Bandièra01 1180x150: Comuna de Tolosa

Actualitats

Libia: de migrants venduts a l’enquant coma esclaus

Son de victimas dels trafegaires d’umans que lor prometon un passatge san e salve devèrs Euròpa

De migrants de Nigèria, Nigèr, Mali e Ghana son venduts a l’enquant coma esclaus en Libia. Aqueles migrants son de victimas dels trafegaires d’umans que lor prometon un passatge san e salve devèrs Euròpa.
 
Un vidèo realizat pel mèdia chinés SCMP e la television estatsunidenca CNN mòstra una venda a l’enquant de migrants en Libia. Amb una camèra amagada los jornalistas an enregistrada la transaccion: “Un òme fòrt per trabalhar”, çò ditz l’òme que dirigís l’enquant. Finirà que serà vendut per aperaquí 400 èuros. Puèi, lo crompaire s’interèssa a una autra persona, que ven de Nigèria, mas li dison qu’“es vendut”.
 
Una reportaira de la CNN assistís a una segonda venda a l’enquant dins un vilatge près de Trípol e filma la venda de 12 nigerians. Lo vendeire vòl pas far de declaracions après la transaccion facha lèu e dins la nuèch.
 
Aquela practica illegala e inumana es estada documentada pel primièr còp mas èra ja coneguda per las organizacions umanitàrias e per d’organismes internacionals que dempuèi qualques meses planhon que los refugiats sián a las mans de las màfias que contraròtlan lo nòrd d’aquel país. Dins aquel sens, l’Organizacion Internacionala per las Migracions (OIM) a enregistrats de centenats de testimoniatges de torturas e d’abuses que los patisson los migrants en Libia, compresa la venda de personas.
 
 

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pirolet
4.

Se vei qu'en Libia, de Montesquieu e Voltaire, an pas retengut: "Fai çò que disi e pas çò que fau!" mas lo contrari.

  • 0
  • 0
lachaud
3.

La mafia? Qui son?
Qui a darrier? la CIA, los services secrets daus pais occidentaus?
Acabarem de rancurar Khadafi qu'essaiet de redressar Libia. Dempuei los bombardaments de Libia per Sarkozy quò es una mafia au servici de las multinacionalas, mafia qu'es au-dessus daus estats, daus politics e de las religions.
Trump es lo prumier president daus Etats-Unis a engagear una vertadiera lucha contre la mafia e son braç armat, la CIA. Mas i a de que far e los medias parlan d'una guerra entre mafias au pais de Trump pusleu que de dire la vertat car son tenguts d'obeir a las multinacionalas si volan gardar lòr plaça.

  • 3
  • 0
Neo Matrix
2.

Crèba-la-fam al país, trabalhaires clandestins sense dreits ni dignitat sociala en Euròpa o esclaus en Africa de Nòrd ? Plan venguts dins lo mond real !

Tre que tot aquel paure mond trobaràn lo mejan de préner revenge, poirem totees córrer a fum de calhau !

  • 5
  • 0
Qutam Càurs ,en Càrci
1.

penedansa de môrt per los vendéires e pels crompadors!! e per las loras familias totas!! sèm en Lîbia ,en un pàys de venzicacîon generala ,es la tota côla ,pecadors e las loras familias que cal tuar!!

  • 1
  • 2

Escriu un comentari sus aqueste article