L’8a edicion del festenal Rescontre (o Rescòntre, en provençal), de vidèo e cinèma, se tendrà a la Mediatèca de Margarida (Costièra de Nimes) los 10 e 11 de febrièr que venon. Sostengut per la comuna de Margarida amb lo partenariat de la Mediatèca Simone Veil, de las associacions Raions d’Òc (creatritz del festenal) e TV Mistral, lo festenal es ongan organizat per l’associacion Tè Vé Òc.
 
Lo festenal presenta al public dempuèi uèch ans de documentaris, reportatges, diaporamas, animacions, clips musicals, etc. Ongan se presenta 18 filmòts rodats en Occitània tota, dont 14 son en occitan e 4 en francés.
 
L’intrada es gratuita e la comuna ofrirà un aperitiu après las projeccions.
 
 

    

fffff		fffff
	Te Ve Òc es una associacion creada a Nimes en 2012. Es productritz d’emissions, reportatges e filmes en occitan. “L’emission de 13 minutas, Lenga d’òc, es difusada sus TV Sud, Médias du sud, cada setmana; e lo sit ne presenta un trentenat en redifusion”. Sul sit i a tota mena d’informacions e entresenhas, çò a explicat Lisa Gròs a Jornalet, que precisa que “lo CIRDÒC presenta tanben sus Occitanica mai d’una emission e met en linha cada setmana aquela que sortís”. Las emissions de Te Ve Òc se presentan dins la seccion de vidèo de Jornalet.