Actualitats
Tocada per la corrupcion e la fòrça de l'ultradrecha, Bulgaria a pres la presidéncia de l'Union Europèa
Estònia a cedit la presidéncia viradissa de l'Union Europèa a Bulgaria, lo país pus paure e corromput de l'union ont l'ultradrecha fa partida del govèrn
L'an 2018 es començat e Estònia a cedit la presidéncia tornanta de l'Union Europèa a Bulgaria, lo país pus paure de l'union. Lo Conselh de l'UE a saludat lo cambiament suls rets socials amb un vidèo promocional dels mai bèls païsatges del país: de montanhas ennevadas, de monastèris centenaris, la còsta de la Mar Negra... Tot aquò acompanhat d’una musica epica. "Amassa sèm mai fòrts", n'es lo messatge final. Ça que la, lo Conselh mençona pas en cap de moment la fàcia escura de Bulgaria.
La presidéncia de l'UE la pren cada sièis meses un estat membre. La carga compòrta l’organizacion e e la presidéncia de totas las reünions del Conselh de l'UE. Demest las responsabilitats se tròba l'elaboracion d'engatjaments per resòlver los eventuals problèmas politics. Las prioritats del mandat bulgar seràn lo procès d'inclusion a l'UE dels estats dels Balcans mentre que lo Brexit e la crisi dels refugiats seràn totjorn sus la taula.
En mai d'aquò, la presidéncia de l'UE a una valor simbolica, qu'ara serà tocada per la corrupcion e per l'ultradrecha.
Lo país mai corromput de l'UE
Segon Transparéncia Internacionala (TI), Bulgaria es lo país mai corromput de l'UE. Segon la directritz de TI, Vanya Nusheva, la corrupcion se tròba dins totas las instàncias del poder en aquel país. D’efièch, abans la fin de 2017 Nusheva mostrèt son chepic dins un rapòrt. "La lucha contra la corrupcion es estada identificada coma l'endrech ont a mens progressat dins los darrièrs ans". Per quant al sistèma judiciari, Brussèlas critiquèt las empachas que l'estat bulgar a mesas a l'independéncia dels jutges.
Un govèrn amb l’extrèma drecha
En 2016, Bulgaria patiguèt una fòrta crisi politica quand lo primièr ministre, Boiko Borisov, e tot son govèrn demissionèron en seguida de la desbranda a l'eleccion presidenciala, ont ganhèt un candidat independent sostengut per l'oposicion socialista. A las eleccions anticipadas de març passat, l'oposicion socialista ganhèt mai de quaranta deputats, mas foguèron pas pro per empedir un nòu govèrn de coalicion entre la drecha populista de Borisov e lo partit ultradrechista Patriòtas Units.
Borisov justifiquèt atal l'acòrdi amb l'ultradrecha: "Malgrat nòstras diferéncias aquò es çò de melhor pels ciutadans de Bulgaria. Se pachàvem pas, auriam mandat lo país a d'autras eleccions anticipadas".
Patriòtas Units, amb 27 deputats, es una coalicion ultranacionalista formada pel Movement Nacional de Bulgaria, lo Front Nacional de Salvacion de Bulgaria e Attack. Aqueste grop se definís coma russofil, eurosceptic e antiislam. Concretament, Attack es un partit antisemita. Pendent la darrièra campanha electorala, la coalicion faguèt propaganda contra los ròms —que son la principala minoritat del país— contra los musulmans e contra los omosexuals.
Durant la crisi dels refugiats, Patriòtas Units defendèt l’usatge de la violéncia contra los migrants per defugir qu'intrèsson dins lo país. De fach, a promogut de grops paramilitars que patrolhan a la frontièra amb Turquia e se consagran a "caçar" de migrants, es a dire que los baton e puèi los obligan de tornar en Turquia.
Aquel partit ultradrechista ten quatre ministres dins lo govèrn de Borisov, dont lo ministre de l'economia, Emil Karanikolov, e lo ministre de l'environament, Neno Dimov. Eles seràn encargats de presidir las reünions del Conselh de l'UE dedicadas a aquelas questions.
La presidéncia bulgara de l'UE s’acabarà lo 1r de julhet, quand Àustria ne prendrà la relèva. Mas Àustria es dins una situacion semblabla, car fa gaire lo país a format un govèrn ont lo primièr ministre conservator, Sebastian Kurz, a pachat amb lo partit ultradrechista FPÖ.
La presidéncia de l'UE la pren cada sièis meses un estat membre. La carga compòrta l’organizacion e e la presidéncia de totas las reünions del Conselh de l'UE. Demest las responsabilitats se tròba l'elaboracion d'engatjaments per resòlver los eventuals problèmas politics. Las prioritats del mandat bulgar seràn lo procès d'inclusion a l'UE dels estats dels Balcans mentre que lo Brexit e la crisi dels refugiats seràn totjorn sus la taula.
En mai d'aquò, la presidéncia de l'UE a una valor simbolica, qu'ara serà tocada per la corrupcion e per l'ultradrecha.
Lo país mai corromput de l'UE
Segon Transparéncia Internacionala (TI), Bulgaria es lo país mai corromput de l'UE. Segon la directritz de TI, Vanya Nusheva, la corrupcion se tròba dins totas las instàncias del poder en aquel país. D’efièch, abans la fin de 2017 Nusheva mostrèt son chepic dins un rapòrt. "La lucha contra la corrupcion es estada identificada coma l'endrech ont a mens progressat dins los darrièrs ans". Per quant al sistèma judiciari, Brussèlas critiquèt las empachas que l'estat bulgar a mesas a l'independéncia dels jutges.
Un govèrn amb l’extrèma drecha
En 2016, Bulgaria patiguèt una fòrta crisi politica quand lo primièr ministre, Boiko Borisov, e tot son govèrn demissionèron en seguida de la desbranda a l'eleccion presidenciala, ont ganhèt un candidat independent sostengut per l'oposicion socialista. A las eleccions anticipadas de març passat, l'oposicion socialista ganhèt mai de quaranta deputats, mas foguèron pas pro per empedir un nòu govèrn de coalicion entre la drecha populista de Borisov e lo partit ultradrechista Patriòtas Units.
Borisov justifiquèt atal l'acòrdi amb l'ultradrecha: "Malgrat nòstras diferéncias aquò es çò de melhor pels ciutadans de Bulgaria. Se pachàvem pas, auriam mandat lo país a d'autras eleccions anticipadas".
Patriòtas Units, amb 27 deputats, es una coalicion ultranacionalista formada pel Movement Nacional de Bulgaria, lo Front Nacional de Salvacion de Bulgaria e Attack. Aqueste grop se definís coma russofil, eurosceptic e antiislam. Concretament, Attack es un partit antisemita. Pendent la darrièra campanha electorala, la coalicion faguèt propaganda contra los ròms —que son la principala minoritat del país— contra los musulmans e contra los omosexuals.
Durant la crisi dels refugiats, Patriòtas Units defendèt l’usatge de la violéncia contra los migrants per defugir qu'intrèsson dins lo país. De fach, a promogut de grops paramilitars que patrolhan a la frontièra amb Turquia e se consagran a "caçar" de migrants, es a dire que los baton e puèi los obligan de tornar en Turquia.
Aquel partit ultradrechista ten quatre ministres dins lo govèrn de Borisov, dont lo ministre de l'economia, Emil Karanikolov, e lo ministre de l'environament, Neno Dimov. Eles seràn encargats de presidir las reünions del Conselh de l'UE dedicadas a aquelas questions.
La presidéncia bulgara de l'UE s’acabarà lo 1r de julhet, quand Àustria ne prendrà la relèva. Mas Àustria es dins una situacion semblabla, car fa gaire lo país a format un govèrn ont lo primièr ministre conservator, Sebastian Kurz, a pachat amb lo partit ultradrechista FPÖ.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Tocada per la corrupcion e la fòrça de l'ultradrecha". Me pensavi que se parlava d'Espanha...
Amassa sèm mai fòrts ? Sèm mai fòrts contra qué ? Contra qui ? Contra lo sistèmi capitalista qu'apaurís los paures per enriquir los rics ? Mai fòrts contra lo sistèmi capitalista qu'aflaquís de mai en mai los dreits dels salariats per los far tornar esclaus, al nom de la concurréncia amb los païses ont o son ja tornats ? Mai fòrts contra lo sistèmi capitalista qu'abausa inexorablament los mitans naturals en los espleitants sense termièras eticas ni legalas, al nom de la santa pura creissença infinida dins un mond finit ? Mai fòrts contra los sistèmis egemonics qu'abausan inexorablament las lengas e las culturas autras que dominantas, que trepejan los febles per afortir los fòrts ? Qui parla aicí d'anar "amassa" ? Van "amassa" amb qui, las victimas grècas de la corrupcion politica que ara pagan un prètz intolerablament fòrt per que los banquièrs alamands demòren rics e que continuen de profieitar de sos investiments lucratius en Euròpa ?
O vos vau dire, ieu, qui va amassa per èsser mai fòrts ! Son los financièrs internacionals que, amassa, al dessús de tota politica, d'estat o de region, causida pel sufratge universal, son mai fòrts. Amassa son mai fòrts contra los pòbles qu'esplèitan sense vergonha ni escrupuls ! Alavètz, d'ultradreita en Bulgaria, en Espanha o endacòm mai, qué lor pòt ben far, aquò ? Se'n chautan ben pro…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari