Bandièra01 1180x150: Comuna de Tolosa

Actualitats

Belgica: de musica per tornar l’esperança als refugiats

Un projècte basat sul poder de la musica cèrca de lor donar l’oportunitat de practicar aquel art dins d’escòlas bèlgas. L’Estat Islamic aviá enebit de jogar de musica

Lo jornalista flamenc Rudi Vranckx, que foguèt correspondent a Mossol, a agut una idèa reüssida per tornar la jòia e l’esperança als refugiats que visquèron jos l’autoproclamat Estat Islamic. Son projècte es fondat sul poder de la musica e cèrca de donar a aqueles refugiats l’oportunitat de practicar aquel art dins d’escòlas bèlgas. Per finançar aquel projècte s’es lançat una plataforma en linha apelada Imagine Home (imagina l’ostal), ont se pòt crompar de nòtas musicalas d’una pèça compausada per un musician bèlga en collaboracion amb de joves refugiats sortits de Mossol. A mesura que se crompa de nòtas se revèla la melodia e s’ajuda a portar la musica a aquelas personas.
 
“En tres ans d’ocupacion de Mossol, l’Estat Islamic tuèt pas solament de gents. Tuèt la libertat, l’esperança e la jòia, e destruguèt lo camin per las tornar bastir: la musica”, çò ditz Vranckx dins lo sit del projècte.
 
D’efièch, l’Estat Islamic aviá enebit de jogar de musica.
 
Lo projècte seguís l’idèa iniciala del meteis jornalista flamenc, just après la liberacion de Mossol. Alara lo correspondent entamenèt la campanha nomenada “Imagine Mosul” (imaginatz Mossol) que reüssiguèt a amassar d’instruments que se portèron a l’escola de musica de la vila.
 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi ! 31
1.

Operacion de crida a la caritat publica d'un militant catolic, via una agéncia de comunicacion.
Charity business, as usual...

  • 0
  • 2

Escriu un comentari sus aqueste article