Bandièra01 1180x150: Comuna de Tolosa

Actualitats

Lo govèrn espanhòl auriá menaçat de mandar l’armada a Catalonha amb d’armas de fuòc e de mòrts per carrièras

Lo govèrn catalan aviá totas las estructuras e institucions prèstas per començar a metre en marcha la Republica, mas decidiguèron de o arrestar a causa del risc de banh de sang

| “Lo govèrn espanhòl nos mandava per plusors vias que i auriá violénca extrèma se contunhàvem aquel camin”, çò expliquèt ièr Marta Rovira, d’Esquèrra Republicana de Catalonha (ÈRC) a la ràdio RAC-1
Lo govèrn espanhòl auriá menaçat lo govèrn de la Generalitat de Catalonha de mandar l’armada amb d’armas de fuòc per reprimir “dins lo sang” los possibles acamps ciutadans en defensa de las institucions del país en cas d’independéncia. “Lo govèrn espanhòl nos assabentava per plusors vias que i auriá violénca extrèma se contunhàvem aquel camin”, çò expliquèt ièr Marta Rovira, d’Esquèrra Republicana de Catalonha (ÈRC) a la ràdio RAC-1.
 
Dins l’entrevista, Rovira declarèt que lo govèrn catalan aviá totas las estructuras e institucions lèstas per començar a metre en marcha la Republica, mas que decidiguèron de o arrestar per la menaça “en provenença de sorsas fisablas e verificadas” qu’avián recebut lo president Puigdemont e lo vicepresident Junqueras, “de sang e de mòrts per carrièras”.
 
“Ai demandat milanta còps qu’aquò s’explique” —çò disiá ièr Rovira— “Puigdemont a Brussèlas parlèt ja de violéncia extrèma”. Dins aquel sens precisèt que dins lo quartièr de Sant Climent Sescebes, una basa militara importanta près de la frontièra entre Catalonha Sud e Catalonha Nòrd, “i intravan d’armas”.



abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualda (PP.CC.)
12.

No es d'estranyar, son folls, odi gratuït, i sense escrúpols, es tot el que es pot esperar d'ells, i la resta no es d'estranyar, morts, perquè no? Ells ja han matat abans, durant la dictadura, i a centenars i potser milers?
Demanar-los, que es comportin, doncs no! Perquè som separatistes, i com ho diuen...fem coses il·legals, anem contra la llei i la "constitución", no fos cas canviar-la.
Vaja que la cosa sembla difícil, però no impossible...la pressió internacional, o l'ONU, o la UE, o França. o Porugal, o Andorra si cal, però tots a una contra ells.
Visca la Terra...LLiure! I Despertaferro!
L'Ernest, "El Tàrrega".

  • 0
  • 0
francesc palma
11.

Ara ha arribat lo temps per negociar.Hi ha un temps per cada causa e cada causa té lo seu temps. Se proclamet la Republica Catalana,duret no se sap pas lo temps. Es decidiguet que per evitar violencia, es defensàs pas amb violencia. E atal facet Puigdemont e al segon dia li digueren a Junqueres se volia el defensar la, e tampauc. Un partiguet a Brussel·les e l'altra se n'anet a declarar a Madrid e ja no tornet pas. E ara què, per ERC s'ha de far cap pas enrera, mas los que son en prison reconeissen lo 155 per poder sortir. Lo PDECAT diguet que volia negociar per trobar un encaix ont Catalunya es trobàs comoda dins l'Estat, mas son solament declaracions a Le Soire, no se sap pas s' hi ha hagut contactes a favor del dialeg ? Pareis com se lo dialeg servis pas per res. sembla quejJa ho tenim tot, solament nos mancaria la independència. Cresi que encara hi ha moltas mancanças qu' es poden aconseguir dialogant, coma lo blindage de la lenga e cultura, la nacion, lo concert economic ,a ara a mai haver de retornar a la normalitat que s'ha perduda. Jo crec que cal lo dialeg per tot aiçò.

  • 0
  • 0
Lo raiòu Cevenas
10.

Se pòt èstre en desacòrdi totau emb de ce que ditz un article amai o esprimir d'un biais normau emb de dire per esemple : " Ieu i crese pas a tot aquò, empossible qu'aquò susvengue en Euròpa un jorn, aquò's mon vejaire." Vai ben, vai ben.
Mès quand legisse las reaccions d'una banda de gamenasses (comentaris 1, 2, 3), me dise que fau pas aveire grand causa de fotre. Qu'aquò arrivèsse un jorn realament sus lo sòu europenc pròche, crese pas que ririáun tant, a mens que saguèsson venguts de mostres en poissença.
Fasètz pietat, monde. E se avètz d'enfants/de felencs, oblidessiatz pas de lurs dire que lur paire/grand es quauqu'us d'endigne, pudent e saique malaut... se n'avètz lo coratge !

  • 8
  • 0
Joan Petit
9.

#1#2 & #3 Soi a l'encòp sorprès e deçauput de legir sus un diari en occitan coma Jornalet lo contraste grandàs entre d'articles de qualitat e la mediocritat de certs comentaris de legèires provocators, nulasses o simplament fachòs. S'aquò's un rebat de l'opinion occitanofòna d'uèi sem mal barrats ! Cal n'aver de coratge als redactors de Jornalet per veire sos articles salopejats per las provocacions fachistas e gaire argumentadas de tal o tal arlèri que se fai plaser en escupissent sas conarias . Quina misèria !

  • 12
  • 0
Pirolet
8.

Lo quite Peces Barba, del PSOE mas que semblava un pauc senat, diguèt après las eleccions de 2015 que de contunhar aital caldriá enviar los tanks a Barcelona. Es mòrt ara e pòt pas tornar dire aquela bestièsa. Es clar que la banda del PP i a pensat mas o pòdon pas far jols uèlhs de l’estrangièr. Ja an pro fach e son arribats al limit del mutisme de la “comunautat internacionala. De tot biais, es coma lo “Tuez les tous, Dieu reconnaîtra les siens » : se o an pas dich o an pensat tant fòrt que s’es ausit.

  • 4
  • 0

Escriu un comentari sus aqueste article