Bandièra01 1180x150: Comuna de Tolosa

Actualitats

Perpinhan: de milièrs de personas revendican lo drech de decidir dins lo Jorn de Catalonha Nòrd

La manifestacion d’ongan es estada fòrça mai nombrosa que dins las annadas precedentas e la revendicacion pus presenta èra per la liberacion dels presonièrs politics catalans

De milièrs de personas manifestèron dissabte a Perpinhan (Catalonha) dins l’encastre del Jorn Nacional de Catalonha Nòrd. Organizada per las divèrsas associacions culturalas e partits politics, la marcha ongan se debanava jol lèma “Sèm Catalonha Nòrd, volèm decidir”. Lo Jorn de Catalonha Nòrd revendica d’escafar lo Tractat dels Pirenèus, e clava cada an la corsa per la lenga catalana apelada “Correllengua”, qu’a luòc long de totes los Païses Catalans.
 
La participacion d’ongan es estada fòrça mai nombrosa que dins las annadas precedentas. Los manifestants cridavan “Ni França, ni Espanha, Païses Catalans”, e “Volèm decidir”, mas la revendicacion pus presenta sus las afichas e dins los crits èra per la liberacion dels presonièrs politics catalans, dont los presidents de las associacions independentistas e mai de mièg govèrn legitim de la Generalitat de Catalonha, embarrats dins mai d’una preson de Madrid amb las acusacions de “rebellion” e “sedicion”.
 
La protèsta finiguèt al celèbre “Castellet” de la vila catalana amb de concèrts e parladisses. Puèi la Casa Musical aculhiguèt d’autres concèrts per clavar una jornada revendicativa e festiva a l’encòp.
 
Lo Jorn de Catalonha Nòrd se commemòra lo 7 de novembre, mas la manifestacion se desplaça de qualques jorns dins una dimenjada car dins l’estat francés la data es pas un jorn feriat. Se remembra lo Tractat dels Pirenèus, signat per las monarquias francesa e espanhòla en 1659, que simboliza la particion de Catalonha, la pèrda de las institucions pròprias en Catalonha Nòrd, lo començament de la descatalanizacion sistematica del país e la resisténcia de l’identitat catalana als divèrses regims franceses.

 
 

 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

carles països valencians
21.

#20

tal volta sone millor "pollestrenc" escusa

  • 0
  • 1
Alà Tac-Català Pollestres (Països catalans)
20.

#19
Nosaltres, diem "pollestrenc" més passa pas res.

  • 2
  • 0
carles països valencians
19.

#18

hola pollestrí, si has naixut ahí i tens el DNI ets francés ... culturalment si vols valencià del nord, o gent d'oc ... o català, però de l'estat francés ... no em vinguis en trellats home, al meu poble "burreres"

pots ser francés, espanyol, i culturalment de la nació valenciana, que si home si no passa res, obri els ulls, no t'avergonyisques, no amagues el que ets, gaudix de la pluralitati diversitat, ets tot això i més

  • 0
  • 3
Alà Tac-Català Pollestres (Països catalans)
18.

#16
Citi:
"Catalunya tot i que és diferent, bella, magnífica, competent i rica, FORMA PART D'ESPANYA": com Portugal hauria de formar part d'Espanya, suposi? I la Vall d'Aran, forma part d'Espanya? I la Catalunya del Nord, hauria de formar part d'Espanya?
Citii:
"ÉS L'ESTAT ESPANYOL QUE LA FA SER COM ES": això és clar, malauradament.
"SENSE EIXE ESTAT NO SERIA CATALUNYA": sense Espanya què seria? Occitània? Belleu ja seria lliure, no?

  • 4
  • 6
Lo Jaumèt
17.

Catalonha nòrd se desvèlha ? Ne'n soi agradivament sorprès. De sègre...

  • 5
  • 0

Escriu un comentari sus aqueste article