Bandièra01 1180x150: País Invisible

Actualitats

Cabilia: ondada de protèstas contra la marginalizacion de l’amazigh

Lo refús d’un emendament per refortir la lenga dins l'educacion es estada la gota d’aiga qu’a fach desbordar lo vas en Cabilia ont los ciutadans patisson una marginalizacion economica, sociala, lingüistica e culturala

| Siwel
Una avalanca de protèstas se debanan en Cabilia contra la marginalizacion de la lenga amazigh, après que lo Parlament d’Argeria a refusat un emendament legal que cercava de refortir l’ensenhament de l’amazigh dins las escòlas, çò rapòrta Nationalia. Los mèdias locals parlan de manifestacions de desenas de milièrs de personas per carrièras contra lo govèrn argerian. Las protèstas comencèron fa mai de doas setmanas, mas an pres de fòrça a partir de l’11 de decembre, ont de mai en mai se pòdon entendre de crits en favor de l’independéncia de Cabilia.
 
De son costat, lo govèrn argerian assegura que las protèstas se basan sus de “rumors falsas” e assegura que l’amazigh a la plaça que li pertòca dins las escòlas argerianas dempuèi 2016, quand se declarèt lenga oficiala. E d’efièch, lo refús de l’emendament respond mai que mai a una batèsta entre diferents partits politics.
 
Totun, lo refús de l’emendament es estada la gota d’aiga qu’a fach desbordar lo vas en Cabilia ont los ciutadans patisson una marginalizacion economica, sociala, lingüistica e culturala.
 
Las manifestacions son convocadas pel Movement per l’Autodeterminacion de Cabilia (MAK) e compta amb lo sosten dels estudiants e de la societat civila. Per contra, dins qualques vilas i a agut d’afrontaments violents amb de policièrs e estudiants progovernamentals, que segon lo mèdia Siwel son de “salvatges” pagats pel “poder colonial”.
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

BernatMM Tarba
3.

#2 Azul felauen=Adishatz.
D'acòrdi qu'eth article arab ei "al" e qu'eth nom dera vila capitala se ditz "aldjezaer" que vòu dider "eras islas". "Aldjezairiyà" serià eth nom deth país pòst colonial francés, que vòu dider "eth territòri d'aquera ciutat capdau". Que mos cau arremercar qu'atau hèn mes fòrt qu'eths mes centralistas jacobins......

Òu ! digatz ! Eth article deth Jornalet èra pas sus eths drets deth pòble mes antic d'aqueth territòri ? Que justament eth son problèma pesuc qu'ei era dominacion violenta deths arabis de "Aldjezairiyà" que les vòlen assimilats o desapareishudis.

Alavetz, entà tornar cap a un deths grans plasèrs d'uns legeires de Jornalet : se quauqu'arrès me poderià explicar coma eth mòt " TAQVAYLIT" se pòt escriure "Cabilia" en Occitan ????

E non me digatz que non i a cap nada arreferència de noms d'aqueras tèrras d'abans de 1830 !
Èren reiaume "Massyle" e reiaume de Numidia, escriuint en alfabet "tifinagh" e tanben alfabet "ptolemaïc" quan eths arromans non èren encara en Provença....
Ah ! e d'aqueth temps, ath petit pòrt d"'Ikosim", li mancaua 1000 ans aumens entà d'éster nomat "aldjezaer" peths invadors !!!!!!

  • 1
  • 0
Mèfi ! 31
2.

Argeria en castelhan, mès perque pas Algeria en òc?
Al es l'article en arabi.
El Dzaer

  • 1
  • 0
Felip Martèl Montpelhier
1.

Solidaritat amb Cabilia !

  • 8
  • 0

Escriu un comentari sus aqueste article