Bandièra01 1180x150: Comuna de Tolosa

Actualitats

Mièg milion d'èuros per la reünificacion de Bretanha

Lo Conselh Regional de Bretanha destinarà aquel argent per lançar d'accions concretas qu’anen dins lo sens d’una reünificacion amb lo departament del Léger Atlantic

| Loïg Chesnais-Girard
Lo Conselh Regional de Bretanha destinarà mièg milion d'èuros per lançar d'accions concretas qu’anen dins lo sens de la reünificacion del país, es a dire que se torne integrar lo departament del Léger Atlantic a la region, çò rapòrta Le Télégramme.
 
Dins aquel sens, lo president de Bretanha, Loïg Chesnais-Girard, prepausa d’establir una possibla “mission conjoncha” amb las autoritats dels Païses de Léger, çò rapòrta Nationalia. Pasmens, aquesta region s'es totjorn mostrada contrària a la pèrda de son departament breton justament perque an establit la capitala dels Païses de Léger a Nantas.
 
La reünificacion de Bretanha qu’incorporariá a la region administrativa lo departament del Léger Atlantic es una vièlha revendicacion bretonista, qu'a organizat de vòtes populars sus aquel tèma e fòrça protèstas e manifestacions nombrosas. Mas l’Assemblada francesa refusa aquela revendicacion, e mai la capitala istorica de Bretanha, Nantas, rèste dins la region dels Païses de Léger en tot perpetuar lo desmembrament de Bretanha decretat per Philippe Pétain fa mai de setanta ans.
 
En mai d'aquò, lo Conselh Regional breton a creat un grop de trabalh per analisar lo dich "drech a la diferenciacion", que permet a cèrtas regions de l'estat francés d’assumir de competéncias nòvas. Chesnais-Girard assegura que la reconeissença de l’especificitat de Corsega “es una oportunitat” per que Bretanha “faga valer sas conviccions”.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" igualada (PP.CC.)
6.

I no només unida sinó lliure, el damés son foteses, es una Nació, doncs lliure!
Visca la Terra...Lliure!
L'Ernest, "El Tàrrega".

  • 0
  • 0
Mèfi ! 31
5.

Disen la Bretanha bretonanta, deuriam díser l'Occitània occitananta e non pas occitanofòna.

  • 1
  • 0
francesc palma
4.

Ho cal far, per fidelitat a eles mareisses.

  • 10
  • 0
Pirolet
3.

Cal pas oblidar que la division de Bretanha es un eiretatge de l'Estat francés de Pétain. Los jacobins, quitament los d'esquèrra, l'assumisson.
O cal far saupre d'ont ven aquela division.

  • 9
  • 0
Howard Phillips Lovecraft
2.

#1 En despertant la causa que fasiá dos de çò qu'èra unit, que que fasiá un de tot çò multiple, se remembran pas çò que van a de bon despertar…

  • 7
  • 1

Escriu un comentari sus aqueste article