Actualitats
Lo discors feminista de Frances McDormand a la gala dels Oscars
L’actritz laureata faguèt s’alçar totas las femnas nomenadas de la sala e apelèt l’indústria del cinèma per qu’escotèsse seriosament lors projèctes e iniciativas
Frances McDormand es estada premiada amb l’Oscar de la melhora actritz per son interpretacion dins lo filme Three Billboards outside Ebbing, Missouri, que Zep Armentano analisa dins sa tribuna de Jornalet. E just al moment d’anar prene son guierdon, aqueste dimenge passat de ser, l’actritz revolucionèt la gala en fasent una crida per l’egalitat de genre tanben dins lo mitan del cinèma.
Un còp sus l’empont amb la figurina entre sas mans, McDormand decidiguèt de revendicar lo ròtle de las femnas dins l’indústria del cinèma. “Se pòdi aver l’onor que totas las nomenadas se quilhen amb ieu aquesta nuèch”, çò diguèt. “Las actrises —çò precisèt— Meryl [Streep] se tu t’alças o faràn totas”. Streep o faguèt sul pic jols aplaudiments e crits de la sala. “Las realizairas, las productrises, las scenaristas, las compositrises, las dessenhairas… anem, anem”, çò contunhèt McDormand.
L’actritz laureata faguèt una crida a l’indústria del cinèma per que agachèsse “son entorn”, perque lo mitan es tot plen de femnas amb de projèctes e iniciativas. “Nos pausetz pas de questions aquesta nuèch dins las fèstas. Convidatz-nos a vòstres burèus per ne parlar”, çò demandèt.
En fin, clavèt son discors amb dos mots: “inclusion rider”, en fasent referéncia al nom d’una clausula contractuala qu’obliga los filmes d’aténher la paritat en diversitat raciala e egalitat de genre.
Un còp sus l’empont amb la figurina entre sas mans, McDormand decidiguèt de revendicar lo ròtle de las femnas dins l’indústria del cinèma. “Se pòdi aver l’onor que totas las nomenadas se quilhen amb ieu aquesta nuèch”, çò diguèt. “Las actrises —çò precisèt— Meryl [Streep] se tu t’alças o faràn totas”. Streep o faguèt sul pic jols aplaudiments e crits de la sala. “Las realizairas, las productrises, las scenaristas, las compositrises, las dessenhairas… anem, anem”, çò contunhèt McDormand.
L’actritz laureata faguèt una crida a l’indústria del cinèma per que agachèsse “son entorn”, perque lo mitan es tot plen de femnas amb de projèctes e iniciativas. “Nos pausetz pas de questions aquesta nuèch dins las fèstas. Convidatz-nos a vòstres burèus per ne parlar”, çò demandèt.
En fin, clavèt son discors amb dos mots: “inclusion rider”, en fasent referéncia al nom d’una clausula contractuala qu’obliga los filmes d’aténher la paritat en diversitat raciala e egalitat de genre.
Moment of the night!
— RTÉ 2FM (@RTE2fm) 5 de març de 2018
Take a bow #FrancesMcDormand#ThreeBillboards#2FMOSCARS#OSCARSpic.twitter.com/8RwRFNKTPU
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari