Bandièra01 1180x150: País Invisible

Actualitats

Tèrratrem en Curdistan: mai de tres cents mòrts

Lo sisme de 7,3 grases sus l’escala de Richter aguèt son epicentre près de la frontièra politica dels estats iranian e iraquian

| Berzê
Un fòrt tèrratrem secodèt aqueste diluns passat lo Curdistan Oriental en causant de centenats de mòrts e de milierats de nafrats. Lo sisme de 7,3 grases sus l’escala de Richter aguèt son epicentre près de la frontièra amb lo Curdistan Meridional, ont tanben sentiguèron las brandidas.
 
Las autoritats iranianas raportèron 328 mòrts e 5300 nafrats, mas en avertissent que se tractava de donadas provisòrias. Lo tèrratrem a secodut una zòna de montanha ont fòrça vilas e vilatges se tròban sens comunicacion ni servicis essencials. L’aiatollà Khamenei, cap suprèm d’Iran, planguèt lo dòl de la nacion iraniana, mai que mai de las familhas afectadas pel sisme.
 
Quant a las autoritats del Curdistan Meridional, raportèron sèt mòrts e tres cents personas espitalizadas. La vila mai pertocada es Derbendîxan ont la “situacion es fòrça critica”, segon lo ministre de la santat, Rejuat Rashid. Lo principal espital de la vila a patit de damatges importants e es demorat sens electricitat, e per aquela rason calguèt menar los nafats a Silêmanî, la segonda vila del país.
 
 
 
 
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mika Etchebehèra
1.

L’aiatollà Khamenei, cap suprèm d’Iran, planguèt lo dòl de la nacion iraniana, mai que mai de las familhas afectadas pel sisme. Per quant a la nacion curda, sos mòrts li faràn qualques emmerdaires de mens, supausi ? Mercés a Jornalet, totun, d'apelar pòbles e territòris pels noms que los que i vivion i donan…

  • 6
  • 0

Escriu un comentari sus aqueste article