CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dijòus, 19 de setembre

Actualitats

Dimècres, 14 de març de 2018, 03h00 Istòria,Politica,Societat

Lengadòc > Lengadòc Naut > País d'Òlmes

Montsegur: divendres se commemorarà lo 774n anniversari de la desfacha

Lo 16 de març de 1244, de matin, l’armada francesa cremèt 210 personas dins un grand lenhièr. Se completava ansin l'invasion d'una partida importanta d'Occitània


Comentaris 8 comentaris    
Marrit Flac Bon Plan bon Fabulós (7 vòtes)
carregant En cargar


Divendres que ven, 16 de març, a 11 oras, aurà luòc al Prat dels Cremats, al pè del Castèl de Montsegur (País d’Òlmes), la commemoracion de remembre de las victimas de la guèrra de 1209-1244, quand l’armada francesa, amb lo sosten del Vatican, envasiguèt una partida d’Occitània jol pretèxt de combatre una eretgia religiosa.
 
Lo Cercle Occitan de Montsegur e Convergéncia Occitana fan una crida a la commemoracion del 774n anniversari d'aquela tragica data istorica. Après la commemoracion sul sit a 11h se tendrà a 14h30 dins la sala de las fèstas de Montsegur un concèrt de Christian Almegre, del grop Test.
 
Lo 16 de març de 1244, de matin, l’armada francesa cremèt 210 personas dins un grand lenhièr. Uèi, al Prat dels Cremats, i a una estèla commemorativa dedicada a aquelas victimas: “Als catars, als martirs del pur amor crestian”.
 

Nòu meses de resisténcia
 
Lo castèl de Montsegur resistiguèt al sètge de l’armada francesa pendent nòu meses, del mes de mai de 1243 enlà.
 
Montsegur devenguèt refugi de la glèisa catara e de fòrça autres lengadocians faidits e resistents a la crosada francesa. De fach, al començament del sègle XIII, la comunautat catara de Lengadòc aviá ja demandat a Ramon de Perelha, senhor de Montsegur, de preparar lo castèl per defendre los “bons òmes”, s’aquela guèrra anava mal. E foguèt lo cas.
 
 
La Crosada Albigesa
 
En 1208, près d’Arle, foguèt assassinat Pèire de Castèlnòu, lo legat del papa Innocenci III, çò qu’inicièt la Crosada Albigesa, fach que l’armada francesa aprofechèt puèi per dirigir e aital envasir aquela partida del territòri occitan. Amb lo masèl de Besièrs, ont l’armada dels crosats tuèt 20 000 personas, comencèt una seguida de tragics eveniments que devastèron Lengadòc pendent mai de 30 ans.
 
 
Lo sètge de Montsegur
 
La nuèch del 28 de mai de 1242, un grop de faidits venguts de Montsegur tuèron a Avinhonet (Lauragués) onze inquisitors. Es alavetz que la colèra del papa obliguèt lo rei de França de començar lo sètge d’aquel castèl, qu’èra ja lo darrièr reduch de resisténcia.
 
Lo sètge comencèt en mai de 1243 e dètz meses puèi comencèron las negociacions que menèron a la reddicion de Montsegur. Las condicions de l’armada francesa èran claras: lo qu’abjurariá pas lo catarisme moririá sul lenhièr. Demest los mai de 200 catars que moriguèron cremats, i aviá Esclarmonda, la femna del senhor del castèl Raimon de Perelha, e tanben sa filha.
 
Segon la legenda, dins los quinze jorns de trèva entre la reddicion del castèl e l’execucion dels darrièrs 200 catars occitans, s’amaguèt lo tresaur de Montsegur, qu’es pas jamai estat trobat.
 
Après aquela desfacha, Montsegur devenguèt proprietat de Guy de Lévis, ancian companh de Simon de Montfòrt, lo nòble francés cap de la Crosada, responsable del chaple de Besièrs, venceire de la Batalha de Murèth. Montfòrt menèt a l’ocupacion per la noblesa francesa d’una partida bèla d’Occitània e foguèt lo protagonista principal e mai lo menaire d’aquela guèrra caracterizada per una granda cruseltat. Moriguèt durant lo sètge de Tolosa en 1218.
 
 

abonar los amics de Jornalet



publicitat
BANER1-2-3: DGPL TRADUCTOR



Comentaris

19 de març 10.26h

De noble Monfort no en tenia res, mes aviat tot el contrari, i de croada res, no hi havia res a combatre, només els interessos dels francesos, oh braç dret del Papa, per conquerir i apropiar-se d'Occitània.
I vam perdre els Catalans el nostre rei, la mare que ho va...
Però ens en sortirem, ara i sempre, no defallirem mai, em arribat fins aquí, i mes lluny que arribarem!
Visca la Terra...lliuree!
L'Ernest, "El Tàrrega".


