Bandièra01 1180x150: Comuna de Tolosa

Actualitats

Catalonha e Aran: lo Senat espanhòl apròva uèi lo 155 del temps que lo parlament catalan poiriá activar l’independéncia

Mentre qu’a Madrid s’aplicarà a 10h l’anullacion de las institucions catalanas e aranesas, es probable que lo Parlament de Catalonha responda en levant la suspension de la declaracion d’independéncia e en proclamant la Republica Catalana

| Albert Salamé
L’actualitat politica de la jornada d’uèi es centrada sul Senat espanhòl e sul Parlament de Catalonha. D’un caire, s’aplicarà l’anullacion de las institucions catalanas e la presa de contraròtle espanhòla dels govèrns de Catalonha e d’Aran. De l’autre, es probable que lo Parlament  de Catalonha responda en levant la suspension de la declaracion d’independéncia e en proclamant la Republica Catalana.
 
Senat
 
Al Senat espanhòl, s’activarà a 10h la suspension del govèrn de la Generalitat de Catalonha, en prenent lo contraròtle de l’educacion e dels mèdias, e en metent jos tutèla las decisions del parlament catalan. Aquela mesura s’efectua segon l’interpretacion que lo govèrn de Mariano Rajoy fa de l’article 155 de la Constitucion espanhòla.
 
 
Darrièr ensag de dialòg
 
Quant al president de la Generalitat de Catalonha, Carles Puigdemont, ensagèt ièr una darrièra oportunitat de dialòg amb l’estat. Ièr de matin decidiguèt de declarar pas l’independéncia e de dissòlver lo parlament en convocant d’eleccions regionalas e demandant en contrapartida que lo govèrn espanhòl tirèsse lo 155. Aquela decision provocava la demission de fòrça elegits e membres de son partit e la rompedura de la coalicion Junts pel Sí (Amassa per l’òc). Totun, los dirigents del Partit Popular insistiguèron per dire que las mesuras contra las institucions catalanas e aranesas s’aplicarián de tot biais, e Puigdemont tirèt sa proposicion.
 
“Ai considerat la possibilitat de convocar d’eleccions e fòrça gents m’an demandat s’o fariái. Es mon deure d’explorar totas las alternativas per trobar una solucion dialogada e pachada. [...] Ai ensajat d’obtenir las garentidas. Cresi qu’ai obrat amb responsabilitat, mas tot aquò a pas obtengut una accion responsabla del Partit Popular, qu’a ensajat de profechar l’ocasion per crear mai de tension.”
 
Dins aquel sens, Puigdemont concluguèt que ven al Parlament de Catalonha de decidir quina deu èsser la responsa  a las mesuras del 155.
 
 
Sesilha extraordinària al Parlament de Catalonha
 
Lo Parlament de Catalonha comencèt ièr a 18h, una sesilha extraordinària per respondre als plans del govèrn de Madrid. Après los parladisses del president e dels representants de cada grop, se presentèron divèrsas proposicions. Los partits independentistas prepausan de far venir efectiva la declaracion d’independéncia, signada lo 10 d’octòbre passat. Mas cèrcan de far la declaracion d’independéncia un còp que lo Senat espanhòl aurà activat lo dich article 155, per tal de far aquela proclamacion “en legitima defensa”.
 
 
Mobilizacions
 
Mentretant, lo pòble es mobilizat e a tornat prene las carrièras. Dimècres, totas las plaças de las comunas de Catalonha e Aran èran comolas de mond per defendre lo modèl de l’escòla publica, mentre que los collectius d’estudiants son en cauma.
 
Uèi, una molonada es davant lo Parlament de Catalonha a la seguida de la crida facha per l’Assembalada Nacionala Catalana (ANC) e Òmnium Cultural per tal de “defendre la republica”.
 
Se se proclama l’independéncia de Catalonha e Aran, es possible que las fòrças de l’òrdre espanhòlas, e quitament l’armada, prengan per fòrça los edificis del govèrn catalan. E mai, lo ministèri public a previst de deténer lo president Carles Puigdemont, que riscariá una pena de 30 ans de preson, en cas que siá arrestat.
 
