Bandièra01 1180x150: Comuna de Tolosa

Actualitats

Decès de Malcolm Young, cofondador d’AC/DC

Silenciós, introvertit e perfeccionista, lo guitarrista a daissat un legat musical grandaràs dins lo mitan de l’hard rock

Lo guitarrista australian Malcolm Young, cofondador de la mitica banda de rock AC/DC, nos quitèt dissabte passat als 64 ans. La banda comuniquèt la trista nòva sus Facebook en saludant lo que foguèt la “fòrça motritz del grop”.
 
Musician silenciós, introvertit e perfeccionista, Malcolm Young a daissat un legat musical grandaràs. De composicions siás coma “Highway to Hell”, “Let There Be Rock” o “Back in Black” son vengudas d’autentics classics de l’hard rock. De soslinhar que dempuèi 1973 AC/DC a vendut mai de 200 milions d’albums.
 
Nascut a Glasgow (Escòcia), Malcolm Young emigrèt amb sa familha en Austràlia quand aviá 10 ans. Aquí, en 1973, fondèt AC/DC amb sos fraires Georges e Angus, e sortiguèt en 1975 son primièr album High Voltage.
 
Malcolm Young abandonèt la banda en 2014 après que li foguèt diagnosticada una deméncia.
 
Malcolm es partit qualques setmanas après son fraire, George Young, considerat coma lo mentòr del grop.

 

 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hight Voltage
8.

#7 Amb la bona prononciaicion seria puslèu : Et si d'ici !

  • 4
  • 0
ltrobat
7.

Com at disen en francés "AC décès!"...

  • 2
  • 0
Discs Ventadorn Not Dead
6.

#2 & #5 No Monsur Pirolet ! AC/DC Vòl dire "Corrent Alternatiu"/ "Corrent Continut" çò qu'en argòt englès significa "a vèla e a vapor", autrament dich "bisexual" (lor cal tot explicar, me damne !). Titol provocator pel mond victorian anglo-saxon un pauc "clavat del cuol", que los garris d'AC/DC èran tot çò que voldrètz mas pas de pedachos. De desconaires festejaires que te fan una musica d'infèrn. Repause en patz, Malcom Young, èras un brave baug, e malaürosament n'ia pas pro dins aquel mond tristàs.

  • 12
  • 0
Franc Bardòu
5.

#1 Lo cantaire que vesètz sul clip es Bon Scott, mòrt en 1979. Als Occitans, non lor es interdit d'escrotar ni los cantaires cantalans e occitans, ni la musica sabenta, ni la musica tradicionala, nimai la musica de l'emigracion escossesa en Australia. Aquela mena de musica, la d'aqueste grop notadament, a fòrtament contribuït a l'alestiment de mon òbra literària en pròsa — que sètz pas tapauc obligat de presar, urosament !

  • 14
  • 3
Oksitanlaştıramadıklarımızdanmısınız Çatal Höyük
4.

#3
Esparsac 240 estatjants en 2014, 696 estatjants en 1836, dins lomanha departament de Tarn e Garona.
Una glèisia coma se fan dins aquel airal.
https://fr.wikipedia.org/wiki/Esparsac#/media/File:008_Esparsac_(_82500_).JPG

Visitats Esparsac lo Hollywood occitan.

  • 0
  • 6

Escriu un comentari sus aqueste article