Aperaquí 5500 personas an participat aquesta dimenjada passada a la seisena edicion del festenal gastronomic cultural d’Aran apelat “Era Mongetada”. L’eveniment se debanèt dissabte a Bossòst e dimenge a Garòs amb un programa ric e variat a l’entorn de la varietat locala de mongeta de Bossòst. Ongan incorporava una serada occitana amb los concèrts de Gojates e Lou Seriol e un concèrt dels cosseraneses Bouilleur de sons.
 
De soslinhar, totun, lo Show Cooking ont se poguèt tastar los melhors plats requistes, que lor ingredient basic es la mongeta. Los famoses cosinièrs Eva Hausmann e James Goodyear foguèron a l’onor e acompanhats dels melhors caps de cosina araneses.
 
La tòca d’Era Mongetada es totjorn de promòure e recuperar la varietat locala de mongeta de Bossòst, dins un eveniment original e fòrça interessant.

 

---

Galariá de fòtos de Jornalet.
 
Informacions sus Aué TV