Actualitats
Provença: de licèus portaràn los noms de Jean d’Ormesson e Johnny Hallyday
En mai d’aquò, Niça vièlha a rebatejat sa pus granda sala de concert “Nikaïa - Johnny Hallyday”
E mai se sus Jornalet n’avèm pas parlat gaire, los decèsses de l’escrivan Jean d’Ormesson e del cantador Johnny Hallyday an marcat l’actualitat de l’estat, e del país, dins aquestas darrièras setmanas. E sembla qu’aquelas personalitats aurián marcat tanben nòstra istòria car dos licèus de Provença portaràn lors noms.
Lo president de la region Provença-Alps-Còsta d’Azur, Renaud Muselier, a anonciat que de licèus serián apelats Jean d’Ormesson e Johnny Hallyday “dins leis ans avenidors”, çò rapòrta La Provence. “S’agís de gravar son òbra dins lo marbre e de perpetuar sa remembrança de generacion en generacion”, çò declarèt. Membre de l’Acadèmia Francesa, podèm soslinhar que Jean d’Ormesson fasiá partida d’una institucion d’origina monarquica que s’opausa regularament a la diversitat lingüistica dins l’estat francés.
Una sala de concèrt Johnny Hallyday a Niça
En mai d’aquò, Niça vièlha a rebatejat sa pus granda sala de concèrt: lo Palais Nikaïa se nomena desenant “Nikaïa - Johnny Hallyday” en omenatge al cantador desaparegut, en seguida d’una deliberacion votada la setmana passada en conselh municipal, que plaguèt pas a tot lo mond segon Nice-Matin. Aquel cambiament serà efectiu lo 1r de julhet de 2018.
Lo president de la region Provença-Alps-Còsta d’Azur, Renaud Muselier, a anonciat que de licèus serián apelats Jean d’Ormesson e Johnny Hallyday “dins leis ans avenidors”, çò rapòrta La Provence. “S’agís de gravar son òbra dins lo marbre e de perpetuar sa remembrança de generacion en generacion”, çò declarèt. Membre de l’Acadèmia Francesa, podèm soslinhar que Jean d’Ormesson fasiá partida d’una institucion d’origina monarquica que s’opausa regularament a la diversitat lingüistica dins l’estat francés.
Una sala de concèrt Johnny Hallyday a Niça
En mai d’aquò, Niça vièlha a rebatejat sa pus granda sala de concèrt: lo Palais Nikaïa se nomena desenant “Nikaïa - Johnny Hallyday” en omenatge al cantador desaparegut, en seguida d’una deliberacion votada la setmana passada en conselh municipal, que plaguèt pas a tot lo mond segon Nice-Matin. Aquel cambiament serà efectiu lo 1r de julhet de 2018.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
http://www.varmatin.com/politique/quand-johnny-pose-souci-a-la-crau-194119
Pas de sala Djòni a La Crau
De tota mena fagatz-vos en pas, qu'aurètz tanben un jorn d'escòlas o de licèus Vanessa Paradis, Nabila, Zemmour, Sarkozy o Macron. Es atal al reiaume de Parisiania...
Una sala de concèrt JH à Niça! Que vergonha! Anèri vèire doi còups aquel òme dins de salas niçardi:
- lo promier còup, l'espectacle fuguèt anullat just quauqui oras denant de l'espectacle, au motiu que lo pontin non li agradava... (Teatre de Verdura)
- lo segond còup (Palais dei Exposicions), arribèt en retard, embriac! Dins la promiera partida, fuguèt incapable de cantar que que siguesse, urosament que li èron lu sieus musicians e Eric Bamy per cantar! En segonda partida (après una interrupcion d'esquasi una ora, tornèt per se bolegar en playback sus la benda enregistrada de l'espectacle parisenc!
(Quauqui annadas mai tardi, veguèri lo meme triste espectacle à Lemòtges, m'un Johnny incapable de cantar e que cercava lo sieu microfòne qu'èra mai sovent per tèrra qu'entre li sieu mans!).
Una sala de concèrt JH à Niça! Que vergonha! Anèri vèire doi còups aquel òme dins de salas niçardi:
- lo promier còup, l'espectacle fuguèt anullat just quauqui oras denant de l'espectacle, au motiu que lo pontin non li agradava... (Teatre de Verdura)
- lo segond còup (Palais dei Exposicions), arribèt en retard, embriac! Dins la promiera partida, fuguèt incapable de cantar que que siguesse, urosament que li èron lu sieus musicians e Eric Bamy per cantar! En segonda partida (après una interrupcion d'esquasi una ora, tornèt per se bolegar en playback sus la benda enregistrada de l'espectacle parisenc!
(Quauqui annadas mai tardi, veguèri lo meme triste espectacle à Lemòtges, m'un Johnny incapable de cantar e que cercava lo sieu microfòne qu'èra mai sovent per tèrra qu'entre li sieu mans!).
A quan ostaus deus impòsts batiats "Florent Pagny"?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari