Actualitats
L'InÒc e lo CIRDÒC fusionaràn ongan
Amb lor fusion, tocaràn doas regions administrativas fòrça grandas, que mesuran gaireben la mitat d'Occitània, e los projèctes per la lenga e la cultura occitanas se faràn amb lo doble de fòrça e de vam
L'Institut Occitan (InÒc) fusionarà amb lo Centre Interregional de Desvolopament de l'Occitan (CIRDÒC) a la fin del primièr semestre d'ongan. Atal o anoncièt divendres passat Joan Breç Brana, cap del pòl Lenga e Societat de l'InÒc durant la presentacion de la campanha "Bona Annada 2018".
Los dos organismes documentan e valorizan lo patrimòni cultural e immaterial a travèrs de la lenga del país, conselhan las collectivitats sus la recuperacion de la lenga dins la toponimia e d'autres domenis, desvolopan de fonzes de documentacion, publican, etc. Ara, amb lor fusion, tocaràn doas regions administrativas fòrça grandas, que mesuran gaireben la mitat d'Occitània, e los projèctes en favor de la lenga e la cultura occitana se faràn amb lo doble de fòrça e de vam.
Ensems, l'InÒC e lo CIRDÒC tenon una quinzena de salariats. Lo sèti social del nòu organisme serà a Besièrs del temps que los mejans operacionals seràn a Vilhèra, çò rapòrta Sud-Ouest.
Los dos organismes documentan e valorizan lo patrimòni cultural e immaterial a travèrs de la lenga del país, conselhan las collectivitats sus la recuperacion de la lenga dins la toponimia e d'autres domenis, desvolopan de fonzes de documentacion, publican, etc. Ara, amb lor fusion, tocaràn doas regions administrativas fòrça grandas, que mesuran gaireben la mitat d'Occitània, e los projèctes en favor de la lenga e la cultura occitana se faràn amb lo doble de fòrça e de vam.
Ensems, l'InÒC e lo CIRDÒC tenon una quinzena de salariats. Lo sèti social del nòu organisme serà a Besièrs del temps que los mejans operacionals seràn a Vilhèra, çò rapòrta Sud-Ouest.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Bòna causa ? Benlèu, non sai. Siái mau plaçat per o dire, ieu que me siái levat de bien d'associacions militantas e qu'ai pas jamai obrat per d'estructuras d'aquela mena. Faudriá n'esplicar lo ben d'aquela desmarcha, per que lo public militant comprengue. Se bòna causa aquò z-es... tant mièlhs.
Sol daumatge, per ieu : la dinamica occitana es virada, un còp mai, vèrs lo ponent, vèrs l'Occitania occidentala. L'Occitania orientala e, encara mai, l'Occitania septentrionala son absentas.
Una boana nòva aquela fusion. Seria d'ora qu'aquel exemple estaguesse seguit per d'autres; li a tròup d'organismes en Occitània qu'obréjon caduns dins lo sieu recanton.
Viva !
Per los que s'interesson a la politica concrèta, es una bona novèla. Ara cal negociar mai de mejans. E subretot cal batalhar per i integrar lo Conservatòri Occitan de Tolosa que foguèt raubat als militants occitans. Es una batalha politica essenciala.
Perqué?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari