Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaTolonenc

Torna lo servici militar en França

Macron a ratificat un de sos engatjaments electorals: lo de crear un “servici nacional universal”

Torna lo servici militar en França. Lo president Emmanuel Macron a ratificat un de sos engatjaments electorals, lo de crear un “servici nacional universal” que responda als nòus besonhs de defensa del país.
 
Per sos primièrs vòts a l’armada, Macron se gandiguèt divendres passat sus la basa navala de Tolon. Après aver rescontrat los militars s’exprimiguèt a bòrd del bastiment de projeccions e de comandament Dixmude, un des tres pòrtaelicoptèrs franceses. Dins son discors, de mai d’una ora, lo president francés evoquèt sa promessa d’un servici nacional universal, e confirmèt son intencion de portar lo budget del Ministèri de la Defensa al 2% del PIB d’aicí a 2015.
 
Pendent la campanha electorala, Macron aviá fach remarcar que lo servici obligatòri s’aplicariá a totes los joves e auriá una durada d’un mes.
 
Lo servici militar obligatòri dins l’estat francés se suspendèt en 1997, jos la presidéncia de Jacques Chirac.
 
 
 

 




abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu País cevenòu
8.

Dinc una VRAIA DEMOCRACIA (ce qu'es pas jamai arrivat !), chasca ciutadan sariá au còp decideire e bastisseire de la comunautat locala, de son avenir. E per fin de tot còmpte es lo projèct collectiu globau (la societat regionala amai nacionala) que se desmancipariá, s'organizariá per gerir entelligentament sa vida jornadièira emb de, per amira, l'avenir de las novèlas generacions.
Quò fai que chascun vendriá responsable, se retrovariá lo sens de la responsabilitat endividuala que non poiriá qu'aveire de consequenças positivas.
Mès quò d'aquí se viu solament dinc una vraia democracia. E quand vivèm pas dinc una vraia democracia e que lo poder de decision es acaparat per d'oportunistas venduts e capables de fotre de guèrras onte n'i a pas per justificar lurs cobesiá, segur qu'una armada fai bersonh pièi.
En fi finala, podèm dire que l'armada es l'acampament de vidas sans gaire de pretz per lo jorn qu'espetariá una grand batuèsta ; batuèsta que veirà pas jamai los òmes d'Estat s'entretuar...
E vist que sèm dinc un periòde de chaumatge grèu e de creis dals ganha-menuts, gendarmariá, polícia e armada vènon per mai d'un l'escasença de correctament se ganhar la vida emb d'una plaça segura enjusca a la retirada.
Gramecí, Mossur Maquereau, per vòstra politica prometosa. Mès la... mairastra-patria emb de sa chinaralha de garda son pas qu'un pretèste per totjorn servir mai d'enterèsses privats. A la bòna vòstra emb de l'argent dals autres !

  • 5
  • 0
Mauritge
7.

#5
̶a̶ ̶s̶a̶s̶ ̶f̶r̶u̶i̶t̶a̶s̶ > a sa fruita (= a sos fruits)
Que «fruita» implica dejá lo plurau puèi qu'es un collectiu... non ?

  • 2
  • 0
francesc palma
6.

Macron lo que vol es provocar una cortina de fum, per aprés aplicar las mesuras dels banquiers de tot per els. Mas primier ha de distreure al poble, e puei per l'esquena clavar la punhalada a los trabalhadors. Ja sap que ninguen vol far lo servici, mas l' hipocrita, fara finalament retirar lo servici obligatòri per far creire qu' ha escoltat al poble e a las joves victimas. Guaita s' es bona persona !

  • 6
  • 1
Jèsus, filh de Maria Jerushaleim de Palesitna
5.

Macron, ni d'esquèrra, ni d'esquèrra, ni mai d'esquèrra tanpauc : se reconeis un arbre a sas fruitas ! Lo quite Chirac nos i semblarà lèu o tard Che-Guevarista !

  • 10
  • 1
Jo Ja
4.

#2 i es una persona qu'a votat mens un, quand meme...

  • 0
  • 0

Escriu un comentari sus aqueste article