Actualitats
Ven de nàisser una revista satirica en occitan
L’Estrasseta cèrca que l'occitan siá quicòm mai “qu’una cultura de musèu e de testimoniatge” e ne revendican “l’umor e la trufariá”
Ven de paréisser L’Estrasseta, una nòva revista satirica en provençal. Inspirada de la publicacion istorica L’Estrassa, L’Estrasseta cèrca que l’occitan siá quicòm mai “qu’una cultura de musèu e de testimoniatge” e per aquò precisan dins lor primièr editorial que “se pòu pas passar, l’occitan, de l’umor e de la trufariá”.
Per ara, l’Estrasseta se pòt trobar solament en version numerica, e o podètz far per mejan dels ligams seguents:
“Se nos agrada de rire e de «lengadeputejar» (una especialitat nacionala!), podèm tanben charrar seriosament de cauvas que nos afèctan, nos esmòvon ò nos apassionan tot simplament. Fuguèsse inchalhenta e insolenta, tanben una estrasseta pòu dire de veritats! Sensa vergonha, assajarem de s’endralhar amb umilitat dins lei pas d’aquelei que, coma l’Estrassa, sachèron onorar la lenga nòstra d’un biais que nos agrada fòrça”.
Per ara, l’Estrasseta se pòt trobar solament en version numerica, e o podètz far per mejan dels ligams seguents:
— Descargar L’Estrasseta en PDF
— Legir L’Estrasseta en linha sus issu.com
— Vesitar la pagina Facebook L’Estrasseta
— Legir L’Estrasseta en linha sus issu.com
— Vesitar la pagina Facebook L’Estrasseta
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
D'aquò avèm mèstier! Zo!
Bossagòl cap e tot!
Me siái regalat de vos legir, l'Estrasseta ! Avètz entieirament mon sosten !
Vos benesisse, fantons ! Anatz en patz emb de vòstra lenga afialada !
Una revista d'humor en Oc, es una bona causa qu'es bona qu' exista. L'humor gràfic es cada cop mai imprescindible per qualsevol cultura. Una imatge val mai que mila paraulas, mas tamben hi haurà paraulas en Oc.
Osca per l' ESTRASSETA !
que me fa remembrar a l'Estrassa, que me congostavi de legir....un còp èra....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari