CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dimècres, 29 de novembre de 2017, 03h00 Politica,Internacional

Catalonha: s’enebís la color jauna e que li digan "president" a Puigdemont

Lo Conselh Electoral espanhòl a tanben proïbit las expressions "conselhièrs encarcerats" o "en exili"


Comentaris 6 comentaris    
Marrit Flac Bon Plan bon Fabulós (7 vòtes)
carregant En cargar


Lo Conselh Electoral espanhòl a obligat a la comuna de Barcelona que retire la bandeiròla revendica la libertat dels presonièrs politics





Etiquetas
21d, catalonha, eleccions, espanha, repression

Las eleccions regionalas al Parlament de Catalonha previstas pel 21 de decembre que ven son pas brica normalas. Pel primièr còp son pas convocadas pel president catalan mas pel cap del govèrn espanhòl, e se tendràn amb lo govèrn de la Generalitat destituit per l’estat espanhòl e amb sos membres en preson o en exili. E coma s'aquò sufiguèsse pas, lo Conselh Electoral espanhòl ven de far doas interdiccions: d’un latz enebís als mèdias catalans que nomenen “president” lo president Carles Puigdemont, e “conselhièrs” lo conselhièrs de la Generalitat en preson o en exili; de l’autre proïbís que se pòrte de ribans jaunes dins los burèus de vòte, simbòl que revendica la liberacion dels presonièrs politics, e obliga la comuna de Barcelona de traire la bandeiròla que pòrta la meteissa revendicacion.
 
 
Interdich de dire “president” e “conselhièrs”
 
En seguida d’una demanda del partit dich Ciutadans, lo Conselh Electoral espanhòl a enebit als mèdias de la Corporacion Catalana de Mejans Audiovisuals (CCMA), en particular TV3 e Catalonha Ràdio, l’usatge d’expressions coma “conselhièrs encarcerats” o “lista del president”, perque “mancan al principi de neutralitat informativa” e “pòdon crear de confusions”.
 
La resolucion del Conselh Electoral espanhòl apond que “i a pas d’exili aital ni mai de sospechada persecucion politica” mas que se tracta sonque d’“una aplicacion de la lei”.
 
Ça que la, los presidents del govèrn de la Generalitat pèrdon pas jamai lo títol de president. Aital tant los presidents en exercici coma los que o son pas pus, an totes lo títol de president e se deu parlar del president Pujol, del president Maragall, del president Montilla, del president Mas, del president Puigdemont, etc.
 
En mai d'aquò, Carles Puidemont a renonciat al salari que recebon los ancians presidents de la Generalitat, car se revendica totjorn coma lo president legitim de la Generalitat de Catalonha.
 
 
La rebellion de la color jauna
 
E en seguida d’una demanda del Partit Socialista (PSC), lo Conselh Electoral espanhòl a tanben proïbit que los membres dels burèus de vòte, los intervenents e lo mond que trabalharàn lo 21 de decembre a aquela eleccion, pòrten lo riban jaune, e a constrench la comuna de Barcelona de levar la bandeiròla que revendica la libertat dels presonièrs politics.
 
En mai d’aquò, Ciutadans a tanben demandat al Conselh Electoral espanhòl qu’enebisca la color jauna de las illuminacions de Nadal a Barcelona.
 
Aquò a fach de rambalh suls rets socials e a descadenat una avalanca de messatges ironics. Qualques usatgièrs an sollicitat per exemple l’eliminacion de la color jauna caracteristica dels taxis de Barcelona, lo cambiament del lògo de la CUP, la supression de la linha 4 del mètro barcelonés (de color jauna).
 
A mai, se prepausa de se vestir de jaune, de portar d’eissarpas jaunas e e de far servir d’autres accessòris d’aquela color per contestar l’interdiccion.

