Bandièra01 1180x150: Comuna de Tolosa

Actualitats

Tolosa: ua prumèra manifestacion “Volèm l'occitan cada jorn a la television”

La luta serà mauaisida mes d’autas mobilizacions que son previstas a Carcassona, Tolosa e Pau

Dètz movements occitans s’amassèn a Tolosa los dias passats entà decidir ua accion comuna, entà sauvar la lenga. Prumèr subjècte de colèra, la despareishuda deus contractes ajudats decidida per lo govèrn francés. Passaràn de 459 000 en 2016 a mensh de 200 000 en 2018. Shens eths, mei de 60 calandretas —escòlas bilinguas la màger part deu temps privadas— que denóncian las malas miaças qui pesan sus l’aviéner de la lors estructuras. Dusau subjècte de colèra, drin a drin, la lenga occitana qu’ei a desaparéisher de los mèdias. Lo collectiu que lancè ua campanha “Volèm l’occitan cada jorn a la television”.
 
La prumèra manifestacion lo 8 de noveme que’s tengó a Tolosa, Plaça deu Capitòli, en preséncia de Jean-Michel Lattes, prumèr adjunt deu maire de Tolosa, delegat a la cultura e a la lenga occitana. “France 3 non perpausa pas sonque ua edicion occitana e catalana per setmana, los dissabtes, un jornal de 12 minutas!”, ce disó un manifestant.
 
La luta serà mauaisida mes d’autas mobilizacions que son previstas a Carcassona, Tolosa e Pau. A Tolosa, lo 20 de noveme entà protestar contra la desapareishuda deus emplecs ajudats, e lo 9 de deceme davant los jardins entà continuar la luta. La crida a manifestar la han un desenat de movements occitanistas dont Calandreta, Convergéncia Occitana, País Nòstre, Bastir, lo Partit Occitan, Esquèrra Revolucionària Occitana, lo PNO, Macarèl, EELV.
 
 
 
 
Anne-Pierre Darrées
 
 


abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pom Pom Pom Pidou Bedariu
27.

#6 Fa mai de quaranta ans que demandam e demandam e demandam e que França se trufa de nosautres !!!! Que siague la drecha o l'esquèrra n'an pas res a fotre de las demandas nòstras !!! Quant a l'anecdotica Delga, aquela es pas res e compta per pas res. Jà qu'efectivament coneis pas res a l'òc e que se'n trufa d'a fons, cal rementar que son titol de "presidenta" es purament onorific, vist qu'en França los prefèctes o presidents de regions son aqui per executar servilament los òrdres de Paris.
Alara demandar,demandar,demandar, es coma pissar dins un violon, o sabem que tròp !

  • 18
  • 5
Lo Circ Pinder
26.

#25 Heu, Carole Delga, benlèu ? Galejada pas mòrta !

  • 18
  • 4
Joan Petit
25.

#24 Justament sabi pas, m'agradaria de conèisser lors noms, n'ai jamai ausit parlar e es per aquò que pausi aquesta question, sensa cap ironia o malvolènça.

  • 21
  • 3
Fabrici
24.

#23

Cresètz que i a pas cap d'elegits occitanofònes o occitanistas que siá a la Region Occitània o endacòm mai ?

  • 4
  • 1
Joan Petit
23.

#21 D'elegits occitans ? Existis aquò ? Ont ? Avètz de noms ?

  • 27
  • 4

Escriu un comentari sus aqueste article