CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Diluns, 22 de julhet

Actualitats

Dijòus, 8 de febrièr de 2018, 03h00 Internacional,Politica

Lo jutge manten en preson per Jordi Sánchez car sèrva sas idèas independentistas

Amnestia Internacionala ditz que las acusacions de “rebellion” e “sedicion” pels presonièrs politics catalans “son injustificadas e, doncas, [que] las cal levar”


Comentaris 2 comentaris    
Marrit Flac Bon Plan bon Fabulós (4 vòtes)
carregant En cargar


Lo Tribunal Suprèm espanhòl a refusèt dimars passat la demanda de libertat per Jordi Sànchez, president de l’Assemblada Nacionala Catalana e deputat al Parlament de Catalonha elegit lo 21 de decembre passat. Lo jutge Pablo Llarena, que la setmana que ven entendrà l’occitana Mireia Boya, crei que Sánchez deu demorar embarrat car sèrva sas idèas independentistas. Sànchez es embarrat dempuèi lo 16 d’octòbre amb lo president d’Òmnium Cultural, Jordi Cuixart, a la preson de Soto del Real, près de Madrid, e totes dos espèran d’èsser jutjats per “rebellion e sedicion”.
 
En seguida d’aquela decision, Amnestia Internacionala (AI) a exigit que se retiren las acusacions de “rebellion” e “sedicion” contra Sánchez e Cuixart: “Son injustificadas e, doncas, las cal levar”, çò afortís dins un comunicat la directritz d’AI per Euròpa, Gauri Van Gulik.
 
“La prolongacion de la preson provisòria per Jordi Sánchez constituís una restriccion excessiva e desproporcionada de son drech de libertat d’expression e de reünion pacifica”, çò precisa lo comunicat, que tanben acusa lo Tribunal Suprèm espanhòl “d’agravar aquela injustícia”.
 
Segon Van Gulik, las manifestacions convocadas per Sànchez e Cuixart pòdon pas èsser constitutivas de delictes de rebellion ni de sedicion. Sens voler metre en question la suspension e l’illegalizacion del referendum d’independéncia del 1r d’octòbre en Catalonha e Aran, AI assegura que “Sánchez e Cuixart” avián drech d’exprimir d’opinions contràrias a las decicions del Tribunal [Constitucional], e tanben d’organizar de reünions pacificas de sosten al referendum e a l’independéncia de Catalonha”. En mai d’aquò, ditz que la presentacion d’acusacions penalas contra eles “es una mesura excessiva e desproporcionada”.
 
Enfin, ramenta los dreches de libertat d’expression e de reünion pacifica, e reclama que se garantisca lo drech de las personas e de las organizacions de la societat civila a exprimir lors opinions sul referendum o l’independéncia.
 
 
Lo PP prepausa que los acusats de rebellion o sedicion pòscan pas jamai èsser graciats
 
Durant la meteissa jornada, lo Partit Popular (PP), luènh d’escotar l’organizacion umanitària internacionala, a començat las proceduras per canviar la lei de las gràcias, per fin que cap dels acusats per “rebellion” o “sedicion” ne pòsca pas jamai obténer una.
 
D’efièch, lo PP presentèt dimarts de ser un emendament a la dicha lei de las gràcias, que demanda d’espandir lo nombre de delictes pels quals cap de govèrn pòsca pas jamai concedir cap de gràcia, dont los delictes de rebellion e sedicion. A l’ora d’ara, i a quatre presonièrs politics catalans encarcerats jos aquelas acusacions en tot esperar d’èsser jutjats: Oriol Junqueras, Joaquim Forn, Jordi Sànchez e Jordi Cuixart.

 


abonar los amics de Jornalet

 
 
 
 



publicitat
BANER1-2-3: DGPL AN LAFONT



Comentaris

10 de febrièr 23.07h

Lo qu'han de dire los Jordis es qu' els ara aniran per dialogar dins la Constitucion. E pus.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

9 de febrièr 04.03h

Se vei que las idèas son mai dangierosas que los trucacolhons dels policièrs. Quitament, de restaurants de Murcia fan un omenatge a la fòrças de 1èr d'octòbre qu'an daissat un milierat de nafrats: los invitan a dinnar!
De mai d'aquò, la garda civila se permet de far de contraròtles sul territòri francés! Demandatz al mond del Vallespir. E lo Macronet ditz pas res?! Es una invasion, macarèl!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Cal una volontat politica

En Paraguai, lo guaraní es lenga oficiala dempuèi l'an 1992, mas èra una oficialitat que se podiá pas remarcar. Puèi en 2010 se faguèt una lei que demandava ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

giny

Vidèos

Entrevista

giny

giny

publicitat

lateral 2 teveoc

Fotografias

  • © Franc Bardòu

    Tèrra albigesa

  • © Franc Bardòu

    País Bordalés

  • Sant Joan de Toran. Es d'Oncle Andrèu. © Xavi Gutiérrez Riu

    Val de Toran (Aran)

  • Gavotina marítima: trofèu d'August e vila vielha d'A Torbia

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Estivada 2013. © Guillem Sevilla

    Estivada 2013

  • Exposicion temporària sus Robèrt Lafont al CIRDOC (D.R.)

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Asuèlhs comengeses. © Franc Bardòu

    Asuèlhs Comengeses

  • © Laurenç Revèst

    Las Cevènas, Barjac en Val de Cese

  • © Franc Bardòu

    Tèrra albigesa

  • Crotz de Sant Bernat. © Andrea Celauro

    País d'Aison (Val d'Estura)

  • © Franc Bardòu

    Coserans al còr

  • Arremassada de signatures pera independéncia. ANC Val d'Aran, Vielha 11-12 de gèr 2014

  • Espaci occitan a Draoníer (Val Maira). © Cristòu Daurore

    Espaci occitan a Draoníer (Val Maira)

  • © Aure Séguier

    Carnaval Biarnés 2017

  • Vam de vida

    Pantais (Poèmas de Lisa Gròs sus pinturas de Christine Nicolas)

  • © Franc Bardòu

    Coserans al còr

  • © Laurenç Revèst

    La botiga de Macarèl a Sant Joan de Vedats (Montpelhierenc)

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)