Bandièra01 1180x150: Comuna de Tolosa

Actualitats

Los presonièrs politics catalans entenduts pel jutge

Ara es la Cort Suprèma que se tracha de l'afar. Lo ministèri public demanda totjorn la preson preventiva incondicionala del temps que lo jutge decidirà diluns se los daissa en libertat jos caucion

Los presonièrs politics catalans, valent a dire los dos presidents de las associacions independentistas e los ministres del govèrn de la Generalitat encarcerats, foguèron entenduts divendres passat un còp de mai davant lo jutge. Aquesta vegada es la Cort Suprèma qu'a demandat l'afar a l'Audiéncia Nacionala, lo tribunal d'excepcion que se trachava de la procedura. Ara, lo jutge de la Cort Suprèma deu decidir s'anulla la preson preventiva e los daissa en libertat a l'espèra del jutjament, o se los manten embarrats. Totes son acusats de sedicion e rebellion e riscan una pena de 30 ans de preson.
 
Lo vicepresident Oriol Junqueras e los sèt conselhièrs son empresonats dempuèi lo 2 de novembre passat, mentre que los presidents de l'Assemblada Nacionala Catalana e d’Òmnium, Jordi Sánchez e Jordi Cuixart, son en preson dempuèi lo 16 d'octòbre.
 
Dins lor deposicion d'aqueste divendres, Junqueras e lo ministre dels afars exteriors Raül Romeva refusèron de respondre a las questions del ministèri public, del temps que los autres ministres respondèron a qualques questions. Totes, ça que la, refusèron de respondre a las questions que lor pausèt lo representant del partit ultradrechista Vox, que la justícia espanhòla a acceptat coma acusacion particulara.
 
 
Messatge del president Puigdemont
 
Quant el, lo president de la Generalitat, Carles Puigdemont, a mandat de l'exili estant un messatge de sosten a totes los presonièrs politics. "Devètz sortir de la preson pr'amor que i auriatz pas jamai degut intrar. Fasètz tot çò que caldrà per ne sortir. Avèm fòrça trabalh e avèm besonh de vosautres per afrontar lo tripartit del 155", çò diguèt sus Twitter.
 
Dins aquel sens, Puigdemont encoratjava los acusats d'acceptar la Constitucion espanhòla e l’aplicacion de l’article 155 d’aquesta davant lo jutge per tal d'aténher la libertat. O faguèron, en especificant qu'èra "per imperatiu legal".
 
 
Lo ministèri public demanda totjorn la preson
 
Lo ministèri public espanhòl manten la demanda de preson preventiva incondicionala "per la gravetat dels faches meses en examen". Dins lors arguments,  los procuraires insistisson per dire que i a risc de fugida e de reïteracion del delicte.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo Jaumèt
3.

#1 Tè, lo schtroumpf romegaire franquista es totjorn aqui !

  • 5
  • 0
francesc Palma
2.

Davant la CUP uns 50 manifestants d'extrema dreta es varen concentrar,ont hi havia davant sempre un home gros amb camisa blava i pantalons clars, que s'exibia pegant bots amb una bengala de fum vermelh, per impresionar a la gent, fent com una dança de la mort o de la guerra, un autèntic furiosi exaltat que no s'en pert cap d'acció violenta contra Catalunha, que cresi qu' es lo mateis qu' anava davant en l' assalt a la seu de la Generalitat a Madrid, lo qual està en libertat condicional e condemnat a quatre ans de preson. Lo jutge de Brussel·les cal que rebi un video amb las imatges d'aqueste individu molt violent, per saber qui son aquesta gent locus furiosi .Igualment lo tribunal Suprem li aniria ben veire lo video d'aqueste elements extremista que va davant de tots los altres mai petits.

  • 2
  • 0
carles pais valencià
1.

I tornalli a dir presoners politcs, que no home que no , que son politics empresonats pels actes delictius que no per les seues idees, aixó ho saben fins als gats catalans

  • 4
  • 8

Escriu un comentari sus aqueste article