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

17 de març 10.53h

#6
Arrés ne denega que i avosse un fenomène religiós en Occitania a l'epòca, ua dissidencia en reaccion au catolicisme en seguir de la refòrma gregoriana que balhè mei anar mei de poder aus clèrgues.
Arrés ne denega tanpòc la realitat istorica de la crotzada ni la soa crudelitat.

Çò qu'ei hicat en question dens lo reportatge e per un istorian anglés, qu'èi lo hons teologic de l'eretgia en question, la doctrina deu catarisme que coneishem sonque peu biais de testimoniatges deus tr... Legir mai


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

17 de març 07.26h

#5 Es fòrça important perque dins los fulhets toristics, e dins qualques libres "regionalistas" contunhan de servir la sansònha de "l'eresia" catara. Fa bèl brieu que se sap qu'es una part del cristianisme, coma mai tard la refòrma. La diferéncia, es que Luther se poguèt apiejar sus l'imprimariá e sas idèas s’espandiguèron sens que la Glèisa las poguèsse far desaparéisser.
Quicòm mai: coma l'imprimariá empachèt aquel escafament, uèi internet empacha l'escafament programat de... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

16 de març 18.46h

#5 La Fabrique mondiale de l'histoire : Les Cathares : une invention de l’Eglise ? L'invencion de l'invencion de la gleisa catara per la lgeisa catolica : una invencion de l'escòla francimanda d'istòria ?


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

15 de març 11.15h

Pretendètz que la nuèit del 28 de mai de 1242, mon grop de faidits venguts de Montsegur tuèron a Avinhonet de Lauragués onze inquisitors. Lor auriá plan agradat. Ailàs, d'inquisitors, n'avián son que 2 de see partejar. O faguèron plan equitablament. Cadun lo sieu tròç. N'agguèsson agut milanta, vos pòdi assolidar que mos òmes n'aurián pas mens servat l'objectiu d'equitat per los esbocinar plan coma o caliá ! Los 9 autres èran son que de monges que seguissián aqueles dos alèri... Legir mai


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

14 de març 22.13h

Mercés au webmaster d'esfaçar lo men messatge precedent. Que s'ageish d'un copiar/pegar que s'ei au debanat e que n'averé pas devut aparéisher aquiu.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 de març 11.23h

Sei pas catar mas dau catarisme ai retengut qu'i avia dos bons òmes e de las bonas dònas.
P'una autra religion occidentala e mesma la filosofia laica podan en dire tertant.
Sei pas catar mas la repression daus barons dau nòrd aidats per la Gleisa de Ròma aguet, a totjorn de las repercussons au jorn d'uei tant culturalament qu'economicament e fuguet un marit exemple per las autras regions, per la democracia, per la libertat, per l'amor e la patz.


Valoriza aqueste comentari:   votar positiu 6   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 26
  • sol Aush 26
  • sol Bordèu 24
  • sol Briançon 17
  • sol Caors 25
  • sol Carcassona 25
  • sol Clarmont-Ferrand 20
  • sol Confolent 20
  • sol Gap 16
  • sol La Canau 24
  • sol La Gàrdia 29
  • sol Limòtges 23
  • sol Lo Borg Sant Dalmatz 20
  • sol Lo Puèi de Velai 18
  • sol Marselha 26
  • sol Montpelhièr 26
  • sol Naut Aran 24
  • sol Niça 25
  • sol Nimes 26
  • sol Pau 23
  • sol Peireguers 25
  • sol Rodés 26
  • sol Tolon 23
  • sol Tolosa 25
  • sol Valença 21

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Franc Bardòu

    Asuèlhs de Lauragués

  • © Laurenç Revèst

    Besièrs, preséncia d'occitan en ciutat e CIRDOC

  • © Asalaís Moniguet

    Montpelhièr la lengadociana

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Aure Séguier

    Carnaval Biarnés 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Musèu de Terra Mata, Niça, mai anciana traça de fuec au monde

  • Era còlha dera ADÒC ath trabalh

  • Era còlha dera ADÒC ath trabalh

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • Estivada 2013. © Guillem Sevilla

    Estivada 2013

  • La Primada de Montsegur 2013. © Bruno Sapena

    La Primada de Montsegur 2013

  • País de Rasés. © Franc Bardòu

    País de Rasés

  • © Franc Bardòu

    Coserans al còr

  • © Franc Bardòu

    Tresaurs andorrans

  • © Laurenç Revèst

    Fòrt Maginòt de Sant Anhe

  • Còth deth Tormalet, 18/07/2012

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)