CAPÇALERA: CALANDRETA
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 de genièr

Actualitats

Dimars, 13 de febrièr de 2018, 03h00 Lenga,Politica

Gasconha > Val d'Aran

Lo Tribunal Constitucional a cancelada la prioritat de l’occitan en Aran

Segon lo naut tribunal espanhòl, l’aranés pòt pas èsser lenga d’usatge preferencial per las administracions dins lo país de cap de Garona


Comentaris 4 comentaris    
Marrit Flac Bon Plan bon Fabulós (11 vòtes)
carregant En cargar


Lo Tribunal Constitucional a anullats los articles de la Lei de l’Occitan que declaran la lenga nòstra preferenciala en Aran. Segon lo naut tribunal espanhòl, l’aranés pòt pas èsser lenga d’usatge preferencial per las administracions dins lo país de cap de Garona: La cooficialitat se deu sometre a un patron d’equilibri o egalitat entre las lengas, de sòrta qu’en cap de cas se deu autrejar prevaléncia o preponderància d’una lenga sus una autra”. Dins aquel sens, lo tribunal considèra que l’“encoratjament e la promocion” de l’occitan “an de limits” e per aquela rason se pòt pas priorizar la lenga.
 
La senténcia, publicada ièr, seguís un apèl que lo faguèt lo govèrn de l’estat espanhòl en 2012.
 
 
Cancelats los articles qu'establisson la prioritat de la lenga
 
Los articles anullats son los qu’establisson que l’occitan es “la lenga d’usatge prioritari dins totas las institucions d’Aran, mai que mai al Conselh General d’Aran, dins l’administracion locala e los organismes que i son restacats, dins los mèdias publics, dins l’ensenhament e dins la toponimia”. Segon aqueles articles, caliá que l’occitan aranés foguèsse la lenga “prioritària” de la Generalitat e de l’administracion de l’estat espanhòl dins la Val, a totes los nivèls.
 
 
La Lei de l'Occitan
 
La Lei de l’Occitan, Aranés en Aran foguèt aprovada mercés als vòts de CiU, PSC, ÈRC e ICV-EUiA; PP e Ciutadans votèron contra perque la jutjavan anticonstitucionala. Après l’aprobacion, lo govèrn de l’estat espanhòl considerèt que: “per çò que tòca las competéncias, e d’acòrdi amb l’article 3.1 de la Constitucion, lo castelhan es la lenga oficiala de l’estat e totes los espanhòls an lo dever de lo conéisser e lo drech de l’emplegar. Quant a las autras lengas d’Espanha, lo paragraf 2 ditz que seràn tanben oficialas dins lors Comunautats Autonòmas respectivas. Pasmens, la nòrma es contrària a la Constitucion pel fach de declarar lo caractèr prioritari de l’occitan aranés”.
 
La lenga occitana es oficiala en Catalonha dempuèi 2006 gràcias a l’aprobacion del darrièr estatut d’autonomia. La Lei de l’Occitan, Aranés en Aran, aprovada al Parlament de Catalonha lo 22 de setembre de 2010, n’aplica l’oficialitat e ne determina lo caractèr prioritari en Aran. Mas aqueste usatge prioritari es ara cancellat pel Tribunal Constitucional espanhòl.


Reaccions






 

 


abonar los amics de Jornalet



publicitat
BANER1: IEA-AALO



Comentaris

14 de febrièr 06.02h

Lo TC deu anullar tanben la prioritat del castelhan e daissar pas que l'anglés. Cal sortir de la Preistòria, macarèl!


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

13 de febrièr 23.07h

Lo tribunal constitucional non pot anul·lar competències de l'Estatut de Catalunya aprovades vigents . Que non contradiuen la constitucion, sinó qu' es una interpretació restrictiva que fan eles.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

13 de febrièr 19.23h

UN ATAC MES CONTRA LA REALITAT DEL PLURINGÜISME DE LÉSTAT ESPANHOL, UN PAS MES AMB LÍNTENT DE GENOCIDI DE LES LENGAS MINORITARIES DEL ESTAT.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

13 de febrièr 09.11h

Ont que nos virèm, mesprètz, mesprètz, mesprètz… La governalha espanòlista e l'imperialisme colonial francés non sabon far res mai que castigar, mespresar, denegar, ignorar e enebir, governlha de rasclanha de fons de bordilhas… Plan venguts dins lo mond real !


Valoriza aqueste comentari:   votar positiu 20   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

En 2019, festegem lo seten anniversari de Jornalet

Lo numèro sèt nos agrada. D'un caire, trobam las originas de la lenga occitana dins un territòri qu'a la fin de l'Empèri Roman èra administrat per la Diocèsi ...
giny

Lo temps

Mapa
  • sol Agen 11 6
  • sol Aush 12 5
  • sol Bordèu 10 4
  • sol Briançon 5 -7
  • sol Caors 11 5
  • nuvols Carcassona 12 2
  • sol Clarmont-Ferrand 12 3
  • sol Confolent 8 3
  • sol Gap 11 4
  • sol La Canau 10 5
  • sol La Gàrdia 8 -1
  • sol La Torre de Pèlitz 10 2
  • sol Limòtges 8 3
  • sol Lo Borg Sant Dalmatz 10 2
  • sol Lo Puèi de Velai 7 1
  • nuvols_parcials Marselha 14 7
  • nuvols Montpelhièr 14 7
  • sol Naut Aran 13 0
  • sol Niça 3 -4
  • sol Nimes 14 6
  • sol Pau 11 4
  • sol Peireguers 8 3
  • sol Rodés 11 2
  • nuvols Tolon 12 6
  • sol Tolosa 12 4
  • sol Valença 7 2

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

lateral 2 teveoc

Fotografias

  • Minecraft en version occitana

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Franc Bardòu

    Tèrra albigesa

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • Hug de la Rosa

    Manifestacion "Er aranés, era nòsta identitat". Vielha 24 de març 2018

  • © Franc Bardòu

    Tèrra albigesa

  • © Laurenç Revèst

    Bessas (Bas Vivarés)

  • © Aure Séguier

    Carnaval Biarnés 2017

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • La prima en valaa de Tiniá. © Laurenç Revèst

    La prima en Tiniá

  • © Celèsta Toion

    La plaja espaci de libertat? D'expression?

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Estivada 2013. © Guillem Sevilla

    Estivada 2013

  • © Conselh Generau d'Aran

    Lo Torn de França 2016 en Aran

  • Tardor dins lo País de Saut lengadocian. © Terric Lausa

    Tardor dins lo País de Saut lengadocian

  • © Franc Bardòu

    Tèrra albigesa

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Estivada 2013. © Guillem Sevilla

    Estivada 2013

giny

Las mai...

publicitat

LATERAL1 300X250: radio pais

giny

Sondatge

T'agradariá que Jornalet se publiquèsse tanben en papièr?


67%



13%



20%




Vots 100 vòtes

comentaris 4

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)