 
 


abonar los amics de Jornalet
 
 



publicitat
BANER1-2-3: DGPL DICTADES



Comentaris

4 de decembre 17.27h

Es que no n'hi ha prou! Que no veu Europa que això es tornar a aquell que no van voler enderrocar el 1945? Quan es treuran la vena amb espanya? Que no es suficient? Que ha de passar mes?
Senyors i senyores d'Europa penseu una mica si-us-plau!
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

30 de novembre 04.13h

#3
Es aquò: cal enebir los drapèus blau-blanc-roge e la "roja y gualda". E quitar de cantar de cants sanguinaris identitaris sus la sang impura.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

29 de novembre 22.29h

Enviar a Brussel·las lo dossier complet de las enebicions que s'estan fent pel 155. Què vejan los europeus qu'es ?


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

29 de novembre 15.30h

#2 Parlatz dels estats francés e espanhòl ?


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

29 de novembre 08.03h

Qu'an rason de prohibir los simbèus deu faishonacionalisme populista. Preson, non, totun tolerànca zerò, òc.


Valoriza aqueste comentari:   votar positiu 4   votar negatiu 24
Respondre comentari replica Comentari inadeqüat   Formulari d'abús de comentari

29 de novembre 06.01h

Es aital que la democracia progrèssa en Espanha, es a dire en Euròpa; is'nt it Macron?
Quant al Rivera es un faissista que fa lo catamiaula. Dins totas las comunas espanhòlas ont an volgut cercar los mòrts de las fòssas comunas del franquisme o traire los noms de carrièra faissistas del tipe "Division Azul", son partit, Ciudadanos, s'i es opausat.


Valoriza aqueste comentari:   votar positiu 17   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 29
  • sol Aush 28
  • sol Bordèu 28
  • sol Briançon 24
  • sol Caors 29
  • sol Carcassona 27
  • sol Clarmont-Ferrand 30
  • sol Confolent 28
  • sol Gap 24
  • sol La Canau 29
  • sol La Gàrdia 29
  • sol Limòtges 29
  • sol Lo Borg Sant Dalmatz 25
  • sol Lo Puèi de Velai 26
  • sol Marselha 28
  • sol Montpelhièr 28
  • sol Naut Aran 23
  • sol Niça 27
  • sol Nimes 29
  • sol Pau 26
  • sol Peireguers 29
  • sol Rodés 29
  • sol Tolon 28
  • sol Tolosa 27
  • sol Valença 29

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Entà Bagergue. © Xavi Gutiérrez Riu

    Corsa Aran per sa Lengua 2014

  • Sud Tolosan. © Franc Bardòu

    Concors d'estiu 2012: La fotografia de las vacanças

  • © Franc Bardòu

    Catalonha etèrna

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Miquèu Barís

    Los calandrons d'Auloron qu'an visitat Baiona

  • Sant Joan de Toran. Montanhes. © Xavi Gutiérrez Riu

    Val de Toran (Aran)

  • Ostals, chasals e granjas dals vilars en Tiniá auta. © Laurenç Revèst

    Ostals, chasals e granjas dals vilars en Tiniá auta

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Lo grand passacarrièra de Rodés. Occitan Pride 2013

  • La Crosaa. © Andrea Celauro

    País d'Aison (Val d'Estura)

  • Zep Armentano

    25au Corsa Aran per sa Lengua

  • © Zep Armentano

    Era Mongetada (Val d'Aran 28-29 d'octobre 2017)

  • © Franc Bardòu

    Tèrra albigesa

  • © Laurenç Revèst

    Fòrt Maginòt de Sant Anhe

  • Val d'Aran, cap de Gasconha

  • © Anhès Rossinhòla

    Vista d'A Torbia, de Mónego e dal mont Agel despí Lai Barrai (comuna de Pelha, Gavotina marítima)

  • D.R.

    Tren e occitan

  • © Iñaki Delaurens

    Val d'Aran

  • © Franc Bardòu

    Tèrra albigesa

  • Bersorèlh : quartiers e maions ai noms occitans

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)