar un estatut doncas un avenidor per nòstra lenga ne caldrà passar per un vertadier estatut d'autonomia ... " Tostemps la medisha question: e mentretant, qué hèm ? Qu'arrefusam de signar tota convencion en favor de l'ensenhament de la lenga d'òc ?

  • 2
  • 0

Escriu un comentari sus aqueste article