Actualitats
Siria jonh l’acòrdi de París e daissa los Estats Units coma lo sol país del Mond que lo refusa
Aquesta setmana a luòc a Bonn la conferéncia del COP23
Siria a anonciat que signarà l’acòrdi de París de 2015 sul cambiament climatic. O an dich sos representants pendent la conferéncia del COP23, que se debana a Bonn (Alemanha). Aquel fach daissarà los Estats Units coma lo sol país del Mond que refusa de participar a la lucha contra lo cambiament climatic. En junh passat, lo president estatsunidenc, Donald Trump, anoncièt que quitava l’acòrdi que l’aviá signat son predecessor, Barack Obama. Mas lo renonciament pòt pas èsser efectiu abans lo 4 de novembre de 2020.
A Bonn i a una delegacion de centenats de cònsols e ambaissadors, de presidents d’universitats e d’òmes d’afars per assabentar qu’al nivèl local e entrepresarial se contunha de prene d’accions per ensajar de contrarotlar los efièches de l’aument de temperatura.
Qualques comentators an soslinhat lo fach que, quitament Corèa del Nòrd, un regim que recep tantas criticas e que los Estats Units considèran coma un enemic perilhós, a signat l’acòrdi. Tanben Nicaragua, qu’aviá refusat l’acòrdi, a anonciat que lo signarà, e mai se l’oposicion d’ailà jutja que los engatjaments declarats son pas pro fermes ni ambicioses.
A Bonn i a una delegacion de centenats de cònsols e ambaissadors, de presidents d’universitats e d’òmes d’afars per assabentar qu’al nivèl local e entrepresarial se contunha de prene d’accions per ensajar de contrarotlar los efièches de l’aument de temperatura.
Qualques comentators an soslinhat lo fach que, quitament Corèa del Nòrd, un regim que recep tantas criticas e que los Estats Units considèran coma un enemic perilhós, a signat l’acòrdi. Tanben Nicaragua, qu’aviá refusat l’acòrdi, a anonciat que lo signarà, e mai se l’oposicion d’ailà jutja que los engatjaments declarats son pas pro fermes ni ambicioses.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E Veneçuela que segons la premsa del banquiers anomenan liura, què? tamben ha signat ! Doncas l'imperi del mal es l'unic. Ben mas fins d'aquí a dos ans té temps per canviar, veirem que farà ?
America first!
Es aisit: es soleta!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari