Bandièra01 1180x150: Comuna de Tolosa

Actualitats

Espanha: l’enfant raubada es condemnada a la preson per aver facha sa denóncia

María Ascensión López es lo primièr dels enfants raubats pel franquisme a aver portat l’afar en justícia, mas l’an condemnada a ela per calomnias

María Ascensión López es lo primièr dels enfants raubats pel franquisme que pòrta l’afar a la justícia, mas l’an condemnada a ela per calumnias. Ne mòstra la senténcia
María Ascensión López es lo primièr dels enfants raubats pel franquisme que pòrta l’afar a la justícia, mas l’an condemnada a ela per calumnias. Ne mòstra la senténcia | EFE/Manuel Carretero
Durant lo franquisme, las autoritats raubèron irregularament aperaquí 30 000 enfants que los donèron en adopcion a de familhas pròchas del regim. María Ascensión López es lo primièr d’aqueles enfants raubats a aver fach sa denóncia en justícia. Mas la consequéncia es qu’ela anarà en preson.
 
La justícia l’a condemnada per de calomnias contra la monja que de biais presumit auriá participat a son raubatòri. “L’acusi pas dirèctament a ela, mas dins los documents qu’ai i a son nom”, çò ditz López a prepaus de la monja. Pasmens, la justícia a pas pres en consideracion la denóncia de López mas la qu’a facha la monja, Dolores Baena. Ara, María Asunción López deu passar cinc meses en preson car pòt pas pagar los 43 000 èuros que correspondon a una multa de 3000 e 40 000 èuros en favor de la monja.
 
L’associacion SOS Enfants Raubats d’Almeria demandèt la gràcia al Conselh dels Ministres, en presentant 90 000 signaturas. Mas los ministres l’an refusada. Segon eldiario.es lo quite ministre de la justícia assolidèt qu’èra “un afar complicat” car aviá recebut “un rapòrt negatiu del tribunal qu’aviá prononciada la senténcia”.
 
María Asunción López es una femna de 53 ans, patís una incapacitat de trabalh e a dos enfants de 19 e 22 ans.
 
 
Los enfants raubats pel franquisme
 
L’afar dels enfants raubats es un dels episòdis negres de la dictatura del general Franco en Espanha. Entre los ans 1937 e 1950,  unes 30 000 enfants foguèron raubats a lors familhas. Qualques unes foguèron liurats a de familhas pròchas del regim, d’autres internats dins d’ospicis, convents o seminaris ont èran reeducats dins las idèas del franquisme. E mai qualques enfants foguèron asservits per de trabalhs agricòlas. TV3 ne realizèt un documentari fòrça complet.
 
María Ascensión López es lo primièr d’aqueles enfants raubats a aver portat l’afar en justícia, mas l’an condemnada a ela.

 


abonar los amics de Jornalet
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guilhèm Pujol Sèta
20.

#18 La meuna molhèr (qu'es mai culta que ieu !) m'a suggerit aqueles vèrses del grand Salvador Espriu, pels navegaires e vesins de la mar nòstra, sempre azurada e liura :

" Si podies venir
amb la barca del temps,
amb el vent de llevant,
amb la barca del temps.

Com et diu el teu nom,
com et diu el teu nom
i somriu la ciutat,
allunyat amic meu.

Allunyat amic meu,
si podies venir amb
la barca del temps…"

Salut e fraternitat, companhs !

  • 0
  • 0
Lo raiòu Cevenas
19.

#1#2 De vos complaire ansin dinc aquel rònle, vos meritatz l'apelacion de "boldrina de l'umanitat" !

  • 1
  • 0
Francesc Palma
18.

Car Guilhèm Pujol, som estat a Seta ciutat polida plena de canals e ont al port manget un peis bonissim.

  • 10
  • 0
Guilhèm Pujol Sèta
17.

#16 As rason, l'òme, e una d'aquelas seqüelas del franquisme se sona Partit Popular, çò que se ditz pas pro a Paris o Brussèlas.
P.S. Bonjorn e amistats als vesins de Palma, que per la mar sètz tot drèch en fàcia de Sèta !

  • 17
  • 1
francesc palma
16.

Cresi que hi ha jutges especials que son capaços de far aquestas barbaritats en Espanha. Lo franquisme ha daissat moltes seqüelas que non tenen altra explicacion que lo franquisme triomfant.

  • 8
  • 0

Escriu un comentari sus aqueste article