Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

L’IEA-AALO presenta quatre novèlas publicacions

L’Acadèmia Aranesa de la Lenga Occitana a presentat dos vocabularis e dos obratges literaris que cèrcan d’èsser de modèls de lenga

Lo 18 de genièr passat, l’Institut d’Estudis Araneses-Acadèmia Aranesa de la Lenga Occitana (IEA-AALO) presentèt quatre novèls obratges
Lo 18 de genièr passat, l’Institut d’Estudis Araneses-Acadèmia Aranesa de la Lenga Occitana (IEA-AALO) presentèt quatre novèls obratges
Lo 18 de genièr passat, l’Institut d’Estudis Araneses-Acadèmia Aranesa de la Lenga Occitana (IEA-AALO) presentèt quatre novèls obratges. D’un caire, avèm lo Vocabulari basic der aranés, e lo Vocabulari dera tecnologia dera informacion, e de l’autre l’òbra Sang nòble e sang deth pòble, de Jusèp Condò; e Eth mercadèr de Venècia, de William Shakespeare, dins la traduccion d’Antoni Nogués.
 
La presentacion se faguèt al sèti del Conselh General d’Aran, ont lo sindic, Carlos Barrera, soslinhèt lo prètzfach de l’IEA-AALO car las rasons d’existir “d’un país coma eth [sòn], son era cultura, era lengua e era identitat aranesa”.
 
De son costat, lo president de l’acadèmia, Jusèp Loís Sans, expliquèt que la nòva colleccion Modèls de Lengua, dins la quala se tròban los dos obratges literaris presentats, “nèish damb era volontat de crear modèls de tèxtes, pr’amor qu’ua lengua petita coma er aranés a de reprodusir diuèrsi modèls de lengua”.
 
Quant as lexics presentats, Sans soslinhèt que respondián a l’engatjament de l’IEA-AALO e del Conselh General d’Aran” d’elaborar eth diccionari escolar dera lengua”, una òbra màger d’aperaquí 2500 intradas que deu èsser facha dins los dos ans.
 
Coma novetat, Sans avancèt que se trabalhava sus un vocabulari basic de la nèu.
 
 


 


abonar los amics de Jornalet
 
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi ! 31
1.

Vocabulari de la neu
Pensar al vocabulari de l'estacion d'esquí e de l'ensenhament del esquí e de la taula de neu, per tocar les jovents amb una lenga actuala. L'occitanisme literari es un embarrament intellectual.

  • 0
  • 0

Escriu un comentari sus aqueste article