Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Tolosa: participacion recòrd a la jornada pedagogica de Calandreta

Aquelas jornadas son totjorn dobèrtas a totes los personals en contacte amb los enfants dins las calandretas de tot l’espaci occitan

Se tenguèt lo 1r de decembre passat a Tolosa una jornada pedagogica de Calandreta, qu’ongan i participèron 300 personas, una mobilizacion talament massissa que l’organizacion deguèt cercar d’urgéncia un nòu luòc d’aculhença, 15 jorns abans lo rescontre. Vaquí perqué la jornada se debanèt a l’Urban Soccer de Tolosa, un espaci normalament dedicat al fotbòl en sala.
 
Aquelas jornadas son totjorn dobèrtas a totes los personals en contacte amb los enfants dins las calandretas de tot l’espaci occitan: regents, novelaris, ajudas mairalas, bibliotecaris, etc.
 
Ongan lo programa de la jornada èra ric e alternèt los moments en plenièra, dont un en preséncia dels copresidents de la Confederacion, e los obradors d’escambis e de reflexion sus de tematicas precisas del Movement Calandreta coma l’immersion, las avaloracions, l’estatut del cap d’establiment, las familhas de lenga, lo segondari... Tanben los obradors, rics en reflexion e escambis, faràn l’objècte de restitucions que seràn somesas al movement Calandreta.
 
Dins un comunicat emés per Calandreta, lo collectiu que se tracha de las escòlas associativas occitanofònas merceja los participants “que faguèron d’aquesta jornada un grand moment de partatge en fasent viure çò que sonam “l’esperit calandreta””.
 
La jornada foguèt emesa dins l'edicion occitana de France 3, lo bulletin informatiu 19/20.


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
3.

Molta gent interessada amb l'educacion de Calandreta, aquò es molt bon.

  • 2
  • 0
Cédric Rousseu Tolosa
2.

#1 Son pas malonèstas e incompetents, si de non salariats d'estructuras "satelitas" de Calandreta... Coma per eisemple lo CFPO-MP aurian fach ausir la lora votz ^^ #troll

  • 0
  • 0
Guilhèm Thomas Tolosa
1.

La vertadièra novèla serà quand tot aqueste monde serà sindicat e que serà en mesura de metre defòra aquesta direccion "benevòla" tan malonèsta coma incompetenta.

  • 9
  • 1

Escriu un comentari sus aqueste article