Podètz seguir l’actualitat a la minuta sul sit d’informacions de TV3.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
9.

D'acord i que no es faixin passar per demòcrates, que no ho son, ni ho han sigut mai.
Només cal escoltar les bajanades que diuen, que ni se les creuen ells, per alguna cosa abaixen el cap quan al Parlament parla algú de la CUP.
I no els volem aguantar, però son mes..., i ara no som les seus súbdits, el Poble parla i no els volem, volem l'Estat Català, i es el que serà i es!
Visca la Terra...Lliure!
L'Ernest, "El Tàrrega".

  • 0
  • 0
francesc palma
8.

Lo problema d'Espanha es lo franquisme que ganhet la guerra, e seguisset mantenent lo poder durant los 39 ans de dictadura., la transicion foguet a mietjas e AP e aprés lo PP amb la gent franquista continueron fins auei. Es lo que los dirigents europeus no comprenen, qu' hauria passat se Hitler e Mussolini haguessen ganhat la guerra, haguessen governat quaranta ans e aprés s'hagues fait una transicion a mietjas, e los nazis e fachistas haguessen seguit dins los grans partits ? Quin grau de democràcia hi hauria actualament en Alemanya e Italia ? Doncas coma la que hi ha ara a Espanha.

  • 0
  • 0
"Tàrrega" Igualada (PP.CC.)
7.

Ja em declarat la Independència, ara mana la nostre llei, no la de spain, per tant això no ens afecta, que diguin el que bulguin ara mana el President de la Generalitat,i el Govern Català. i es farà el que ells diguin.
Per tant: Visca la Terra...Lliure, i desepertaferro!
Ja no som súbdits, som lliures, per tant a la nostre, i que diguin missa, com si no hi fossin.
L'Ernest, "El Tàrrega".

  • 1
  • 0
pujòl miquèu aureilhan 65800
6.

Triste e inquièt que som. Eth mièu nom que poderia èster catalan: Pujòl, deth Coserans d'Arièja. Qu'è bèth-pair catalan, etc... Qu'aimi "L'estaca" de LLuis LLac, quan apèra a trincar era "còrda" coma disia Filadèlfa de Gèrda ! Mes uei era Catalonha n'ei pas, n'èra pas, cap ena situacion deth tems de Francò. Autonomia larja qu'avia, coma cap de "region", "provincia", era "generalitat". Autonomia en ua mosaïca espanhòla on ei eth trèoç mes polit, mes riche en tot càs ! Que pensi que Puigdemont e eths sièvi radicalisats fèn ua error grava, e cresasque no pòden mes arrecular. Rajoï qu'a mau reagit , d'acèord, mes aquò no justifica pas politicament eth aventurisme independentiste, qu'ac disi en despiet dera emocion, deth estrambòrd de tant de monde enas arruas de Barcelona, qu'ei per jo un crèvacòr deths terribles. Tant de monde avuglats per ideològs : que coneishi, qu'agè eth mièu avuglament !!! Ua sola rason non dita que vesi ara attitud deth govèrn catalan: era consciencia qu'eras lenga e cultura catalanas no poderian èster dominantas definitivament que s'aqueth govèrn avia TOT poder, e pas solament bèra autonomia. Eths Aranesi que parlan de mes en mes castelhan, e en Catalonha maugrat eth gran poder autonomiste eth catalan que se'n veg e n'ac pòt reconeisher...

Michel Pujol, 86 ans bientôt, et qui n'alla jamais en Espagne tant que Franco fut vivant ! Oyez Toulousains acheteurs de Costa Brava !

  • 0
  • 1
Placido Algarve
5.

(en Algarvi)
Tot meu apoi a Catalunha desd u sul de Portugal. Viva Catalunha Livre!

  • 9
  • 0

Escriu un comentari sus aqueste article