Actualitats
Yorkshire a sa pròpria esquipa nacionala de fotbòl
La region a son drapèl pròpri, son imne en dialècte de Yorkshire e son movement regionalista/autonomista
Yorkshire, un dels comtats istorics d’Anglatèrra, a sa pròpria esquipa nacionala de fotbòl d’ara enlà: la Yorkshire Football Team. Aquesta esquipa es gerida per la Yorkshire International Football Association. De segur, es pas reconeguda per las instàncias internacionalas del fotbòl UÈFA e FIFA mas es dins la CONIFA, la Confederacion d’Associacions de Fotbòl Independentas al costat de l’esquipa nacionala occitana.
La primièra partida foguèt jogada lo 28 de genièr contra l’illa de Man (1-1). D’autres son en preparacion: las illas Chagos lo 15 de març e contra la comunautat somaliana d’Anglatèrra lo 15 d’abril.
Dempuèi longtemps, i a un sentiment nacional en Yorkshire. La region a son drapèl pròpri (dempuèi 1876), son imne (en dialècte de Yorkshire) e son movement regionalista/autonomista: lo Yorkshire Party. Regularament, aquesta partit se presenta als eleccions, e sas resultas son pas insignificantas, al contrari: un 10,6 % a Wakefield e un 10,3% a Leeds en 2016, per exemple.
Dempuèi los ans 60, los autonomistas de Yorkshire revendican la creacion d’un parlament autonòm e vòlon una devolucion sul modèl d’Escòcia e del País de Galas.
Fabien Lecuyer
Mai d’informacions sus Channel 4
La primièra partida foguèt jogada lo 28 de genièr contra l’illa de Man (1-1). D’autres son en preparacion: las illas Chagos lo 15 de març e contra la comunautat somaliana d’Anglatèrra lo 15 d’abril.
Dempuèi longtemps, i a un sentiment nacional en Yorkshire. La region a son drapèl pròpri (dempuèi 1876), son imne (en dialècte de Yorkshire) e son movement regionalista/autonomista: lo Yorkshire Party. Regularament, aquesta partit se presenta als eleccions, e sas resultas son pas insignificantas, al contrari: un 10,6 % a Wakefield e un 10,3% a Leeds en 2016, per exemple.
Dempuèi los ans 60, los autonomistas de Yorkshire revendican la creacion d’un parlament autonòm e vòlon una devolucion sul modèl d’Escòcia e del País de Galas.
Fabien Lecuyer
Mai d’informacions sus Channel 4
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Una nacion es un construch sociau, i a pas de nacion de facto, contràriament a çò que semblatz creire. Si l'i a un sentit nacionau dins lo Yorkshire, zo podetz pas infirmar. Sinon, coma fatz per identifiar de las nacions, Mossur Alari?
Cal pas confondre regionalisme e nacionalisme. Yorkshire es pas una nacion. Es una region de la nacion anglesa que amb la nacion gallesa, la nacion escosesa, e un tròç de la nacion irlandesa fòrman lo Reialme (pei moment)unit. Donc parlar d'equipa nacionala de fotbòl per Yorkshire es una aberracion
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari