Actualitats
Creisson las protèstas contra lo cambiament de nom de la region de Provença
La region nomenada fins ara “Provença-Alps-Còsta d’Azur” s’apelarà desenant “Region Sud”
Las protèstas contra lo cambiament de nom de la region de Provença creisson de mai en mai. Sus change.org son plan mai de 3500 signaturas contra lo fach de la renomenar “Region Sud”. Demandan que lo nom istoric de Provença siá rendut al territòri, “suscitant ansin l’adesion ciutadana e populara au projècte regionau”.
La region nomenada fins ara “Provença-Alps-Còsta d’Azur” s’apelarà desenant “Region Sud Provença-Alps-Còsta d’Azur”, segon una decision adoptada pels elegits del conselh regional divendres passat, 15 de decembre. La marca serà depausada a l’Institut de la Proprietat Industriala de l’estat francés, e figurarà a comptar de 2018 sus totes los documents e supòrts de l’institucion regionala.
Podètz signar sus change.org.
La region nomenada fins ara “Provença-Alps-Còsta d’Azur” s’apelarà desenant “Region Sud Provença-Alps-Còsta d’Azur”, segon una decision adoptada pels elegits del conselh regional divendres passat, 15 de decembre. La marca serà depausada a l’Institut de la Proprietat Industriala de l’estat francés, e figurarà a comptar de 2018 sus totes los documents e supòrts de l’institucion regionala.
Podètz signar sus change.org.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Darrier episòdi en data: lo "Printemps des Lycéens et des Apprentis" devèn "SUD CHALLENGE".
"SUD" e un mot d'origina anglesa... Que dire de mai?
#3 Poudèn pa de countùnio reagi segoun las reaciu de talo ou talo minourita mau-pensanto (laïcard-jacoubis ou estremistos prouvençau). Devèn pensa em de segui lou sentimen generau de la poupulaciu, autrament reagissèn d'un biai clanico qu'aura pa ge de resson.
La councienço loucalo enracinado per mena plan-plan a uno councienço gloubalo "òucitano", "roumanico", "mediteranenco" : aqui oi !
Pamen, fai buon ajusta que, din la tèsto dau mounde, amai din l'Istòrio, Òucitanìo esisto pa ou-be es estado uno part aministrativo de touto de la Tèro d'Ò.
Per ieu, la Tèro d'Ò es coumpausado de mai d'un Païs, coumpreses eles-mème din de provinço istourico coumo Prouvenço, Limousi, eca.
E pièi, un cop mai, acò pus empourtant es pa lou countenent... mè lou countengu que l'i boutaren.
#1 Dempuèi la Costa Verde, Ilha Grande o Parati, las causas pòdon semblar simplas mas o son pas tant qu'aquò. E expliqui, per que ai pas encara signada la peticion en favor del nom de " Provença" per aquela region (qu'es pas emai ma region) ;
Abans de contunhar, me pensi qu' aquel nom me pareis legitim, se i avia pas, en rè, lo problèm pausat per la denominacion d'"Occitanie".
Se lo nom de "Provence" es acceptat, aquò pòt voler dire qu " Occitanie" e "Provence" son dos talhons distinctes e equivalents del formatge exagonal- e que "Provence" a pas res a veire amb "Occitanie", donc, per la mager part de las gents, a pas res d'occitan - e aqui los esperits los pus tancats, los pus reaccionaris e anti-occitanisme de Provença de picar de las mans.
Ai pro dich l'irresponsabilitat nèciassa d'aqueles que se gonflavan d'estrambòrd de la nominacion d'Oxitany rikiki- per que , per ieu , Occitània va totjorn dels Alps als Pireneus.
Es pire-qu'evident per bien de mounde, en Prouvenço e fuoro Prouvenço, qu'aqueste noum es gairebé lou soul que pegue mièl à l'Istòrio e à la persounalita de la regiu. Amai s'endeven em dau sentimen dau mounde sus plaço : un aspèt de prene en counsideraciu !
Pouirian be, su lou moudèlo de "OCCITANIE - Pyrénées/Méditerranée", ajusta un souto-tite em dau noum Prouvenço. Cò dounariè, simplo prepausiciu : "PROVENCE - Alpes/Méditerranée". Perdequé pa ?
Mè vai sans dire que, d'un poun de visto istourico, lenguistico, culturau e mai encaro noun sai, "PROVENCE" fai ressòn à bien d'aspèt d'aquesto regiu, à sous abitant, as vesi regiounau, à l'enternaciounau amai.
Saguèssou enfi respetado la paraulo dau mounde dau païs e la demoucracìo loucalo, em de prene suèn de counsulta lous ciutadan d'aqui enlai. Aqueles elegi loucau, lus devèn rapela que soun elegi per se faire lous representant de la vous couletivo, noun pa lous dirigent de la regiu : grando diferenço !
Parieiramen au nivèl d'un Esta !
Es ora de far convergir la revendicacion occitanista d'una region PROVENÇA amb una enveja populara difusa de PROVENCE. Mas ont son los comentaris tant nombroses subre Occitanie Pyrénées Mediterranées, mentre que Sud de France non pareis pas donar enveja d'escriure
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari