Actualitats
Mai d’una quarantena de vilas an fach la Dictada Occitana
De remarcar ongan l'enòrma participacion d'escolans a Albi e l’estrambòrd de Barcelona, ont lo CAÒC recebèt l’aculhença e lo sosten de la Generalitat de Catalonha
La Dictada Occitana s’es convocada un an de mai dins mai d’un quarantenat de vilas de pertot dins lo país e tanben a París e als Païses Catalans. La majoritat de las convocacions d’aquel concors ortografic de la lenga occitana se debanèron simultanèament dissabte passat amb una participacion plan nombrosa.
La Dictada nasquèt en 1998 d’una iniciativa del Centre Occitan de Castras (Castrés) e d’an en an d’autras municipalitats an jonch l’eveniment.
290 personas a Albi, mai que mai d’escolans e de collegians
Coma las annadas passadas, en Albigés, los professors d’occitan volguèron plan menar fòrça joves per far la dictada. Per o permetre, la manifestacion aguèt luòc lo vèspre del divendres 26 de genièr a Puòg Goson, vilòta de la banlèga sud d’Albi ont los dos tèrces dels escolans seguisson l’ensenhament bilingüe occitan-francés.
Al total participèron a la Dictada 124 escolans venguts de cinc escòlas (compresa la calandreta d’Albi), 131 collegians de sièis collègis, 16 liceans e 19 adultes, en tot 290 personas.
Pels escolans e collegians, una correccion collectiva permetèt de premiar las classas. Pels liceans e adultes, la correccion se faguèt pendent l’animacion, e las melhoras còpias foguèron guierdonadas.
Estrambòrd a Barcelona
De remarcar ongan l’estrambòrd de Barcelona, ont participèt un ochantenat de personas. Aquí l’eveniment l’organiza lo Comitat d’Afrairament Occitanocatalan (CAÒC) e foguèt aculhit per la Generalitat de Catalonha. Ansin, la dictada tenguèt la preséncia de la directritz generala de la politica lingüística, Ester Franquesa; lo cap dels afars occitans, Xavier Moral; la conselhièra del Conselh de l'Audiovisual de Catalonha, Yvonne Griley e lo cap del Servici d’Immersion e Acuèlh Lingüistic de Catalonha, Pere Mayans.
Los participants escotèron per videoconferéncia una saludacion del Centre Occitan de Castras, de la man de Bernat Vernhièras, que pus tard legiguèt lo tèxt de la dictada. Puèi, dos professors d’occitan del CAÒC tornèron legir lo tèxt.
La dictada finida, una jurada compausada dels ensenhaires d’occitan faguèt la correccion dels trabalhs dels participants. Après la dictada, aquestes poguèron gaudir d’un vespralh.
Los laureats de Barcelona obtenon una borsa per participar a l’Escòla Occitana d’Estiu, que se debana cada an a Vilanuèva d’Òlt (Naut Agenés) durant la tresena setmana d’agost.
La Dictada nasquèt en 1998 d’una iniciativa del Centre Occitan de Castras (Castrés) e d’an en an d’autras municipalitats an jonch l’eveniment.
290 personas a Albi, mai que mai d’escolans e de collegians
Coma las annadas passadas, en Albigés, los professors d’occitan volguèron plan menar fòrça joves per far la dictada. Per o permetre, la manifestacion aguèt luòc lo vèspre del divendres 26 de genièr a Puòg Goson, vilòta de la banlèga sud d’Albi ont los dos tèrces dels escolans seguisson l’ensenhament bilingüe occitan-francés.
Al total participèron a la Dictada 124 escolans venguts de cinc escòlas (compresa la calandreta d’Albi), 131 collegians de sièis collègis, 16 liceans e 19 adultes, en tot 290 personas.
Pels escolans e collegians, una correccion collectiva permetèt de premiar las classas. Pels liceans e adultes, la correccion se faguèt pendent l’animacion, e las melhoras còpias foguèron guierdonadas.
Estrambòrd a Barcelona
De remarcar ongan l’estrambòrd de Barcelona, ont participèt un ochantenat de personas. Aquí l’eveniment l’organiza lo Comitat d’Afrairament Occitanocatalan (CAÒC) e foguèt aculhit per la Generalitat de Catalonha. Ansin, la dictada tenguèt la preséncia de la directritz generala de la politica lingüística, Ester Franquesa; lo cap dels afars occitans, Xavier Moral; la conselhièra del Conselh de l'Audiovisual de Catalonha, Yvonne Griley e lo cap del Servici d’Immersion e Acuèlh Lingüistic de Catalonha, Pere Mayans.
Los participants escotèron per videoconferéncia una saludacion del Centre Occitan de Castras, de la man de Bernat Vernhièras, que pus tard legiguèt lo tèxt de la dictada. Puèi, dos professors d’occitan del CAÒC tornèron legir lo tèxt.
La dictada finida, una jurada compausada dels ensenhaires d’occitan faguèt la correccion dels trabalhs dels participants. Après la dictada, aquestes poguèron gaudir d’un vespralh.
Los laureats de Barcelona obtenon una borsa per participar a l’Escòla Occitana d’Estiu, que se debana cada an a Vilanuèva d’Òlt (Naut Agenés) durant la tresena setmana d’agost.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#4 Es una plan bona idèa.Ja n'i a qualques unas. Ara, per que siá vesedoira e aja de resson, caldriá far coma per la dictada: causir un jorn per de quinas organizadas dins mantunas localitats e ensajar de las desvolopar.
Quina
Perqué pas organizar una quina en occitan?
Aquò fonccionava plan, fa qualques ans...
La Dictada, n'i a totjorn per la criticar coma un exercici vielhòt, pasmens, en mai de la possibilitat que dona de far vèire que la lenga es viva, es una oportunitat per i mostrar la convivialitat occitana.
E la convivéncia! Dins Var, cada an, recampam d'occitanistas, mai tambèn un beu nombre de personas marcadas dins d'escòlas felibrencas. Leis errors que lei candidats pòdon faire, aquò còmpta pas!
Notam tambèn que cada an de negòcis e tenement dau relarg nos ofrísson de causas per premiar lei participants, e trobam cada an quauqu'un qu'accèpta de nos venir faire una animacion a gratis.
Tot aquò son de pròvas que devèm contunhar.
Doncas, contunham de la faire, emai s'es un gròs trabalh de preparacion (avèm ja començat d'i trabalhar per l'an que vèn...).
Ai fait la Dictada a Castras per la quatrena annada, es totjorn un plaser ! La qualitat de la dictada, la beutat dels tèxtes, l'ambient amistós e l'espectacle de musica me balharàn segurament l'enveja d'i tornar un còp de mai !
Òsca per aquela capitada que se confirma annada aprèp annada! Cal contunhar d'espandir la dictada occitana. Pel moment, es una de las paucas causas que pòt venir vesedoira per un public larg (ja que d'autras manifestacions importantas son torpilhadas per cèrts elegits).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari