Al començament de la setmana, Apple presentèt en Califòrnia l’iPad Mini, mai accesible e leugièr. Lo dispositiu costarà entre 329 e 529 èuros e serà disponible dins gaireben tot lo Mond.
Amb sas dimensions de 7,9 poces, concorrerà amb las tauletas Kindle Fire d’Amazon e Nexus 7 de Google. Lo nòu engenh de l’entrepresa de la poma a las caracteristicas d’un iPad 2, mas es 53% mai leugièr.
“Es pas solament un iPad mai petit, a una concepcion totalament nòva”, çò diguèt Philip Schiller, responsable del marqueting d’Apple pendent la presentacion.
L’iPad Mini a una resolucion d’ecran de 1024 x 768 pixèls, pesa un pauc mai de 300 gramas. Serà disponible en blanc e en negre.
La companhiá aprofechèt l’acte de presentacion per lançar tanben lo novèl iPad tradicional, amb un chip que, segon Apple, “ofrís un rendement grafic e de CPU fins al doble de rapid” e permet que la batariá “contunhe d’aver fins a 10 oras d’autonomia”. L’iPad de quatrena generacion sortirà tanben en venda lo 2 de novembre, a partir de 499 èuros.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Enfin, an realizat qu'una tauleta de format A4 fasiá tròp ! Çò que las tauletas Android òfreron dempuèi un brave temps ! ;)
Diu me damne, arribi pas a sègre! Ara es l'i-Pad que s'es tornat mini... L'i-Quicòm 5 o 6, l'ordenador, lo mini: me cal anar veire mon banquièr per un prestatge que la sòudada demòra corteta davant lo progrès tecnologic!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari