CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Actualitats

Dimenge, 29 d'octòbre de 2017, 03h00 Politica,Internacional

Puigdemont demanda “un engatjament civic e pacific” per defendre lo nòu estat

Lo president remembrèt que solament los parlaments pòdon nomenar o destituir de presidents


Comentaris 20 comentaris    
Marrit Flac Bon Plan bon Fabulós (9 vòtes)
carregant En cargar


Lo president del govèrn de la nòva republica de Catalonha e Aran, Carles Puigdemont, faguèt ièr una crida a la societat a aver “de paciéncia e de perspectiva” e a s’opausar democraticament a l’ataca que vòl far lo govèrn espanhòl, qu’a decidit de destituir lo govèrn del país, dissòlver lo parlament e convocar d’eleccions regionalas pel 21 de decembre. Dins aquel sens, Puigdemont remembrèt que “dins una societat democratica son los parlaments qu’elegisson o destituisson los presidents”.
 
En mai d’aquò, lo president insistiguèt sus l’engatjament per la non-violéncia. “Aquestas primièras oras avètz comprés que l’estapa ont sèm dintrats la nos cal defendre amb un engatjament civic e pacific. Nos desviem pas. Sens violéncia, sens insultas, d’un biais inclusiu, en respectant las personas e los simbòls, en respectant los que son pas d’acòrdi amb la majoritat parlamentària”.
 
 
Las primièras oras de la Republica de Catalonha e Aran
 
La seisena Republica Catalana comencèt sa vida divendres a 15h27. Aquel nòu estat que ven d’èsser proclamat conten lo Principat de Catalona e la Val d’Aran e per ara es lo sol que l’occitan i siá lenga oficiala.
 
Las primièras oras de vida d’aquel enfanton se festegèron per carrièras dins las principalas vilas del país, amb de fèstas, de concèrts, de brindes, de jòia... tanben de grops espanholistas d’ultradrecha violents ataquèron Catalunya Radio e agarriguèron de mond que festejavan per carrièras.
 
Los primièrs prononciaments internacionals que reconeisson pas lo nòu estat arribèron sul pic. França, Itàlia, Alemanha, lo Reialme Unit e quitament Andòrra diguèron que reconeissián sonque lo govèrn de Rajoy del temps que lo president de la Comission Europèa, Donald Tusk, avertiguèt lo govèrn espanhòl qu’empleguèsse “la fòrça dels arguments e non pas los arguments de la fòrça”.
 
Quant a Belgica, faguèt un apèl al drech internacional mentre que los socialdemocratas eslovèns celebravan la naissença del nòu estat.
 
Cossí que siá, son pas los govèrns mas los parlaments que devon reconéisser, o non, lo nòu país. Dins aquel sens se son prononciats de deputats de Finlàndia e d’Argentina que tractaràn l’afar dins de sesilhas long de la setmana qu’arriba.
 
 
Espanha dictèt una letra als govèrns de l’UE
 
Al moment de la proclamacion, l’estat espanhòl mandèt una letra a totes los govèrns dels estats de l’Union Europèa, e d’endacòm mai, en lor demandar que faguèsson sul pic de comunicats de sosten a l’unitat d’Espanha e contra l’independéncia de Catalonha en la reconeissent pas. Mandèt un modèl de letra ja escricha ont solament devián metre lo nom de l’estat. Atal o planguèt sus Twitter lo correspondent de la television alemanda a Brussèlas ARD, Markus Preiß.
 



Messatge de Puigdemont



Dissabte, Puigdemont e sa femna passejavan dins Girona

 

Crida a Euròpa



abonar los amics de Jornalet
 



publicitat
BANER1-2-3: DGPL AN LAFONT



Comentaris

31 d'octòbre 07.12h

Sabi pas se lo Raxoi es content d'el mas al mens a capitat quicòm de fòrça important pel PP: se parla pas pus de la corrupcion generalizada en Espanha, familha reiala compresa. E, a despart de l'asirança contra los catalans, èra la tòca de la manòbra, non? Es un estat mafiós que vòl ficar sas mans sus Catalonha e, levat de qualques exemples coratjoses, Euròpa n’es complici.


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

30 d'octòbre 21.25h

#18 Adixatz , que vletz er'independencia de Catalonha mès pas era deths Gascons per arraport aths Lengadocians ,estranh !


Valoriza aqueste comentari:   votar positiu 0   votar negatiu 12
Respondre comentari replica Comentari inadeqüat   Formulari d'abús de comentari

30 d'octòbre 19.18h

#17 Jaupan los cans (Madrid), passa la caravana (Catalonha). Aquesta eleccion de decembre, la pensi amarganta pel Rajoy. Que i-aurà un aigat independèntista que lo daissarà sul cuol !!


Valoriza aqueste comentari:   votar positiu 5   votar negatiu 1
Respondre comentari replica Comentari inadeqüat   Formulari d'abús de comentari

30 d'octòbre 00.55h

E qu'espèra de las eleccions del 21 de decembre venent, lo Rajoyito ? 75% d'independentistas catalans ?


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 23.09h

Que Diéu mos doni forças per defendre la Magnifica Nacion Catalana e sa heroica independència.

En el cel manca una estrelha
i la nit nos diu adéu,
recordau-vos mon amada
de qui 's recorda de vos.


Valoriza aqueste comentari:   votar positiu 13   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 22.37h

#9 Bon ser a tots aquesta grafia n'ei pas brica "espanholista " d'allhurs non sabi pas çò qu'ei aqueth mots , mès aquesta "ortografia" coma disetz jo que preferi diser grafia , qu'ei era vertadèra grafia Gascona dab x qui vau peth "sh" lengadocian qui n'a jamès existit en Gasconha , que-vs voleri diser que Bigòrra n'ei pas ua region d'Espanha mès dera Gasconha pirenenca !


Valoriza aqueste comentari:   votar positiu 0   votar negatiu 7
Respondre comentari replica Comentari inadeqüat   Formulari d'abús de comentari

29 d'octòbre 22.07h

#6 Cadena contra los espanholistas qu'enfalènan (de faire passar !) : Me sovèni que dins una de sas cançons (Tres Vidas) lo Claudi Marti cantava aquel repic "òmes tornats, òmes plan dreites". Amb aquesta coratjosa declaracion d'independènça es aquò que son lo parlament catalan e lo Puigdemont : d'òmes drechs. E plan drechs. Lor lèvi lo capèl : òsca !

Los Rajoy,Macron, Tusk,Merkel,Juncker, palhasses passadisses, faran lor temps e seran lèu doblidats, alara que la volontat del pòb... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 22.05h

#11 Cadena contra los trolls espanholistas qu'enfalènan :

Me sovèni que dins una de sas cançons (Tres Vidas) lo Claudi Marti cantava aquel repic "òmes tornats, òmes plan dreites". Amb aquesta coratjosa declaracion d'independènça es aquò que son lo parlament catalan e lo Puigdemont : d'òmes drechs. E plan drechs. Lor lèvi lo capèl : òsca !

Los Rajoy,Macron, Tusk,Merkel,Juncker, palhasses passadisses, faran lor temps e seran lèu doblidats, alara que la volontat del pòble catalan d... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 22.02h

#1 Ja ho sé. Aquesta llengua és el catanyol.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

29 d'octòbre 22.01h

#4 Me sovèni que dins una de sas cançons (Tres Vidas) lo Claudi Marti cantava aquel repic "òmes tornats, òmes plan dreites". Amb aquesta coratjosa declaracion d'independènça es aquò que son lo parlament catalan e lo Puigdemont : d'òmes drechs. E plan drechs. Lor lèvi lo capèl : òsca !
Los Rajoy,Macron, Tusk,Merkel,Juncker, palhasses passadisses, faran lor temps e seran lèu doblidats, alara que la volontat del pòble catalan demorarà, fèrma e resolguda. Contra aquel aigat identitar... Legir mai


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 15
  • sol Aush 15
  • sol Bordèu 13
  • sol Briançon 12
  • sol Caors 12
  • sol Carcassona 14
  • sol Clarmont-Ferrand 13
  • sol Confolent 11
  • sol Gap 10
  • sol La Canau 13
  • sol La Gàrdia 22
  • sol Limòtges 12
  • sol Lo Borg Sant Dalmatz 15
  • sol Lo Puèi de Velai 11
  • sol Marselha 17
  • sol Montpelhièr 15
  • sol Naut Aran 11
  • sol Niça 18
  • sol Nimes 14
  • sol Pau 14
  • sol Peireguers 14
  • sol Rodés 15
  • sol Tolon 14
  • sol Tolosa 15
  • sol Valença 11

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Jacky Grau

    Manifestacion per l'occitan dins l'ensenhament public. Montpelhièr 16 de febrièr 2013

  • © Franc Bardòu

    Catalonha etèrna

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • Fèsta occitana a Barcelona, a l'ocasion del cinquen anniversari de Jornalet

  • País de Rasés. © Franc Bardòu

    País de Rasés

  • La Primada de Montsegur 2013. © Bruno Sapena

    La Primada de Montsegur 2013

  • País de Rasés. © Franc Bardòu

    País de Rasés

  • Exposicion temporària sus Robèrt Lafont al CIRDOC (D.R.)

  • Retorn via Lunèu  © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    País Bordalés

  • Minecraft en version occitana

  • Los Pokémons de la 3a generacion revirats en occitan

  • País de Rasés. © Franc Bardòu

    País de Rasés

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Zep Armentano

    25au Corsa Aran per sa Lengua

  • Valadas. © Xavi Gutiérrez Riu

    Valadas

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Lo grand passacarrièra de Rodés. Occitan Pride 2013

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)