CAPÇALERA2: FAI-TE SOCI

Jornalet, gaseta occitana d'informacions

Diluns, 24 de setembre

Actualitats

Dimècres, 10 de genièr de 2018, 03h00 Societat,Politica,Escòla

Bèucaire: lo cònsol màger impausa de pòrc cada diluns a la cantina escolara

Los escolans vegetarians e los de tradicions jusieva o musulmana auràn pas cap de plat de substitucion. Lo cònsol evòca de valors "nacionalas" francesas


Comentaris 20 comentaris    
Marrit Flac Bon Plan bon Fabulós (4 vòtes)
carregant En cargar


Lo cònsol de Bèucaire (Costièra de Nimes), Julien Sanchez, a decidit que cada diluns se servirà de pòrc a la cantina de las escòlas de la vila, sens nat plat de substitucion. Segon Valeurs Actuelles, l'elegit, del Front Nacional (FN), ditz qu'aquela decision l'a presa per de rasons financièras mas tanben per "una question de principis". Dins aquel sens a afirmat categoricament: "Metrem de pòrc cada diluns dins nòstrei cantinas e aquelei que refusarián que seis enfants ne mangèsson se pòdon organizar autrament".
 
D'un costat es verai que per de rasons financièras, sièis escòlas de la vila an quitat de servir de menuts opcionals pels enfants delicats en 2018. Mas las rasons del cònsol per impausar que se servisca de pòrc e solament de pòrc semblan sustot sustot una accion de mesprètz envèrs los collectius que l'ultradrecha asira: los vegetarians e las personas de tradicions jusieva e —mai que mai— musulmana. Es benlèu per aquel motiu que lo cònsol justifica sa decision amb las istòrias d'Asterix: "Asterix auriá pron mau pres la mesa en plaça d'un menut de substitucion quand eu sèrv son singlar. E ben sigam simples: en França, en Gàllia, se manja de singlar dempuei Asterix!"
 
E aquò es pas tot. Sanchez afirma que i a una intrusion religiosa dins l'encencha dels establiments escolars que grèuja los elevaires "nacionals": "Refuse d'assistir au grand remplaçament dau pòrc a la cantina [...] Es una carn qu'es sovent producha en França e es egalament normau que chausiscam de sostenir l'agricultura francesa. Aquò es pas mon ròtle de i renónciar per de rasons religiosas".
 
Enfin, lo cònsol frontista obligarà totes los escolans de manjar de pòrc per de rasons fòrça francesas: "Egalitat dins lei menuts prepausats, fraternitat amb leis agricultors francés [...] e libertat d'anar manjar autra part per aquelei que son pas satisfachs".
 
Aquela mesura concernís 150 escolans sus 600, çò es un quart de la populacion escolara de Bèucaire.
 








abonar los amics de Jornalet
 
 
 



publicitat



Comentaris

12 de genièr 12.39h

#17 Avètz escrich : "L'objectiu de l'occitanisme es".....
Voliatz probablament dire : "Un dels objectius de qualques occitanistas es"....


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

12 de genièr 12.37h

#17 1) Siái segurament pas macronista !
2) Ai ma sensibilitat, me fau mas opinions. O avètz pas comprés encara ?
3) Lo problèma dals comentaris que podèm laissar sus un blòga es lo mème que lo dals SMS que mandem emb dau telefòna : la cara emb de la votz, adonc la sensibilitat e las nuanças, i son pas.
4) En un sol comentari, podèm pas fonsar chasca detalh : ne'n finiriam pas. Quò fai que riscatz sovent d'èstre jutjat a vista de nas, sans que lo monde vos conegon.
5) Condamnar un p... Legir mai


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

12 de genièr 09.17h

Se vei d'opinions de laïcitat radicala e d'autras de laïcitat moderada, en fàcia d'islamismes radicals o moderats. Las causas produsen les efeits, dins les dos sens, legitimament o pas.
Las radicalitats son pas intercompatiblas nimai compatiblas amb la republica del víver amassa, e la laïcitat es un bon guarda-fòl. Mès ont metre le cursor?


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

12 de genièr 07.19h

#15 dreita/esquèrra
La dreita es una vision individuala e l'esquèrra una vision collectiva o solidària.
L'objectiu de l'occitanisme es una presa de consciéncia collectiva d'una identitat collectiva.
Le ni dreita-ni esquèrra es una falsa neutralitat, a la Macron...
Amb aquò, cal estar liure e critic e non-manipulable.


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

12 de genièr 06.43h

Lo problema es pas de servir de pòrc, es de servir UNICAMENT de pòrc! Au Liceu de Brinhòlas, onte trabalhi e mangi esquasi cada jorn, i a de pòrc fòrça sovent, mai i a tambèn de peis cada jorn e la possibilitat de se compausar un assortiment de cruditats à volontat.
Avèm mai de 1300 personas que mànjon cada jorn, de tota confession...


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

12 de genièr 02.39h

#13 Aviái ben comprés despièi bèl briu que per èstre acceptat per l'occitanisme, fau s'esperfumar d'ideulogia de gaucha.
Personalament, siái ni de gaucha ni de drecha. Non obesisse a ges de dògma politica o religiós : me fau mas idèias segon lo sen, las endevenenças de l'Istòria viuguda jornadieirament, tot aquò sus la basa de valors universalas. Saguèsse ieu etiquetat en cò d'un partit politica o d'una cresença religiosa, quò m'empachariá pas de la remetre en question, entre ... Legir mai


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

11 de genièr 19.53h

E òc! Son passats d'un menut policentric a un menut estandard !
De que regausir le Domergue Sumien... :)


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

11 de genièr 15.39h

#9 Quant d'essencialisme miladiu, fa paur vòstre rasonament "naturalista" del genre "es aital e es totjorn estat aital", amb aquò podètz tot justificar, totas las tradicions de l'excision a la lapidacion ("es aital e es totjorn estat aital, los autres s'i devon far" beurk).


Valoriza aqueste comentari:   votar positiu 6   votar negatiu 2
Respondre comentari replica Comentari inadeqüat   Formulari d'abús de comentari

11 de genièr 08.31h

Va probablament "sostenir l'agricultura francesa" en crompant de pòrc germano-polonés...
Au mielhs sarà de pòrcs bretons, d'aqueleis industrias pesugas que fan creisser d'augas de pertot, mai sarà clarament pas de filieras cortas ambé de productors occitans locaus. De tot biais siam pas dau païs d'Asterix: la carne de basa de nòstreis avis era probablament l'anchòia puslèu que lo pòrc (sensa parlar dau céser... ).


Valoriza aqueste comentari:   votar positiu 12   votar negatiu 0
Respondre comentari replica Comentari inadeqüat   Formulari d'abús de comentari

10 de genièr 22.25h

"9
Aquí quicòm de plan dit, son d'acòrdi ambe vos. Se nos respectam pas nautres, per que l'Autre deuriá nos respectar?
De paur de se véser mostrat au det ("racista", "xenofòb", "islamofòb"), d'unes nègan las nòstras pròprias especificitats, coma se èran dangierosas.
Ont vesi marrida fe e benleu tabó tamben, es quora s'escandalizan perque d'unes societats d'Africa o d'Asia se fan mai occidentalas ("quina pèrda de riquesa!", çò dison). Ma fe, son d'acòrdi. Mas quora a l'encòp vol... Legir mai


Valoriza aqueste comentari:   votar positiu 7   votar negatiu 6
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

En Itàlia i a quicòm que truca

Après la guèrra personala de Salvini contra los migrants e los refugiats, e las divèrsas declaracions racistas, sexistas e omofòbas de divèrses membres del govèrn,  ...
giny

Lo temps

Mapa
  • sol Agen 21 7
  • sol Aush 21 5
  • sol Bordèu 21 9
  • sol Briançon 21 7
  • sol Caors 21 7
  • pluja Carcassona 18 7
  • sol Clarmont-Ferrand 16 4
  • nuvols Confolent 16 4
  • sol Gap 21 7
  • sol La Canau 21 9
  • sol La Gàrdia 16 4
  • sol La Torre de Pèlitz 21 7
  • nuvols Limòtges 16 4
  • sol Lo Borg Sant Dalmatz 24 13
  • sol Lo Puèi de Velai 14 5
  • nuvols_parcials Marselha 18 9
  • sol Montpelhièr 23 14
  • pluja Naut Aran 15 6
  • sol Niça 21 7
  • sol Nimes 18 9
  • nuvols Pau 19 6
  • nuvols Peireguers 18 9
  • sol Rodés 21 7
  • sol Tolon Low:15 High:22
  • sol Tolosa 22 7
  • sol Valença 21 7

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • © Xavi Gutiérrez Riu

    Tarba

  • © Margaria Pepin

    Adobament dal Grand Prèmi de Mónegue de 2014

  • Estivada 2013. © Guillem Sevilla

    Estivada 2013

  • Asuèlhs de Garnagués. © Franc Bardòu

    Asuèlhs de Garnagués

  • Sud Tolosan. © Franc Bardòu

    Concors d'estiu 2012: La fotografia de las vacanças

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • Bersorèlh : quartiers e maions ai noms occitans

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    Catalonha etèrna

  • Asuèlhs de Menerbés. © Franc Bardòu

    Asuèlhs de Menerbés

  • Era còlha dera ADÒC ath trabalh

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Gavotina marítima: trofèu d'August e vila vielha d'A Torbia

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Franc Bardòu

    Asuèlhs de Lauragués

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • © Franc Bardòu

    Coserans al còr

  • © AR

    Vila d'Usès e lo pont de Gardon

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

giny

Las mai...

publicitat

LATERAL2 300x250: Cultura Conselh Aran

giny

Sondatge

T'agradan las politicas del govèrn actual d'Itàlia?


15%



83%



2%




Vots 53 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)