Bandièra01 1180x150: Comuna de Tolosa

Actualitats

Tarba e Pujòu: ua dimenjada metal e punk d’òc

L’ocasion, entaus qui aiman lo rock agressiu e sincèr, de descobrir o de tornar descobrir tres grops occitans

| Eyes Of Simurgh
Aqueste divés 26 de genèr, que i aurà a Tarba un concèrt excepcionau au Celtic Pub dab lo grop punk Papà Gahùs e los metallós d’Eyes Of Simurgh, dus grops qui an per particularitat de har totas las lors cançons en occitan.
 
Ua nautat tanben: The Incredible Garuch’ Band, un grop occitan de mau trobar sus Internet (un grop occitan navèth?) qu’obrirà la serada a 19h30.
 
Aqueste concèrt que’s debanarà au Celtic Pub, au numèro 1 de la Carrèra de l’Armonia, 65000 Tarba. (Mapa
 
L’endoman, dissabte 27 de genèr, Eyes Of Simurgh que serà a Pujòu (Seuvestre) dab Snowdens, un grop de heavy metal anglofòn. Qu’i son invitats per l’associacion Rock à Puyoô, qui organiza un concèrt cada mes dens aquera vila deu parçan d’Ortès.
 
L’ocasion, entaus qui aiman lo rock agressiu e sincèr, de descobrir o de tornar descobrir tres grops occitans.
 
 
 
 
Pascau Sebat
cantaire dens Eyes Of Simurgh

 
 
 

 
Papà Gahús: Lo Cocut

 
 
Eyes Of Simurgh en dirècte a Tolosa

 
 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pascau
4.

#2 O d'acofèns! ;-)

  • 3
  • 0
Pascau
3.

#2 O d'acofèns! ;-)

  • 6
  • 0
Me vau encara far d\'amics Escana Aurelhas
2.

Escrivètz
"L’ocasion, entaus qui aiman lo rock agressiu e sincèr, de descobrir o de tornar descobrir tres grops occitans."

Subretot serà l'occasion pels que confondon pas lo bruch e la musica vertadièra de protegir sas aurelhas e de patir pas un jorn o l'autre d'iperacosia ...

  • 2
  • 4

Escriu un comentari sus aqueste article