Actualitats
Maltractaments de menors aborigèns dins las presons australianas
Un rapòrt governamental a conclús que las presons juvenilas del Territòri del Nòrd, en Austràlia, son endreches de maltractaments grèus contra los detenguts, qu’en majoritat son d’aborigèns
Austràlia reconeis de maltractaments grèus contra de menors aborigèns encarcerats. Una comission reiala encargada d’enquestar sus las presons juvenilas del Territòri del Nòrd a conclús que los menors i son subjèctes a “de violéncia verbala, un contraròtle fisic e d’umiliacions”, comprés “lo refús de besonhs umans fondamentals coma l’aiga, lo manjar o l’usatge dels comuns”. Los menors foguèron incitats a se batre entre eles —de còps assoudats per o far— e foguèron tenguts en isolament “d’un biais punitiu”, ço que “plan probablament lor daissarà de damatges psicologics durables”. Lo rapòrt denóncia tanben que dins los centres de detencion s’es pas aplicat coma cal los programas de reinsercion e benèsser social. La comission reiala, fin finala, recomanda de clavar un dels centres (Don Dale) e d’aplicar de reformas prigondas dins tot lo sistèma.
Lo parlament australian comandèt que se formèsse aquela comission l’an passat, immediatament après qu’un programa de television aguèt revelat los maltractaments. L’emission, significativament entitolada “La vergonha d’Austràlia”, raportava: “Sembla gaireben pas de creire, mas aicí, en Austràlia, i a un sistèma penal qu’encarcèra d’enfants de 10 ans e envia de menors de 13 ans dins de cellulas d’isolament”.
Los maltractaments raportats “afèctan sustot los aborigèns”, çò explica l’enquèsta de la comission. Lo 30% de la populacion del Territòri del Nòrd es aborigèna, la proporcion pus nauta —de longa tòca— d’Austràlia tota. Lo Territòri del Nòrd a lo coeficient de detencions juvenilas pus naut de tot lo país. La majoritat dels joves detenguts son de gojats aborigèns.
Per ajudar a resòlver la situacion, la comission recomanda als govèrns federal e del Territòri del Nòrd a integrar los pòbles aborigens dins la presa de decisions e a escotar lors idèas.
Aquesta nòva es adaptada de Nationalia, amb qui Jornalet ten un acòrdi de cooperacion
Lo parlament australian comandèt que se formèsse aquela comission l’an passat, immediatament après qu’un programa de television aguèt revelat los maltractaments. L’emission, significativament entitolada “La vergonha d’Austràlia”, raportava: “Sembla gaireben pas de creire, mas aicí, en Austràlia, i a un sistèma penal qu’encarcèra d’enfants de 10 ans e envia de menors de 13 ans dins de cellulas d’isolament”.
Los maltractaments raportats “afèctan sustot los aborigèns”, çò explica l’enquèsta de la comission. Lo 30% de la populacion del Territòri del Nòrd es aborigèna, la proporcion pus nauta —de longa tòca— d’Austràlia tota. Lo Territòri del Nòrd a lo coeficient de detencions juvenilas pus naut de tot lo país. La majoritat dels joves detenguts son de gojats aborigèns.
Per ajudar a resòlver la situacion, la comission recomanda als govèrns federal e del Territòri del Nòrd a integrar los pòbles aborigens dins la presa de decisions e a escotar lors idèas.
Aquesta nòva es adaptada de Nationalia, amb qui Jornalet ten un acòrdi de cooperacion
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Los agís descriuts en la vidèo non pas mautractaments. Que son tortura.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari