Actualitats
Tolosa: l'Ostal d'Occitània festejarà son 11n anniversari amb d'artistas de tria
Una mongetada festiva, d'exposicions, de filmes e d'animacions de Claudi Martí, Gigi de Nissa, la Catinon e Xavier Vidal, demest d'autres, festejaràn l'eveniment
Dissabte que ven, 15 de decembre, l’Ostal d’Occitània de Tolosa festejarà son 11n anniversari amb una mongetada festiva e amb las animacions d'artistas de tria coma Claudi Martí, Sèrgi Pey, Joan-Jacme Cubaynes, Xavier Vidal, la Catinon, Tango Postale, Gigi de Nissa... En mai d'aquò se passarà un filme de Francis Forcou e s'inaugurarà una exposicion de Francis Loubatières.
L’Ostal d’Occitània de Tolosa es un espaci dedicat a la creacion e al raionament de la cultura e de la lenga occitanas. Aquel luòc de bona convivéncia, d’animacion e de creacion compren un espaci scenic, una estructura d’aculhença e d’informacion del public, d’espacis de mòstras, una botiga e de salas de rescontres. Una de las caracteristicas de l’Ostal es que se tracta de dos bastiments classats “monuments istorics”, dins lo quartièr Esquiròl del centre de Tolosa: l’Ostal de Boisson (un ostal capitular d’estil Renaissença) e l’Ostal de Cheverrí (que son extension es del sègle XVIII).
Trobatz l'eveniment sus Facebook.
L’Ostal d’Occitània de Tolosa es un espaci dedicat a la creacion e al raionament de la cultura e de la lenga occitanas. Aquel luòc de bona convivéncia, d’animacion e de creacion compren un espaci scenic, una estructura d’aculhença e d’informacion del public, d’espacis de mòstras, una botiga e de salas de rescontres. Una de las caracteristicas de l’Ostal es que se tracta de dos bastiments classats “monuments istorics”, dins lo quartièr Esquiròl del centre de Tolosa: l’Ostal de Boisson (un ostal capitular d’estil Renaissença) e l’Ostal de Cheverrí (que son extension es del sègle XVIII).
Trobatz l'eveniment sus Facebook.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 monJetada (sic) er monGetada, salCissa (sic) per salSissa... Avètz rason. Que son nullasses...
#1
Gigi de Nissa, me sembla qu'es le sieu nom.
Occitania~Occitània, las discussions son ferotjas entre les unis e les autris...
A ieu me tafura plan mès "*monjetada" e "*salcissa" en plaça de "mongetada" e "salsissa".
Mas, enfins, çò d'important es de fèr causas. E mès se'n farà, milhor serà.
Una aficha escricha subretrot en francés, fòrça pauc en occitan, e que conten un fum d'errors dins la partida occitana: aNiversari (sic) per aNNiversari, OccitAnia (sic) per OccitÀnia, NiSSa (sic) per NiÇa... L'occitanisme se pòrta plan a Tolosa...
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari