CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimenge, 20 d'octòbre

Actualitats

Divendres, 23 de febrièr de 2018, 03h00 Sciéncia

Space X assaja la nau espaciala mai potenta del Mond

Amb aquela avançada tecnologica l’entrepresa de Musk volguèt demostrar sa capacitat al mercat aeroespacial, davant d’autras entrepresas coma la NASA o divèrsas entrepresas de satellits de telecomunicacions de l’armada dels Estats Units


Comentaris 3 comentaris    
Marrit Flac Bon Plan bon Fabulós (6 vòtes)
carregant En cargar


L’entrepresa privada espaciala Space X, d’Elon Musk, a fach ja d’assages amb Falcon Heavy, la nau espaciala amb mai de poténcia de la planeta. Los assages foguèron una reüssida e demòstran que la nau pòt cargar fins a 64 tonas e las metre en orbita. Los assages foguèron considerats coma un pas de gigant dins l’estrategia espaciala actuala vèrs Mart.
 
La nau espaciala Falcon Heavy (falcon pesant) sortiguèt de Cap Canaveral, en Florida, amb mai de 64 tonas de carga. Pendent lo primièr vòl la nau aviá dedins plusors produches de Tesla, l’entrepresa de veituras electricas, tanplan de Musk.
 
Aital, la Falcon Heavy, s’enaurèt del Centre Espacial Kennedy, de la plataforma 1 estant, la meteissa que ne partiguèron las naus Apollo, e qu’arribèron sus la Luna entre 1961 e 1972. Falcon Pesant es ara considerat coma la nau amb la mai granda capacitat de carga dempuèi Saturn V, que podiá, malgrat aquò, portar prèp de 120 tonas de carga. Lo recòrd istoric doncas foguèt pas ganhat tornamai amb  Falcon Pesant.
 
 
Tres naus en una
 
La nau espaciala Falcon Pesant es facha de tres naus Falcon mai pichonas que, totas amassa, forman una nau mai granda. L’idèa es que, un còp dins l’espaci, se pòdon desseparar per laissar la carga ailà. Las partidas lateralas de la nau se desseparèron doas minutas e mièja après lo lançament e la partida centrala 30 segondas puèi. Après aquò, totas las partidas tornèron en Florida o dins l’ocean Atlantic.
 
A mai, la nau espaciala mesura 70 mètres –çò es coma un bastiment de 23 estatges– e ten 27 motors que pòdon aver pro de fòrça per portar 2500 tonas, valent a dire coma los motors de 18 avions Boeing 747. Sa capacitat de carga es dos còps mai granda que la de la nau Delta IV Heavy, de l’entrepresa United Launch Alliance. Segon Space X, cada vòl còsta 90 milions de dolars.
 
Amb aquela avançada tecnologica l’entrepresa de Musk volguèt demostrar sa capacitat al mercat aeroespacial, davant d’autras entrepresas coma la NASA o divèrsas entrepresas de satellits de telecomunicacions de l’armada dels Estats Units. Segon Musk, cal ara poder far del comèrci espacial un negòci pro bon per poder menar l’èsser uman vèrs Mart, la tòca finala d’Elon Musk.
 
Totun, e malgrat la reüssida de la pròva, Musk aviá avisat que seriá pro aürós se la nau espetèsse en mila tròces. Los engenhaires, d’autre costat, avián dich que lo moment de la desseparacion de las partidas lateralas de Falcon Pesant èra un moment plan dangierós pr’amor de la tecnologia utilizada. (Legissètz la seguida).




 


Aqueste article es  publicat dins Sapiéncia, la revista occitana de divulgacion scientifica, amb la quala Jornalet a un acòrdi de cooperacion. Podètz legir l'article entièr aicí.





abonar los amics de Jornalet
 
 
 



publicitat
BANER1-2-3: DGPL AN LAFONT



Comentaris

25 de febrièr 23.13h

Una empresa privada que vol guanhar diners per portar toristalha rica a far voltes per l'estratosfera e veder la terra rodona. Res pus. Una manera coma una altra per fotre diners als multimilionaris que saben pas que far amb sos milions..


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

23 de febrièr 23.33h

Aquí farem remarcar totun als malpalaires que non se parla ni d'Aran, ni de Catalonha…


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

23 de febrièr 23.32h

Segon Space X, cada vòl còsta 90 milions de dolars. Tant val dire que cada vòl pagat a tal prètz deu raportar plan mai a quol o se paga que non pas çò que li còsta. D'ont ven tota aquela moneda ? E mai que mai, ont va ? E qué devenon las cargas un còp que quitan de servir, penjadas amot, pel cèl, per un temps son que, supausi. Lo cèl, plan luènh de la divina comedia, dèu mai semblar un bordilhièr que non pas la polida Beatritz…


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Tresmudar un problèma politic en un problèma d’òrdre public

Dempuèi longtemps l’estat espanhòl refusa de resòlver politicament lo problèma politic que ten en Catalonha. Ara, après l’enòrma indignacion ciutadana ...
giny

Lo temps

Mapa
  • sol Agen 14
  • sol Aush 15
  • sol Bordèu 14
  • sol Briançon 12
  • sol Caors 13
  • sol Carcassona 17
  • sol Clarmont-Ferrand 11
  • sol Confolent 16
  • sol Gap 9
  • sol La Canau 14
  • sol La Gàrdia 14
  • sol Limòtges 12
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 20
  • sol Montpelhièr 20
  • sol Naut Aran 16
  • sol Niça 18
  • sol Nimes 20
  • sol Pau 15
  • sol Peireguers 13
  • sol Rodés 15
  • sol Tolon 13
  • sol Tolosa 16
  • sol Valença 15

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Laurenç Revèst

    De las charrièiras de Genolhac (500 m. d'altitud) al bèlvéser de las Bosedas (1235 m.)

  • Omenatge a Aragon. © Franc Bardòu

    Omenatge a Aragon

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

  • © Franc Bardòu

    Catalonha etèrna

  • © Conselh Generau d'Aran

    Lo Torn de França 2016 en Aran

  • © Xavi Gutiérrez Riu

    Tarba

  • Omenatge a Aragon. © Franc Bardòu

    Omenatge a Aragon

  • © Franc Bardòu

    Catalonha etèrna

  • Niça vièlha en occitan niçard. © LR

    Niça vièlha en occitan niçard

  • Narbona. © Cercle Occitan de Narbona

    18a Dictada Occitana

  • Zep Armentano

    25au Corsa Aran per sa Lengua

  • © Laurenç Revèst

    Vista de Nimes, lengadociana per l'istòria, provençala per lo dialècte

  • © Zep Armentano

    XI prèmis Gaudí de l'Acadèmia Catalana del Cinèma

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • © Xavi Gutiérrez Riu

    31n rescontre occitanocatalan al Pòrt de Salau

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Conferéncia de Yan Lespoux sus las relacions occitanocatalanas en Malhòrca (11.05.2017)

  • La Primada de Montsegur, 17 de març 2012

    Primada de Montsegur, 17 de de març 2012

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Que pensas de las senténcias de 9 a 13 ans de preson contra los nòu nauts representants independentistas catalanas?


0%



0%



0%



0%




Vots 0 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)