Actualitats
Es nascuda una cooperativa occitana alternativa de creacion e difusion de projèctes audiovisuals
Olihòu Produccion es nascuda coma cooperativa de creacion e difusion de projèctes independents amb un objectiu emancipator. La cooperativa a per tòca d’ajudar al desvolopament audiovisual al marge de las institucions e del poder.
Amb l’idèa de difondre l’informacion e la cultura “dins un mond ultramediatizat”, la còla d’Olihòu escometon per la liura creacion e informacion. Al delà, se son engatjats en la lucha contra la mòrt anonciada de la lenga e de la cultura occitanas, que, segon eles, son tanben victimas de l’uniformizacion globala.
Olihòu Produccion se definís coma cooperativa militanta per la solidaritat entre pòbles e coma antiracista. A l’encòp revendican l’occitan coma lenga de preferéncia de la cooperativa, sens quitar lo lor engatjament pel plurilingüisme e per l’egalitat entre las lengas.
La còla se revendica “l’antitèsi d’Hollywood, anequelidor de consciéncia e somnifèr internacional”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De felicitats per la vòstra iniciativa.
M'agrada fòrça l'image d'aquel OLIHÒU local e particular per s'encarar a tanta informacion globala.
E i a una possibilitat de préner una participacion dins aquesta cooperativa?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari