Bandièra01 capçalera  1180x150: Novestivada

Actualitats

Malhòrca: la segonda edicion de la velhada occitana aculhirà dissabte la Dictada

L’eveniment contendrà de conferéncias, d'obradors e una velhada tradicionala amb d’animacions e un sopar

Dos ans après lo succès de la primièra edicion, Malhòrca tornarà aculhir una velhada occitana lo dissabte que ven, 27 de genièr.
 
L’eveniment se tendrà dins un ostalet del vilatge de Son Pelat, dins la banlèga de Palma, e contendrà de conferéncias, d'obradors e un "fogueró" (mot que correspond a l'occitan fogairon), çò es un fuòc tradicional que se fa durant cèrtas fèstas tradicionalas amb d’animacions a l’entorn.
 
En mai d’aquò, l’acte se perlongarà amb la Dictada Occitana, e après una pausa, i aurà de jòcs e d’animacions restacadas amb lo país nòstre. Se prepausa tanplan de manjar e de beure.
 
Al programa:
 
11h00: Conferéncias:
— La vesita dels felibres a Malhòrca en 1968 (Pere Garau e Dídac Martorell),
— Presentacion del Grop d’Estudis Occitans d’Òc Malhòrca,
— L’occitan dins l’ensenhament a las illas Balearas (Joan-Ferran Llorens),
— Lo continuum lingüistic occitanocatalan (Jaume Corbera)
 
13h: Dictada occitana
 
16h: Velhada
— Obrador de pan artisanal de Malhòrca
— Obrador de bramatopins
— Obrador de dança: Lo Brisapè
— Obrador de cançons improvisadas amb la melodia dels Caulets.
 
Se prepausarà un sopar, e i aurà de prèmis pels participants a la Dictada e a cèrts obradors.
 
L’eveniment l'organiza lo collectiu Òc Malhòrca, que sa tòca es la difusion de la lenga e de la cultura occitanas dins l’illa.
 
Per i participar, es indispensable de mandar un messatge a ocmallorca@gma... o un messatge privat a la pagina Facebook d’Òc Malhòrca.
 
 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
6.

Molt bé, hi ha Mallorca, "tots units fent força".
Dona goig el actes que es faran, sempre he cregut que el poble Occità i el Català som germans, que així sigui.
Visca la terra...Lliure!
L'Ernest, "El Tàrrega".

  • 0
  • 0
Dídac (Òc Malhòrca) Palma (Malhòrca, Païses Catalans)
5.

#4 Sèm pròche d'un vintenat de sòcis e avèm mai de monde que sosten nòstra tòca :).
S'organisatz una vesita en Malhòrca i serèm per vos acuèlher, solide! Bon, lo concèpte "Balears" es un concèpte regional espanhòl. Nosautres sèm malhorquins; cada illa es un país catalan (la mar es una frontièra pron importanta). Se venètz en Malhòrca aurètz d'acuèlh, sabi pas se en Menorca, Eivissa o Formentera i á de monde occitanista.

  • 3
  • 0
Mèfi ! 31
4.

#3 interessant; quantes setz?
Informacion tardiva...
Vesitas occitanas en Balears! Perqué pas? Una alternativa als viatges FRAM, de viatges OCCITAM !
Amb OCCITAM, anem a MELHÒRCA !

  • 2
  • 0
Dídac (Òc Malhòrca) Palma (Malhòrca, Païses Catalans)
3.

#2 L'explicacion a un nom: "Solidaritat internacionalista". L'occitan es patrimòni del mond entièr, e i a de catalans de Malhòrca aimam de conéisser nòstres fraires del nòrd. Aquela solidaritat a de raises fòrtas dempuèi Frederic Mistral e los felibres malhorquins Maria Antònia Salvà e Guillem Colom, reviraires de l'òbra complèta de Mistral al catalan; una solidaritat que contunha lo 1968 amb la darrièra vesita dels felibres en nòstra illa e dempuèi 2015-2016 avèm una associacion per la solidaritat amb los occitans en Malhòrca apelada "Òc Mallorca". Nos traparètz en Facebook.
Occitans, serètz totjorn planvenguts sus nòstre país!

Dídac Martorell,
President d'Òc Mallorca.

  • 9
  • 0
Mèfi ! 31
2.

L'occitan a Malhòrca...cossí s'explica aiçò ?

  • 2
  • 0

Escriu un comentari sus aqueste article