Bandièra01 1180x150: Comuna de Tolosa

Actualitats

La Val d'Aran refusa lo projècte de l'estrada N230

Auriá un impacte negatiu sus l'economia e sus l'environament

| Conselh Generau d\'Aran
L'estrada dicha nacionala que travèrsa la Val d'Aran, del tunèl de Vielha fins a Bavartés, a besonh d’un melhorament dins lo segment que jonh la boca del tunèl fins a la vila de Vielha. Aquela longa revendicacion dels araneses, sovent victimas d'accidents, ne pòt totjorn portar una autra. Lo Ministèri espanhòl de l'Esquipament a fach una nòva proposicion per aquel tròç d'estrada qu'a pas brica agradat al govèrn d'Aran, ni mai a la comuna de Vielha, ni a la populacion en general. La proposicion suggerís un fals tunèl d'11 mètres, de viaductes e de ponts. Un d'aqueles viaductes passariá subre un quartièr de la capitala aranesa, çò rapòrta AranNau.
 
Al projècte s’i opausan ara lo Conselh General d'Aran,  la comuna de Vielha e tanben qualques cònsols màgers del Bas Aran que veson que lo projècte considèra pas cap de mesura per evitar lo passatge dels camions dins lors vilatges, çò precisa Aué TV.
 
Per ara, lo Conselh General d'Aran a enviat un rapòrt argumentat per demandar qu'aquel projècte s'execute pas. Lo rapòrt conten un estudi informatiu e un estudi de l'impacte environamental.
 
Se lo projècte s'entamenava, la societat aranesa començariá una autra lucha contra lo mesprètz de l'estat. Se l'autogovèrn e la prioritat de la lenga occitana èran ja mesas en perilh, ara ven a l'environament.
 
 


abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article