Actualitats
Renzi demissiona e anóncia que lo Partit Democrata serà dins l’oposicion
Lo cap del Partit Democrata a reconegut que s’agís d’“una desbranda clara” e a defendut l'idèa de “dobrir una nòva pagina pel partit”
Lo cap del Partit Democrata (PD), Matteo Renzi, anoncièt diluns sa demission davant la formacion politica après la “desbranda clara” a las eleccions generalas de dimenge passat en Itàlia, ont a obtengut mens del 19% dels vòtes. Tanben anoncièt que son partit fariá pas cap d’aliança e que passariá dins l’oposicion. Dins una compareissença fòrça esperada, Renzi reconeguèt sa desfacha e anoncièt que quitariá lo partit tanlèu lo parlament e lo nòu govèrn italians formats.
En mai d’aquò, precisèt qu’aviá demandat la convocacion d’una assemblada estatala del partit per preparar un congrès qu’elegiguèsse lo nòu cap, en tot defendre lo besonh d’eleccions primàrias dins lo partit. Per rapòrt a son avenir diguèt que se limitariá a far lo senator.
L’èx-primièr ministre soslinhèt que los venceires de las eleccions avián pas pro de sostens per governar e metèt en evidéncia que son partit manteniá sa promessa electorala de far pas cap de pache amb los que Renzi nomena “extremistas”. Dins aquel sens insistiguèt: “Quand disiam de non a la cultura de l’òdi, o disiam seriosament”.
Renzi remarcava que sas diferéncias amb lo Movement 5 Estelas e amb la Liga son sustot lor “antieuropeïsme” e recordèt las nombrosas acusacions qu’aquelas formacions avián proferidas contra lo Partit Democrata, que l'avián tractat de “corromput” o “mafiós”. “Fasètz govèrn sens nosautres”, çò diguèt.
Enfin, Renzi prometèt una oposicion responsabla que saludariá lo nòu govèrn “s’o fa melhor” e daissariá endarrièr la cultura de l’“òdi e los insults”. “En 2014 reüssiguèrem de frenar lo vent extremista, mas aqueste còp es pas estat aital”, çò deplorèt.
En mai d’aquò, precisèt qu’aviá demandat la convocacion d’una assemblada estatala del partit per preparar un congrès qu’elegiguèsse lo nòu cap, en tot defendre lo besonh d’eleccions primàrias dins lo partit. Per rapòrt a son avenir diguèt que se limitariá a far lo senator.
L’èx-primièr ministre soslinhèt que los venceires de las eleccions avián pas pro de sostens per governar e metèt en evidéncia que son partit manteniá sa promessa electorala de far pas cap de pache amb los que Renzi nomena “extremistas”. Dins aquel sens insistiguèt: “Quand disiam de non a la cultura de l’òdi, o disiam seriosament”.
Renzi remarcava que sas diferéncias amb lo Movement 5 Estelas e amb la Liga son sustot lor “antieuropeïsme” e recordèt las nombrosas acusacions qu’aquelas formacions avián proferidas contra lo Partit Democrata, que l'avián tractat de “corromput” o “mafiós”. “Fasètz govèrn sens nosautres”, çò diguèt.
Enfin, Renzi prometèt una oposicion responsabla que saludariá lo nòu govèrn “s’o fa melhor” e daissariá endarrièr la cultura de l’“òdi e los insults”. “En 2014 reüssiguèrem de frenar lo vent extremista, mas aqueste còp es pas estat aital”, çò deplorèt.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#2 Defendi pas Hollande, mas las paroquetas mediaticas quitavan pas de nos dire qu'èra encara tròp a l'esquèrra. Resultat: ara avèm Macron, qu'es bis repetita.
#1 Çò qu'èra capable de far Hollande ? De se far elegir subre de mentida d'esquèrra per dirigir l'estat a dreita. Çò qu'èra capable de far Renzi ? La meteissa causa, coma lo PSOE dels espanholistas… Son eles, e degun, que tuan la democracia, que trepejan lo pòble. Clar que clar…
A! l'esquèrra de govèrnament! Lo Renzi lo nos presentavan coma un gèni de la politica: gaitatz çò qu'es capable de far Renzi e qu'Hollande es pas capable de far, repetissián nòstres repapiaires mediatics… fins que las causas se desanèron e nos’n parlèron pas mai. Ara tòrnan nos metre Alemanha davant lo nas. Brexit, Trump, Itàlia... Los avertiment se multiplican e refusan de veire d’ont ven la misèria del mond. Al contrari quichan sus encara mai de sacrificis e e trapan normala l’espleitacion dels países paures e lo panatòri de los riquesas. Aqueles riscan pas d'aver de "problèmas" amb la Drangheta! Que nos parlan jamai de las imbricacions de las màfias amb lo mond politic.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari