CAPÇALERA OPLO

Actualitats

L'invasion turca d’Efrîn a causat almens 120 mòrts en una setmana

Mentretant, la polícia turca arrèsta de jornalistas e de politicians en Turquia per aver publicat suls rets socials d'articles e comentaris critics amb l'invasion

Lo 19 de genièr passat se tenguèt a Efrîn una manifestacion contra l'invasion turca
Lo 19 de genièr passat se tenguèt a Efrîn una manifestacion contra l'invasion turca | VOA News screenshot
L'invasion turca de la region curda d’Efrîn a provocat almens 120 mòrts en una setmana, segon l’Observatòri Sirian dels Dreches Umans (SOHR, segon la sigla en anglés). Las fòrças turcas son intradas dins aquel territòri del Curdistan sirian per divèrses ponches frontalièrs, çò rapòrta Nationalia.
 
Lo SOHR rapòrta que dempuèi lo 19 de genièr son mòrts al combat 42 membres de las Fòrças Democraticas Sirianas (FDS), 48 rebèls aliats de Turquia e 2 soldats turcs. Son estats tanben tuats 32 civils, dont 30 de las mans de las fòrças turcas. Los rapòrts de las FDS e de l’armada turca son pus nauts, e mençonan de centenats de victimas.
 
Aquel tragic bilanç rapòrta las victimas mortalas despuèi que l’armada turca comencèt l'invasion de la region d'Efrîn, en Rojava (Curdistan siran). Los turcs son intrats amb lo sosten dels rebèls sirians e estrangièrs, sustot d'islamistas.
 
L’armada turca e sos aliats son arribats d'ocupar un ponhat de vilatges de la region frontalièra turcosiriana. Las FDS an evitat qu'intrèsson mai a l'interior. De soslinhar que las FDS, de majoritat curda, son las fòrças de defensa de la Federacion Democratica.
 
L’evolucion de la carta militara se pòt seguir a travèrs del sit web syria.liveuamap.com.
 
Mentretant, la polícia turca arrèsta de jornalistas e de politicians en Turquia per aver publicat suls rets socials d'articles e comentaris critics amb l'invasion, çò rapòrta la plataforma pel jornalisme independent P24.
 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Bandièra05 1180x150: Comuna de Tolosa

Comentaris

"Tàrrega" Igualada (PP.CC.)
2.

Però que cony han fet els kurds!? Tant dolent es voler la llibertat, on es el crim?
Aquests Turcs s'ho han de fer mirar.
Visca la Terra...Lliure!
L'Ernest, "El Tàrrega".

  • 0
  • 0
francesc palma
1.

Erdogan e los terroristas de l'Estat Islamic, una cola de la pigre calanha unida per atacar a lo poble Curd de Siria. Esperi e desitgi que Russia defensi los curds. Urrà Russia !

  • 0
  • 0

Escriu un comentari sus aqueste article